ဘူးသီး၏ ကျန်းမာရေး အကျိုးကျေးဇူးများ

သစ်ထူးလွင်ဆိုဒ်မှကူးယူပါသည်

ဘူးသီး၏ ကျန်းမာရေး အကျိုးကျေးဇူးများ မြန်မာလူမျိုးတွေရဲ့  မီးဖိုချောင် ထဲမှာ အတွေ့ရများတဲ့ ဘူးသီးဟာ သွေးတိုးကျစေတဲ့ အစွမ်းနဲ့ နှလုံးရောဂါ သက်သာစေတဲ့ အစွမ်းရှိတယ်လို့ ဆိုကြပါတယ်။ ဘူးသီးကို ဟင်းခါး အဖြစ် ကျိုချက် သောက်သုံးကြသလို ဘူးသီးကို ပြုတ်ပြီး တို့စားတာ၊ သုပ်စားတာမျိုး လည်း ပြုလုပ်ကြပါ တယ်။ ဘူးသီးကို စားပေးတာကြောင့် အောက်ပါ အကျိုးကျေးဇူးတွေကို ရရှိစေပါတယ်။

အသည်းရဲ့  လုပ်ငန်းဆောင်တာတွေကို ဟန်ချက်ညီစေပါတယ်

ဘူးသီးမှာ ပြည့်ဝဆီနဲ့ ကယ်လိုရီ ပါဝင်မှု နည်းပါတယ်။ အမျှင်ဓာတ်၊ ဗီတာ မင်စီ၊ ရိုင်ဘိုဖလေဗင်၊ ဇင့်(သွပ်)၊ သိုင်ယာ မင်၊ သံဓာတ်နဲ့ မဂ္ဂနီဆီယမ်တို့ ပါဝင်မှု များပါတယ်။ ဒါကြောင့် အသည်းကို သန့်စင် စေတာ၊ ပြန်လည် အားဖြည့်ပေးတာနဲ့ အယ်လ်ကိုဟောကြောင့် ထိခိုက်မှုကို ကာ ကွယ်ပေးတာတို့ လုပ်ဆောင်ပေးပါတယ်။

ဆံပင်ဖြူတာကို လျော့ကျစေပါတယ်

ဘူးရွက်ကရတဲ့ အရည်ဟာ အသားဝါတာကို သက်သာစေပြီး ဘူးသီးအရည် ကတော့ ဆံပင်ဖြူတာကို လျော့ကျစေ တယ်လို့ ဆိုကြပါတယ်။

 နုံးချည့်ညောင်းညာမှု သက်သာစေပါတယ်

ဘူးသီးကို စားပေးတာကြောင့် နုံး ချည့်ညောင်းညာမှု လျော့ကျစေပြီး လန်း ဆန်းစေပါတယ်။ အထူးသဖြင့် ပူပြင်းတဲ့ ရက်တွေမှာ လန်းဆန်းစေပါတယ်။

အစာမကြေတဲ့ ဝေဒနာကို လျော့ကျစေပါတယ်

ဘူးသီးဟာ အယ်လ်ကာလိုင်း ဂုဏ် သတ္တိရှိတာကြောင့် အက်စစ်ဓာတ်လွန် ကဲမှု၊ အစာမကြေတာနဲ့ အစာအိမ်အနာ တို့ကို သက်သာစေတယ်လို့ ဗပကမလနိေ က မှတ်ချက်ပေးထားပါတယ်။

စိတ်စွဲလွန်ဝေဒနာကို သက်သာစေပါတယ် ဘူးသီးဟာ နာ့ဗ်ကြောတွေကို အား ကောင်းတဲ့အတွက် အလုပ်တစ်ခုခုကို ထပ်ခါတလဲလဲ လုပ်တတ်တဲ့ စိတ်စွဲလွန် ဝေဒနာ (OCD) ကို လျော့ကျစေပါတယ်။ ဆေးဝါးဗေဒဂျာနယ်ရဲ့ လေ့လာမှုအရ ဘူးသီးမှာ စိတ်စွဲလွန်ဝေဒနာကို လျော့ ကျစေတဲ့ အစွမ်းရှိတယ်လို့ သိရပါတယ်။

