မှတ်စု: September 2013

Saturday, September 28, 2013

သေခြင်းအကြောင်း (ကိုယ်ကျင့်အဘိဓမ္မာ - ၇၅)

ရနံ့စံအိမ်မှကူးယူဖေါ်ပြပါသည်

ဆဋ္ဌမအခန်း [ဤအခန်း၌ စုတေခါနီးအဖြစ်အပျက်ပါသည်]

ပြခဲ့သောအခန်းများဝယ် လူသတ္တ၀ါတို့၌ ဖြစ်သင့်သော စိတ်နေစိတ်ထားနှင့် ပြုသင့်သောကံများ ပြခဲ့ပါပြီ။ ထိုသို့ စိတ်ကောင်းစိတ်ဆိုး အမျိုးမျိုးဖြစ်နေကြရင်းပင် ဥစ္စာစီးပွား ချစ်သူများနှင့် ကွေကွင်းဖို့ သေမင်းငင်သဖြင့် မသေချင်ဘဲလည်း သေမြဲဓမ္မတာ သေပေါက်သေ၀သို့ အသေခံရောက်ကြရတော့မည်။ သို့ဖြစ်၍ စုတေခါနီး အရေးကြီးပုံကို ကိုယ်စီကိုယ်င သတိပြုကြဖို့ ဆက်လက်ညွှန်ပြပါဦးမည်။

သေခြင်းအကြောင်း ၄-ပါး

(၁) သက်တမ်း ကုန်ခြင်း၊ (၂) ကံ အစွမ်းကုန်ခြင်း (၃) အသက်တမ်း ကံအစွမ်း ၂-မျိုးလုံးကုန်ခြင်း၊ (၄) ဥပစ္ဆေဒကကံက သတ်ဖြတ်ခြင်း။ ဤသို့ သတ္တ၀ါတို့ စုတေရခြင်း အကြောင်း ၄-မျိုးရှိ၏။ ဥပမာ - ဆီမီးငြိမ်းရာ၌ (၁) ဆီကုန်ခြင်း၊ (၂) မီးစာကုန်ခြင်း (၃) ဆီနှင့် မီးစာ ၂-မျိုးလုံး ကုန်ခန်းခြင်း၊ (၄) ဆီနှင့် မီးစာ ရှိသေးပါသော်လည်း လေပြင်းတိုက်ခတ်ခြင်း သို့မဟုတ် တမင်ငြှိမ်းသက်ခြင်းဟု အကြောင်း ၄-မျိုး ရှိသကဲ့သို့တည်း။

(၁) သက်တမ်းကုန်၍စုတေရပုံ

ထိုထိုဘုံဘ၀၌ သတ်မှတ်ထားအပ်သော အသက်တမ်း ရှိ၏။ ဤလူ့ဘုံ၌ တက်ကပ်အခါဝယ် တဖြည်းဖြည်းတက်၍ အသင်္ချေတိုင်အောင် အသက်တမ်းရှိ၏။ ဆုတ်ကပ်အခါ၌ကား တဖြည်းဖြည်း ဆုတ်ကာ ၁၀-နှစ်တမ်းတိုင်အောင် အသက်တမ်းရှိ၏။ ဘုရားရှင် လက်ထက်တော်၌ အသက်တမ်း တစ်ရာဟုဆို၏။ ယခု ၇၅-နှစ်တမ်းခန့်မှန်းကြသည်။ သင့်တော်ရုံ ကံပါလာသူတို့သည် သတ်မှတ်ထားအပ်သော အသက်တမ်းကို မလွန်နိုင်ကြ။ အလွန်ကံထူသူ။ “ရသာယန”စသော ဆေးကောင်းရှိသူတို့သာ အသက်တမ်းကို လွန်နိုင်ကြပေသည်။

ဘုရားလက်ထက်တော်၌ အရှင်မဟာကဿပ၊ အရှင်အာနန္ဒာ ကျောင်းအမ ၀ိသာခါတို့လည်း အသက် ၁၂၀ ရှည်ကြ၏။ ထိုပုဂ္ဂိုလ်များကား အလွန် ကံထူးသူများတည်း။ ထိုသို့ ကံအထူးလည်းမပါ၊ သာမန်လောက်ကံကလည်း အသက်တမ်းကို လွန်အောင်မဆောင်တော့ဘဲ ၇၅-နှစ်ပြည့်၍ စုတေရခြင်းကို “အသက်တမ်းကုန်၍ စုတေရခြင်း”ဟု ခေါ်၏။ မီးစာရှိသေးသော်လည်း ဆီကုန်၍ မီးငြိမ်းရခြင်းနှင့် တူ၏။

(၂) ကံကုန်ခြင်းကြောင့်စုတေရပုံ

ဘ၀တစ်ခုကို စီမံလိုက်သော ကံသည် ပဋိသန္ဓေ တည်နေသည့် အချိန်မှစ၍ မိမိ၏ သတ္တိ မကုန်သေးသမျှ ဘ၀မပြတ်အောင်(မသေအောင်) အစဉ်တစိုက် အမြဲဖန်တီးလျက်ရှိ၏။ ထို မူလစီမံလိုက်သော ကံ၏အစွမ်းကို အားပေးကူညီသော တခြားကံများလည်း ရှိနေသေး၏။ ထိုမူလစီမံလိုက်သောကံနှင့် အားပေးကူညီကြသော ကံတို့၏ အစွမ်းသတ္တိကုန်လျှင် အသက်တမ်းက မကုန်သေးသော်လည်း ဧကန်မုချ စုတေကြရတော့သည်။ ၇၅-နှစ်တမ်း၌ ကံစွမ်းက ၅၀-လောက်သာရှိလျှင် ၅၀-အရွယ်မှာပင် စုတေကြရသည်။ ဥပမာ - ဆီမကုန်သေးသော်လည်း မီးစာကုန်လျှင် ဧကန်မီးငြိမ်းရသကဲ့သို့တည်း။ ဤကဲ့သို့ အသက်တမ်း မကုန်သေးဘဲ ကံအစွမ်းကုန်ခြင်းကြောင့် စုတေရမူကို “ကံကုန်ခြင်းကြောင့် စုတေခြင်း”ဟုခေါ်သည်။

(၃) ၂-မျိုးလုံးကုန်၍ စုတေရပုံ

တချို့သတ္တ၀ါတို့ကား အသက်တမ်းလည်းကုန်၊ ကံစွမ်းလည်းကုန်ခြင်းကြောင့် စုတေကြရသည်။ ဆီလည်းကုန်၊ မီးစာလည်းကုန်ခြင်းကြောင့် မီးငြိမ်းရခြင်းနှင့် တူ၏။ ထို့ကြောင့် ၇၅-နှစ်တမ်း၌ ၇၅-နှစ်လောက် နေဖို့ရန် ကံပါသူ၏ ၇၅-နှစ်ပြည့်၍ စုတေရမူကို “အသက်တမ်း ကံစွမ်း ၂-မျိုးကုန်ခြင်းကြောင့် စုတေရခြင်း”ဟု ခေါ်သည်။ ဤပြခဲ့သော အကြောင်း ၃-ပါးတို့တွင် တစ်ပါးပါးကြောင့် စုတေခြင်းကို “ကာလမရဏ = သေချိန်ကျ၍ သေရခြင်း”ဟုလည်း ခေါ်သည်။

(၄) ဥပစ္ဆေဒကကံကြောင့် စုတေရပုံ

တချို့ သတ္တ၀ါတို့ကား အသက်တမ်းလည်း မကုန်သေး ကံအစွမ်းလည်း မကုန်သေး၊ တစ်စုံတစ်ရာ အနှောင့်အယှက် မရှိလျှင် အတော်ကြာအောင် နေနိုင်သေး၏။ သို့သော် ရှေးရှေးဘ၀ကဖြစ်စေ၊ ယခုဘ၀မှာဖြစ်စေ ပြုမိသော အကုသိုလ်ကံက အခွင့်ရသဖြင့် တစ်နည်းနည်းနှင့် သေရတော့၏။ ဥပမာ - မီးစာ၊ ဆီ ၂-မျိုးလုံး မကုန်သေးဘဲ လေပြင်းတိုက်ခတ်မူ၊ တမင်ငြှိမ်းသတ်မူကြောင့် မီးငြိမ်းခြင်းမျိုးကဲ့သို့တည်း။ ထိုကဲ့သို့ သေရခြင်းကို “ဥပစ္ဆေဒကကံ၏ သတ်ဖြတ်မူကြောင့် သေရခြင်း”ဟုခေါ်သည်။ (ဥပစ္ဆေဒက = ကပ်၍ သတ်ဖြတ်တတ်သော ကံ)

ဥပစ္ဆေဒကကံနှင့် သေရသူများ

အရှင်မဟာမောဂ္ဂလာန်သည် ရှေးက အမိကို သတ်ခဲ့ဖူး၏။ အရှင်မောဂ္ဂလာန်ဘ၀၌ ထိုကံအခွင့်ရသဖြင့် ခိုးသားငါးရာ၏ အသတ်ကို ခံပြီးမှ ပရိနိဗ္ဗာန် စံရလေသည်။ ဗိမ္ဗိသာရမင်းသည် ရှေးက ဘုရားရင်ပြင်တော်ဝယ် ဖိနပ်စီးခဲ့ဖူး၏။ ဗိမ္ဗိသာရမင်းဘ၀၌ ထိုကံအခွင့်ရသဖြင့် ခြေဖ၀ါးကို ဓားခွဲခံလျက် နတ်ရွာစံရလေသည်။ သာမာဝတီအမှူးရှိသော နန်းတွင်းသူတို့သည် ရှေးက ပစ္စေကဗုဒ္ဓါကို သမာပတ် ၀င်စားနေစဉ် အလောင်းတော်ထင်၍ မီးရိူ့ရာ သမာပတ်မှ ထသောအခါ အသက်ရှိသေးကြောင်း သိလျက်ပင် မိမိတို့ အမူပေါ်မည်စိုး၍ ထပ်မံ မီးတိုက်ခဲ့ဖူး၏။ ထိုကံက အခွင့်ရသဖြင့် မီးလောင်၍ ဘ၀ဆုံးကြရလေသည်။ ဤကား ရှေးဘ၀က ပြုခဲ့သော အကုသိုလ်ကံ အခွင့်ရသဖြင့် သတ်ဖြတ်ခံရသူများတည်း။