ကိုယ်အလေးချိန်ကို လျော့ကျစေပါတယ်

ဘူးသီးမှာ ရေဓာတ် ၉၆ ရာခိုင်နှုန်း ပါဝင်တာကြောင့် ဘူးသီး ၁၀ဝ ဂရမ်စား တဲ့အခါ ၁၂ ကယ်လိုရီပဲ ရရှိပါတယ်။ ဒါ ကြောင့် ကိုယ်အလေးချိန်လျော့ကျစေတဲ့ အစားအစာ တစ်မျိုးအဖြစ် အသိအမှတ် ပြုထားပါတယ်။

အထွေထွေကျန်းမာရေးကို ကောင်းမွန်စေပါတယ်

ဘူးသီးမှာ သိုင်ယာမင်၊ ဗီတာမင်စီ၊ ဇင့်(သွပ်)၊ သံဓာတ်နဲ့ မဂ္ဂနီဆီယမ်တို့ များ စွာ ပါဝင်တဲ့အတွက် အထွေထွေ ကျန်း မာရေးကို ကောင်းမွန်စေပါတယ်။ မျက်စိကျန်းမာရေးကို ကောင်းမွန်စေပါတယ်

ဘူးသီးမှာ ဘီတာကယ်ရိုတင်း ပမာဏ များစွာ ပါဝင်တဲ့အတွက် မျက်စိအ မြင်အာရုံကို ကောင်းမွန်စေပါတယ်။ ဘူး သီးဟာ အစာအိမ်ဝေဒနာ၊ အစာအိမ်အူ လမ်းကြောင်း ပိုးဝင်တာနဲ့ လိပ်ခေါင်းစ တာတွေကိုလည်း သက်သာစေပါတယ်။ ဘူးသီးမှာ သွေးတွေကို သန့်စင်စေတဲ့ အာနိသင်လည်း ရှိတာကြောင့် ရောဂါအ များစုကို တွန်းလှန်ပေးနိုင်ပါတယ်။

သွေးတွင်းသကြားဓာတ် ပမာဏကို လျော့ကျစေပါတယ်

ဘူးသီးမှာ ပါတဲ့ ပပ်တိုက်နဲ့ အယ်လ် ကာလွိုက်တွေက သွေးတွင်း သကြား ဓာတ်ပမာဏကို လျော့ကျစေပါတယ်။ ဒါ ကြောင့် ဆီးချိုရောဂါရှိသူတွေ အသင့်အတင့် စားနိုင်ပါတယ်။

  By Good Health

မဇ္ဈိမဒေသမှ လေ့လာစရာ နေရာဒေသများ - ၁၂ (သုသုမာရ ဂိရ)