ယခုဘ၀မှာပင် ဂုဏ်ကြီးသူများကို အကြီးအကျယ် စော်ကားမိ၍ ထိုကံက သတ်ဖြတ်သော ၀တ္ထုများလည်း ရှိသေး၏။ “ဒုဿီ” မည်သော မာရ်နတ်သည် ကဿပဘုရားရှင်၏ လက်ယာတော်ရံ အဂ္ဂသာဝကအရှင်၏ ဦးခေါင်းတော်ကို ကျောက်ခဲဖြင့် ပေါက်လေသည်။ “နန္ဒ” မည်သော နတ်ဘီလူးကား အရှင်သာရိပုတ္တရာ၏ ရိတ်ပြီးစ ဦးခေါင်းပြောင်ပြောင်ကို လက်ဖြင့်ခေါက်၏။ ကလာဗုမင်းမှာ အလောင်းတော်ခန္တီဝါဒီရသေ့ကို သေလောက်အောင် နှိပ်စက်ခိုင်း၏။ ထို နတ် ဘီလူး မင်းတို့ ထိုဘ၀၌ ပြုအပ်သော ကံသည် ထိုဘ၀မှာပင် အခွင့်ရ၍ မြေမျိုစေလေသည်။ ဤသို့ စသည်ဖြင့် အမိအဖ ဂုဏ်ကြီးသော ဆရာသမားတို့ကို စော်ကားသူတို့သည် ထိုကံအတွက် အသက်တမ်းစေ့အောင် မနေကြရဘဲ လတ်တလော သေရတတ်လေသည်။ ဤဥပစ္ဆေဒကကံ တစ်ခုခုကြောင့် သေရခြင်းကိုပင် “အကာလ မရဏ = သေဖို့ရန် အချိန်မကျသေးဘဲ သေရခြင်း” ဟုခေါ်သည်။

သေချိန်မကျသေးဘဲသေရသူများ

သတ္တ၀ါတို့၏ သန္တာန်၌ ရှေးမကောင်းမူ ကံကလေးတွေ ကိုယ်စီကိုယ်င အများအပြား ပါရှိကြလေသည်။ ထိုကံများသည် မိမိတို့ချည်း သက်သက် သေကျေအောင် မသတ်ဖြတ်နိုင်သော်လည်း သတိမရှိ၊ ဉာဏ်မရှိ၍ (အစဉ်းစား အဆင်ခြင်၊ အမြော်အမြင် မရှိ၍) အစားမတတ်၊ အသွားမတတ်၊ အနေအထိုင် မတတ်သူများကို ဘေးဥပဒ်ရောက်အောင်၊ ထိုဘေးဖြင့် သေကျေပျက်စီးအောင်ကား တတ်နိုင်ကြပေသည်။

ရှေးရှေးက သူတစ်ပါးကို အငတ်ထားခဲ့ဖူးခြင်း၊ မြွေနှင့်တိုက်ခြင်း၊ အဆိပ်ခတ်ခြင်း၊ တုတ်ဓား စသည်တို့ဖြင့် ရိုက်သတ်ခြင်း၊ ရေနှစ်သတ်ခြင်း၊ မီးတိုက်သတ်ခြင်း စသည်ဖြင့် သူတစ်ပါးသေအောင် တစ်နည်းနည်းဖြင့် ပြုခဲ့သောသူသည် ထိုကံများ အခွင့်ရသော ဘ၀၀ယ် ထမင်းငတ်၍ သေတတ်၊ မြွေကိုက်၍ သေတတ်၊ အဆိပ်မိ၍ သေတတ်၊ လက်နက်ဖြင့် သေတတ်၊ ရေနစ်၍ သေတတ်၊ မီးလောင်၍ သေတတ်လေသည်။

သူတစ်ပါးကို တစ်နည်းနည်းဖြင့် နှိပ်စက် သတ်ဖြတ်ခဲ့ဖူးသူသည် ယခုဘ၀၌ လေနာခြင်း၊ သလိပ်ရောဂါရှိခြင်း၊ ပန်းနာရှိခြင်း၊ နူနာရှိခြင်း၊ မကျန်းမမာခြင်း စသည်ဖြင့် ညိူးနွမ်းပင်ပန်းစွာ အသက်ရှည်နေရသည့်အပြင် ထိုရောဂါဖြင့်ပင် သေရတတ်၏။ ဤသို့ စသည်ဖြင့် ရှေးကံကလေးတွေသည် (ဆင်ခြင်စဉ်းစား သတိထားတတ်သူတို့၌ နှိပ်စက်ခွင့် သတ်ဖြတ်ခွင့် မရသော်လည်း) အစဉ်းစား အဆင်ခြင် မရှိသူတို့ကား မကျန်းမာအောင်၊ သေကျေအောင် နှိပ်စက်ဖို့ရန် နှောင့်နှေးမည် မဟုတ်ချေ။ ထို့ကြေင့် “အသက်ဉာဏ်စောင့်၊ အသွားမတော် တစ်မုဟုတ်၊ အစားမတော် တစ်လုတ်၊ ကျားရဲရာ ကြမ္မာမယိုးသာ (ကျားထနေသော တောသို့သွားလျှင် ကျားကိုက်ခံရမှာပဲ၊ ကျားကိုက်ခံနေရတာကို ကံကြမ္မာဟု မယိုးမစွဲပါနှင့်။) ကံယုံပြီး မီးပုံမဆင်းနဲ့၊ မီးပုံထဲဆင်းလျှင် ကံကောင်းနေသော်လည်း မီးလောင်မှာပဲ” စသည်ဖြင့် လူကြီးသူမတို့ ပြောဆိုခဲ့ကြပေသည်။

ထိုစကားတို့၌ လူကြီးများ၏ ဆိုလိုရင်းကား လူတိုင်းမှာပင် မကောင်းကျိုးပေးဖို့ရန် အကုသိုလ်ကံများ (ရှေးဘ၀များစွာက ၁-မျိုး၊ ၂-မျိုး ပြုခဲ့မိကြသဖြင့်) ကိုယ်စီကိုယ်င ပါရှိကြပေသည်။ သို့သော် ထိုကံများသည် အလွန်သတ္တိ မထက်ကြလျှင် သူတို့ဘာသာ အကျိုးပေးခွင့်သာအောင် မတတ်နိုင်ကြပါ။ အဆင်ခြင် အစဉ်းစား မရှိသူများ၌သာ အသွားအလာ၊ အစားအသောက်၊ အနေအထိုင် မတတ်သည့်အတွက် ထိုကံများက အကျိုးပေးခွင့် ရကြပါသည်။ သို့ဖြစ်၍ အသက်ရှည်ကြာ အနာကင်းမူကို ဂရုစိုက်ခြင်း မရှိလျှင် ဥပစ္ဆေဒက ကံကလေးတွေ အခွင့်သာ၍ (အသက်တမ်း မစေ့ခင် ထိုဘ၀ကို စီမံလိုက်သောကံကလည်း မကုန်သေးခင်) သေရမည့် အရေးကား မည်သူမျှ မဝေးကြောင်း နောက်နှောင်း လူများအတွက် လေးနက်စွာ သတိပေးထားခြင်း ဖြစ်သည်။

အချုပ်ကား - သတ္တ၀ါတို့ သေဖို့ရာ “အသက်ကုန်ခြင်း၊ ကံကုန်ခြင်း၊ အသက် ကံ၂-မျိုးလုံးကုန်ခြင်း၊ ဥပစ္ဆေဒကကံက သတ်ဖြတ်ခြင်း”ဟု အကြောင်း ၄-ပါးရှိ၏။ ထိုတွင် ဥပစ္ဆေဒကကံက အခွင့်သာ၍ (အခွင့်သာအောင် အနေအထိုင်၊ အစားအသောက်၊ အသွားအလာ မတတ်ကြ၍) သေချိန်မကျဘဲ သေရသူတွေ ယခုကာလ၌ ပေါများလှ၏။ ထို့ကြောင့် မိမိကိုယ်ကို အသက်တမ်းစေ့နေနိုင်အောင် အသက်ကို အသိဉာဏ်ဖြင့် စောင့်ရှောက်ကြပါဟု ဆိုလိုသည်။

Thursday, September 19, 2013

" ရှက်စရာ ကောင်းလိုက်တာ "

from http://www.ganadharama969.com/

ဒီပုံက လေးထဲကလိုဘဲ မိမိတို့တ တွေ တချိန်ချိန်တုံးက ခြင်ထာင်ထဲ မှာခြင် တစ်ကောင် ဖမ်းခဲ့ဘူးပါလိမ့်မယ်။ ကိုယ့်ကို လည်းအကိုက်ခံရလို့နာကလည်းနာလာတဲ့ အခါ နောက်ပြီးနားနာမှာတဝီဝီနဲ့မို့အိပ်လို့က လည်းမရဖြစ်လာတဲ့အခါစိတ်တိုပြီး ခြင်ကို မရ မကလိုက်ဖမ်းပါတော့တယ်။အ ရှောင် အ တိမ်းကောင်းလှတဲ့ခြင် ကံကောင်းထောက်မ လို့လက်ကြားကလွတ်လွတ်နေ တော့ ခြင် ထောင် ထဲမှာခြင် နဲ့ကိုယ်နဲနပမ်းလုံးနေသ လိုလည်းဖြစ်ခဲ့ဘူးကြမှာပါ။နောက်ဆုံးခက်ခက် ခဲခဲဖမ်းရင်းနဲ့ တစ်ချိန်မှာတော့မိမိလက်ဝါးနှစ် ဖက်အကြားမှာခြင် ကိုဖမ်းမိလို့သွားပါတယ် ဝမ်းသာအားရနဲ့မိပြီကွလို့တောင် စိတ်တစ်ချက် ဖြစ်ခဲ့အုံးမှာပါ။

သေသ ချာချာစဉ်းစားကြည့်စေချင် ပါတယ်။ မိမိကခြင် ကိုဖမ်းမိလိုက်တာလား။ ခြင် ကမိမိကိုဖမ်းမိသွားတာလား။ခြင် တစ်ကောင်သေသွားတယ်။ မိမိမှာတော့အကုသိုလ်စိတ် ကုဋေပေါင်း များစွာဖြစ် ရင်းနဲ့ သူတပါးအသက်သတ်တဲ့ ကံတစ်ခုကြူးလွန်ခဲ့ရပါပြီ။ ကိလေသာကလှည့်စားလို့ကိုယ်ကဖမ်းမိတယ်လို့ ကိုယ့်ကိုယ်ကိုကျေနပ်အားရ နေခဲ့ပေမဲ့ တကယ်တန်းကျတော့ကိုယ်အမိခံခဲ့ရတာပါ။

အဲဒီလိုပါဘဲ လောကထဲမှာရှိရှိသမျှကိုယ်လို ချင် တာမှန်သမျှ ပင် ပင်းပန်းပန်းမရအရ လိုက်ဖမ်းရင်း ကိုယ်လိုချင် တာရလိုက်တဲ့အခါမှာကိုယ်ကမိလိုက်တယ်လို့သာထင် ခဲ့ကြတာပါ။ကိုယ်အဖမ်းခံလိုက် ရတယ်လို့ တစ်ခါမှတွေးတောင် မ တွေးမိခဲ့ပါဘူး။ ဒီလောက် ရိုးရှင်း လှတဲ့ထောင်ချောက်ထဲမှာ ဥာဏ်နုံ့စွာနဲ့နှစ် ရှည်လများအညာခံခဲ့ရတာ "ရှက်ဖို့ကောင်းလိုက်တာ။ "
သက်တော် ၈၀ နီးပါးရှိတဲံ့ဆရာတော်ကြီး တစ်ပါး နဲ့ဆုံခဲ့ဘူးပါတယ်။ စာတတ်ပေတတ်နဲ့အလွန် ရိုးသားတဲ့ဆရာတော်ကြီးတပါးပါ။ သဘောကောင်းတယ် အနေ အေးတယ်လို့မြို့ပေါ်မှာ နာမည်ကြီးလှပါတယ်။

တခါမှာတော့ မိမိနဲ တရားစကားတွေပြောနေ ရင်းဆရာတော်ကြီးက " ဒကာကြီး။ကျောင်းကြီး မတိုးတက်ခင် တုံးက လောဘနဲ့ပူလောင် ရတယ်။တိုးတက်တော့လည်း ငါကွ ဆိုပြီး မာန်မာနဖြစ် ရပြန်တယ်။ကိုယ်လောက်တောင် စာမတတ်ဘဲကိုယ့်ထက်ကြီးပွားနေတဲ့ရဟန်း တွေကိုမြင်တော့လည်း မနာလိုဖြစ်ပြန် ရော။ ကိုယ့်ကိုယ်ကိုပြန်သိရတဲ့အခါ "ရှက်စရာကောင်း လိုက်တာဒကာကြီးရာ"ကိလေသာက ဘုန်းကြီး ကိုလည်းချမ်းသာမ ပေးဘူး။" ဆိုပြီးမိန့်ခဲ့ဘူး ပါတယ်။ဒီအသက်အ ရွယ်အထိ ဒီ လောက်တောင် ကိလေသာထူတဲ့ဘုန်းကြီး အိုကြီးကို ပိုလို့ကြည်ညိုသွားမိပါတယ်။ အချိန်မှီပြုပြင် လိုက်နိုင် ခဲ့တဲ့ဆရာတော်ကြီး ရဲ့မျက်နှာတော်ဟာကြည်လင် လို့နေပါတယ်။
အိမ်မှာကြွက်က လေးနှစ်ကောင် သောင်းကျန်း နေတာ ၁၀ ရက် လောက် ရှိသွားပါပြီ။အိမ်သား တွေကလည်း စားစရာတွေပျက်စီးလို့ခဏခဏ ဒီကြွက်တွေအ ကြောင်းပြောနေကြ ပေမဲ့ မိမိက တော့ဖာသိဖာသာပါဘဲ။ကိုယ်တို်င် လည်း ဒီကြွက်နှစ် ကောင် ပြေးလွှားနေကြတာကို မကြာမကြာမြင် နေ ပေမဲ့သူတို့ကိုဖမ်းဖို့ သတ်ဖို့စိတ်တောင် မကူးမိ ပါဘူး။ကိုယ့်ကိုယ် ကို ထင် ခဲ့တာပေါ့လေ။
အဲဒီလိုနေရင်း နဲ့တစ် ရက် မနက်စောစော အိမ်တံခါးဖွင့်လိုက်တဲ့အချိန်မှာ တံခါးဝမှာကြောင် က လေးတစ်ကောင် ထိုင်နေတာကို ရုတ်တရက် မြင် လိုက် ရတယ်။မြင် လိုက် ရတာက ကြောင် နော်။စိတ်ထဲမှာ ဒိတ်ကနဲဝမ်းသာ သွား တယ်။တော်လိုက်တဲ့စာစစ်ဆရာကိလေသာ ပါဘဲ။ကိုယ်အားအနည်းဆုံးနေရာကဝင် လာပြီးကိုယ့်ကိုအလဲထိုးသွားတော့တာပါဘဲ။ကြောင် က လေးတစ်ကောင် ကိုမြင် တာနှဲ့ ဒီလောက်ဝမ်း သာစရာဘာအ ကြောင်းမှမရှိပါဘူး။ "ရှက်စရာကောင်းလိုက်တာ"

ပုထုဇဉ်ပီပီ လူတိုင်းလိုလို အမှားမကင်း တတ်တာမို့ ဘဝထဲမှာ အခုလိုအမှားမျိုး တွေ နဲ့ရှက်စရာကောင်းတဲ့အဖြစ် မျိုးတွေကြုံဘူး တတ်ကြမှာပါ။ကိလေသာထောင်ခြောက်ထဲမှာကားကနဲဖြစ် ပြီးအရှုံးကြီးရှုံး ရတာမျိုးလည်း ရှိကောင်းရှိနေနို်င် ပါတယ်။ ဒီနေရာမှာလူသိမှာလူမိမှာကိုရှက်တာမျိုးထက် မိမိကိုယ်ကိုရှက်တတ်တာမျိုးကိုသာ အဓိကထားချင် ပါတယ်။

တကယ်တန်းကျတော့ ခြင်ဖြစ်ဖြစ် ကြွက်ဖြစ်ဖြစ် ကြောင်ဖြစ်ဖြစ် လူဖြစ်ဖြစ် ဘုန်းကြီးဖြစ်ဖြစ် တ လောကလုံး သူ့အလုပ်သူလုပ် နေကြတာပါ။ဒါကိုသ ဘောမ ပေါက်တဲ့ကိုယ်က သာ ကိလေသာကိုအားပြုပြီး ကြိုက်ခြင်းမကြိုက် ခြင်းတွေ ဘက်လိုက်ခြင်းတွေနဲ့ဝင် ရှုတ်နေခဲ့တာပါ။ထင် ချင် သလိုထင် ရင်း နေရာတကာလိုက်ပါနေမိတာပါ။ငါ ငါဥစ္စာ လုပ် ရင်းအကုသိုလ်တွေဖြစ်နေခဲ့ရတာပါ။
ကိလေသာကကိုယ့်ထက်အဆ ပေါင်းများ စွာလည်ပါတယ်။

ဓမ္မသဘာဝ တွေဖြစ်တဲ့တ လောက လုံးသူ့အလုပ်သူလုပ်နေတာပါလားလို့ပိုင် ပိုင် နိုင် နိုင် နားမလည် သ ဘော မ ပေါက်သ၍တော့ ဒီလိုဘဲကိလေသာခိုင်းသမျှ အကုသိုလ်တွေဖြစ် ရင်း ကိုယ်အဖမ်းခံ အစားခံနေရအုံးမှာပါ။ ရှက်စရာကောင်းတဲ့အဖြစ်မျိုးတွေလည်းမကြာ ခဏဖြစ်နေရအုံးမှာပါဘဲ။

မိမိချော်လဲခဲ့သလိုမိတ်ဆွေများအားမလဲ စေလိုတဲ့စေတနာနဲ့သတိပေးရင်း ဒီစာက လေးကိုရေးလိုက် ရပါတယ်။

မေတ္တာဖြင့်

https://www.facebook.com/photo.php?fbid=321430421333646&set=a.224358241040865.1073741825.100004000733231&type=1&theaterမှာ ဖတ်မိတာလေးပြန်ဝေငှပါတယ်။

Friday, September 6, 2013

ဗုဒ္ဓလက်ထက် အရှင်လတ်လတ် မြေမျိုခံခဲ့ရသူ (၅)ဦး

copy from http://www.venvicitta.com/2013/08/blog-post_10.html

။ အချိန် 8/10/2013 07:20:00 AM

စာရေးသူ = မနာပဒါယီ အရှင်ဝိစိတ္တ(ဒိုက်ဦး)

မိလိန္ဒပဥှပါဠိတော် (၁၀ဂ)တွင် ဂေါတမဘုရားရှင် သာသနာတော် အတွင်း၌ အရှင်လတ်လတ် မြေမျိုခံခဲ့ရသူ ငါးဦးရှိကြောင်း ဖော်ပြထား၏။ ထိုငါးဦးမှာ

(၁) စိဉ္စမာဏ

(၂) သုပ္ပဗုဒ္ဓ

(၃) အရှင်ဒေဝဒတ်

(၄) နန္ဒကဘီလူး

(၅) နန္ဒလုလင် တို့ပင် ဖြစ်သည်။

၁။ စိဉ္စမာဏ

စိဉ္စမာဏသည် ဘုရားလက်ထက် တိတ္တိဆရာကြီးများ၏ စေခိုင်းမှုကြောင့် မြတ်စွာဘုရားရှင်အား အမျိုးမျိုး စွပ်စွဲခဲ့သူ ဖြစ်သည်။ စိဉ္စမာဏသည် မြတ်ဗုဒ္ဓအား လူအများ အထင်လွဲမှားစေရန် ရည်ရွယ်၍ ညနေချမ်းလူများ မြင်ရချိန်တွင် ဘုရားကျောင်းတော်အတွင်း ဝင်သွားပြီး မနက်စောစော လူအများကျောင်းကို လာချိန်တွင် ဘုရားကျောင်းတော်မှ ပြန်ထွက်လာဟန် ပြုမူနေထိုင်ခဲ့ပြီး အတော်အတန် ကြသည့်အခါ ရဟန်းဂေါတမနှင့် ကိုယ်ဝန်ရသည့် ပုံစံဖြင့် မိမိဝမ်းဗိုက်တွင် ပြင်ချပ်ချည်ကာ တရားဟောနေသည့် ဘုရားရှင်အား တရားနာပရိတ်သတ်ကြားတွင် စွပ်စွဲလေ၏။ မြတ်ဗုဒ္ဓက မေတ္တာတရားဖြင့်သာ နေတော်မူချိန် နတ်သားလေးယောက်တို့က ကြွက်ယောင်ဖန်းဆင်းပြီး စိဉ္စမာဏ၏ ကိုယ်ဝန်အတုကို ကိုက်ဖြတ်ကာ အမှန်ကို ဖော်ထုတ်ပေးခဲ့သည်။ ထိုအခါမှသာ တရားနာပရိတ်သတ်များလည်း အမြင်ရှင်းကာ ထိုအမျိုးသမီးအား ရိုက်ပုတ်ပြီး ကျောင်းအပြင်သို့ နှင်ထုတ်လိုက်ကြလေသည်။ စိဉ္စမာဏသည် ဘုရားရှင် မျက်ကွယ်သို့ ရောက်သည့်ခဏမှာပင် မြေမျိုခံခဲ့ရလေတော့သည်။ အဝီစိငရဲမှ မီးလျှံများသည် စိဉ္စမာဏအား ရစ်ပတ်၍ အဝီစိငရဲသို့ ခေါ်ဆောင်သွားခဲ့လေသည်။

၂။ သုပ္ပဗုဒ္ဓ

သုပ္ပဗုဒ္ဓသည် ဘုရားရှင် သိဒ္ဓတ္ထမင်းသား ဘဝက တော်စပ်ခဲ့ရသည့် ယောက္ခမ သကျသာကီဝင် မင်းမျိုးဖြစ်၏။ ဒေဝဒတ်နှင့် ယသော်ဓရာတို့၏ အဖေ၊ သိဒ္ဓတ္ထမင်းသား၏ ဦးရီးတော်လည်း ဖြစ်၏။ သုပ္ပဗုဒ္ဓသည် တူတော်သိဒ္ဓတ္ထမင်းသာ ဘုရားအဖြစ်ကို ရောက်ပြီးနောက်ပိုင်း သမီးတော် ယသော်ဓရာကို ထားခဲ့သည့် အကြောင်း၊ သားတော် ဒေဝဒတ်၏ ရန်သူအရာ၌တည်ခဲ့သည့် အကြောင်း၊ မိမိထက်ငယ်ရွယ်သူ တူတော်မောင် တစ်ယောက်အပေါ် ရိုသေလေးစားမှု မပြုလိုသည့်အကြောင်း စသည့်အကြောင်းများဖြင့် ဘုရားရှင်အပေါ် ရန်ငြိုးထားသူ ဖြစ်သည်။ တစ်နေ့တွင် ဘုရားရှင်ကြွတော်မူရာ လမ်းကိုပိတ်ပင်တားဆီး၊ ဘုရားရှင်တို့၏ ခရီးလမ်းကို နှောက်ယှက်ဖျက်ဆီးသည်ကို အကြောင်းပြု၍ ဘုရားရှင်က ဦးရိးတော်သည် ဤအကုသိုလ်ကြောင့် (၇)ရက်လွန်သည့်အခါ ပြဿဒ်ခြေရင်း လှေခါးရင်းတွင် မြေမျိုခံရမည် ဖြစ်ကြောင်း မိန့်တော်မူခဲ့သည်။ ထိုအကြောင်းကို သုပ္ပဗုဒ္ဓ ကြားသိသည့်အခါ မြတ်စွာဘုရားစကား မမှန်အောင်နေပြီး မုသာဝါဒဖြင့် စွပ်စွဲမည်ဟု နှလုံးပိုက်ကာ ဘုံ(၇)ဆင့်ရှိသည့် ပြဿဒ်ထက်ဝယ် နေခဲ့လေ၏။ သို့သော် (၇)ရက်မြောက်သည့်နေ့တွင် ရှင်ဘုရင်၏ မင်္ဂလာစီးတော်မြင်း၏ မြည်ဟီးကာ သောင်းကျန်းနေသည်ကို အကြောင်းပြုပြီး စီးတော်မြင်အား တားဆီးရန် သတိလက်လွတ်ဖြင့် ပြဿဒ်ထက်မှ ဆင်းသက်မိရာက လှေကားခြေရင်းတွင် မြေမျိုကာ အဝီစိငရဲသို့ ကျရောက်ခဲ့ခြင်း ဖြစ်သည်။ ဘုရားရှင်တို့၏ စကားတော်သည် လွဲချော်ရိုးထုံးစံမရှိသည့်အလျောက် (၇)ရက်မြောက်လျင် မြေမျိုခံရမည့် သုပ္ပဗုဒ္ဓ္ပသည်လည်း မဖြစ်မနေ အကြောင်းဖန်ကာ မြေမျိုသေဆုံးခဲ့ခြင်း ဖြစ်သည်။

၃။ အရှင်ဒေဝဒတ်

ဒေဝဒတ် မြေမျိုခြင်းအကြောင်းကား အတော်များများ သိထားပြီး ဖြစ်၏။ မြတ်ဗုဒ္ဓ၏ ယောက်ဖတော်လည်းဖြစ်၊ ညီကိုတော်လည်း ဖြစ်သည့် ရှင်ဒေဝဒတ်သည် ရဟန်းအဖြစ်ကို ရရှိပြီးနောက် မိမိနောက်မှ ရောက်လာကြသည့် အရှင်သာရိပုတ္တရာနှင့် အရှင်မဟာမောဂ္ဂလာနတို့ကို ဘုရားရှင်က အဂ္ဂသာဝက ရာထူးများ ပေးအပ်လိုက်ချိန်မှစ၍ ဘုရားရှင်အပေါ် ရန်ငြိုးဖွဲ့မှုများ တိုးပွားလာခဲ့ခြင်း ဖြစ်သည်။ ဘုရားရှင်ကို အမျိုးမျိုး အတိုက်အခံပြု ဆန့်ကျင်ဘက်ပြုကာ ဘုရားကို သွေးစိမ်းတည်အေငာ် လုပ်ခြင်း၊ ညီညွတ်နေသည့် သံဃာတော်များ ကွဲပြားသွားအောင် သံဃာသင်းခွဲခြင်း စသည့် ပဉ္စာနန္တရိယကံများအထိ ကျူးလွန်မိခဲ့သည်။ မြတ်ဗုဒ္ဓနှင့် လမ်းခွဲကာ နောက်ပါတပည့်များနှင့် နေပြီးမကြာခင်မှာ ရောဂါစွဲကပ်လာခဲ့သည့် ရှင်ဒေဝဒတ်သည် မိမိ၏အမှားများအပေါ် နောင်တတရားများ ဖြစ်ခဲ့လေ၏။ နောက်ဆုံး ဘဝနိဂုံးမချုပ်ခင် မြတ်စွာဘုရားအား ဖူးမြော်လိုကြောင်း တပည့်များအား တိုးလျိုးတောင်းပန်သဖြင့် တပည့်များက ထမ်းစင်ဖြင့် ဘုရားရှင်ရှိရာ ဇေတဝန်ကျောင်းတော်သို့ ပို့ဆောင်စဉ် ကျောင်းဘေးနားရှိ ရေကန်နားအရောက် တပည့်များက ထမ်းစင်ကိုချပြီး ရေကန်ဘက်အသွား တပည့်များအလာကို မစောင့်နိုင်ဘဲ ဘုရားကျောင်းတော်ကို မိမိကိုယ်တိုင် အားပြုရုန်းထလျက် ထမ်းစင်ပေါ်မှ အဆင်းမှာပင် မဟာပထဝီမြေကြီး ကွဲအက်ကာ အရှင်လတ်လတ် မြေမျိုခံခဲ့ရခြင်း ဖြစ်သည်။

၎။ နန္ဒကဘီလူး

နန္ဒကဘီလူးသည် သူတော်ကောင်း ဓာတ်ခံအလွန်နည်းပါးသည့် ဘီလူးဖြစ်သည်။ ထို့ကြောင့် သူတော်ကောင်းများ အပေါ်တွင်လည်း မနောကံအပြင် ဝစီကံ၊ ကာယကံတွေနဲ့များဖြင့် ကိုယ်ထိလက်ရောက် ဆော်ကားလေ့ရှိသည်။ တစ်ချို့ဆော်ကားမှု အပိုင်းများသည် လက်တွေ့ပိုင်းမှာ အကျိုးသက်ရောက်မှု မရှိသော်လည်း ပညာရှိသူတော်ကောင်း၊ သီလသမာဓိပညာ အားကောင်းသည့် အရိယာသူတော်ကောင်းများကို ဆော်ကားမိပါက လက်တွေ့ခံရသည်ကို နန္ဒကဘီးလူး သဘောပေါက်သွားခဲ့သည်။ တစ်နေ့ အရှင်သာရိပုတ္တရာ မထေရ်မြတ်သည် ဂိဇ္ဈဂုတ်တောင်တွင် တရားအားထုတ်နေစဉ် နန္ဒကဘီလူး ရောက်ရှိလာပြီး တရားအားထုတ်၍ မရအောင် အမျိုးမျိုး နှောက်ယှက်လေသည်။ နောက်ဆုံး မထေရ်မြတ်၏ ဦးခေါင်းတော်ကို ကိုယ်ထိလက်ရောက် ရိုက်ပုတ်သည်အထိ ဆော်ကားနှောက်ယှက်ခဲ့သည်။ ထိုအကုသိုလ် အကျိုးကြောင့် နန္ဒကဘီလူးသည် မြေကြီးကွဲအက်ကာ အဝီစိငရဲမှ ခေါ်ဆောင်သွားခြင်းကို ခံခဲ့ရသည်။ နန္ဒကဘီလူးသည် လက်တွေ့ဘဝတွင် သူတော်ကောင်းကို စော်ကားမိသဖြင့် အရှင်လတ်လတ် မြေမျိုးခဲ့ရလေသည်။

၅။ နန္ဒလုလင်

နန္ဒလုလင်သည် ရဟန္တာမထေရ်မကို ဆော်ကားမိသဖြင့် အရှင်လတ်လတ်မြေမျို ခံခဲ့ရသူဖြစ်သည်။ သူဆော်ကားခံရသူမှာ ဥပ္ပလဝဏ် ထေရီမဖြစ်သည်။ ဥပ္ပလ၀ဏ်ထေရီမသည် တန်ခိုးကြီးသောအရာ၌ အမြတ်ဆုံး ဧတဒဂ်ဘွဲ့ရ ရဟန္တာထေရီမတစ်ဦး ဖြစ်ပေသည်။ ထေရီမသည် တန်ခိုးကြီးသည်သာမက ဥပဓိသမ္ပတ္တိနှင့်လည်း ပြည့်စုံသဖြင့် ထေရီမဖြစ်သော်လည်း လူယောက်ျားများ၏ စိတ်ဝင်စားမှုကို ခံရသူဖြစ်သည်။ ထိုအထဲတွင် နန္ဒလုလင်လည်း တစ်ဦးအပါအဝင် ဖြစ်သည်။ တစ်နေ့သော် နန္ဒလုလင်သည် လူသူကင်းဆိတ်ချိန်တွင် ထေရီမ၏ ကျောင်းသင်္ခမ်းသို့ ရောက်ရှိလာပြီး ထေရီမအား အဓမ္မပြုကျင့်လေသည်။ ရဟန္တာဖြစ်နေသည့် ထေရီမအား ဆော်ကားမိသဖြင့် ယင်းအကုသိုလ်ကံ အကျိုးကြောင့် နန္ဒလုလင်မှာ မြေကြီးကွဲအက်၍ အရှင်လတ်လတ် မြေမျိုခြင်းကို ခံခဲ့ရပြီး အဝီစိငရဲသို့ ကျရောက်သွားခဲ့လေသည်။

ဤကား ဒိဋ္ဌဓမ္မဝေဒနီယကံ၏ အကျိုးဆက်အဖြစ် လက်ရှိဘဝမှာပင် သူတော်ကောင်းကို ဆော်ကားမိသဖြင့် အရှင်လတ်လတ်မြေမျိုခံခဲ့ရသည့် ပုဂ္ဂိုလ်ငါးဦးအကြောင်း တစေ့တစောင်းပင် ဖြစ်ပါသည်။ ဓမ္မစာပေပရိတ်သတ် တစ်ဦးဖြစ်သည့် ဒကာမ ဒေါ်ယုလှိုင်မိုး၏ တောင်းဆိုချက်ကို အကျဉ်းချုပ်၍ ရေးသားဖော်ပြလိုက်ပါသည်။ အများသူငါ ဗဟုသုတ တိုးစေရန်လည်း တစ်ဆင့်ပြန်လည် မျှဝေလိုက်ပါသည်။

မေတ္တာဖြင့်

မနာပဒါယီ အရှင်ဝိစိတ္တ (ဒိုက်ဦး)