ထေရ၀ါဒတို့တိုင်းပြည်မှကူးယူပါသည်

သုသုမာရ ဂိရ

ဘဂ္ဂတိုင်း၊ သုသုမာရဂိရမြို့၊ ဘေသကဠာတောသည် မြတ်စွာဘုရားရှင် ၈ ဝါမြောက်

ဝါဆိုတော်မူခဲ့သောမြို့ဖြစ်သည်။ မြို့တည်သောအခါ မိကျောင်းအော်သံကို အစွဲပြု၍

မြို့အမည်ကို သုသုမာရ ဂိရမြို့ဟု မှည့်ခေါ်ကြသည်။ (သုသုမာရ - မိကျောင်း၊

ဂိရ - အသံ) ယခုအခါ သံသုမာဂီရိ ဒေသအခေါ် ဆမ်ဆုမာ ဂီရိဟု အမည်ရသည်။

ဘေသကဠာ ဆိုသည်မှာ ဘေသကဠာမည်သော ဘီလူးမ အုပ်စိုးသည့် တောဖြစ်

သောကြောင့် "ဘေသကဠာ" ဟု အမည်တွင်လေသည်။

ဤနေရာသည်ကား ဗာရာဏသီ မြို့၏ အနီးနားဒေသတွင် တည်ရှိသည်။

ဗာရာဏသီမှ ကားဖြင့် သွားရောက်လျှင် ၄၅ မိနစ်ခန့်သာ အချိန်ပေးရသည်။

ဤနေရာဋ္ဌာန သည် မဇ္ဈိမဒေသသို့ ဘုရားဖူးလာသူတိုင်း မရောက်ဖြစ်ကြ၊

ရောက်ဖူးသူ နည်းပါးသော နေရာတစ်ခုဖြစ်၏။ မြတ်စွာဘုရားရှင် ၈ ဝါမြောက်

ဝါဆိုတော်မူခဲ့သော နေရာဖြစ်သော်လည်း ယနေ့အချိန်အခါတွင်တော့ ထူးခြား

သည့်အမှတ်အသားများ မတွေ့ရတော့ဘဲ ဘုရားရှင် ဝါဆိုတော်မူခဲ့သော နေရာ

များကို ဘုရားရှင်ပရိနိဗ္ဗာန်စံပြီး နှစ်ပေါင်း ၂၀၀ ကျော်ခန့်တွင် အသောကမင်းကြီးမှ

ရှာဖွေဖော်ထုတ်၍ ကျောက်စာတိုင်များ စိုက်ထူထားခဲ့သောကြောင့်သာ ဤနေရာ

တစ်ဝိုက်၌ ဘုရားရှင် ၈ ဝါမြောက် ဝါဆိုတော်မူခဲ့ကြောင်း မှတ်သားရပေသည်။

သံသုမာရဂီရိတောင်ပေါ်သို့ အတက်နားတွင် ရှေးဟောင်းသုတေသနဋ္ဌာနမှ

စိုက်ထူထားသော စာတန်းနှင့် တောင်ထိပ်တွင် အထိမ်းအမှတ် ကျောင်းဆောင်ငယ်

တစ်ခုကို ယနေ့အချိန်တွင် တွေ့မြင်နိုင်သည်။

ဤ သုသုမာဂိရမြို့သည် ဘုရားရှင်လက်ထက်က ထင်ရှားသော နကုလပိတာ နှင့်

နကုလမာတာ တို့၏ ဇာတိမြို့ဖြစ်ပေသည်။ မြတ်စွာဘုရားရှင် ဘေသကဠာတော၌

သီတင်းသုံးနေတော်မူစဉ် နကုလပိတာတို့ ဇနှီးမောင်နှံသည် သုသုမာရဂီရမြို့နေ

လူအပေါင်းတို့နှင့်တကွ မြတ်စွာဘုရားရှင် အထံတော်သို့ သွားရောက်ဖူးမြော်ကြ၏။

မြတ်စွာဘုရားရှင်ကို ပထမဆုံးအကြိမ် မြင်လျှင် မြင်ချင်းပင် "ဤသူကား ငါတို့၏

သားကြီးတည်း" ဟု သားဟူသော အမှတ်သညာဖြင့် ခြေတော်တို့ကို ဖက်တွယ်ပြီး

"ချစ်သား သင်သည် ဤမျှကာလကြာအောင် ငါတို့မိဘများကို စွန့်ပစ်၍ အဘယ်

အရပ်သို့ လှည့်လည် သွားလာနေသနည်း" ဟု တညီတညွတ်ထဲ ပြောဆိုကြသည်။

နကုလပိတာ နှင့် နကုလမာတာ သူဋ္ဌေးကတော်တို့သည် ရှေးအခါက ဘဝငါးရာ

တို့ပတ်လုံး မြတ်စွာဘုရား၏ ခမည်းတော်၊ မယ်တော်၊ ဘဝငါးရာ ဘကြီး၊ ဘထွေး၊

ဒေါ်ကြီး၊ ဒေါ်လေး၊ ဦးကြီး၊ အရီးအဖြစ် မြတ်စွာဘုရားရှင်နှင့် ဘဝပေါင်း နှစ်ထောင်

အတူတကွ ဖြစ်ခဲ့ဘူးသောကြောင့် သားဟူသော အမှတ်သညာဖြင့် ခြေတော်တို့ကို

ဖက်တွယ်၍ ပြောဆိုကြ၏။ ဇနှီးမောင်နှံတို့ စိတ်ကျေနှပ်ခြင်းသို့ မရောက်သေးဘဲ

"ဖယ်ကြလော့" ဟု မိန့်တော်မမူဘဲ စိတ်ကျေနပ်ချိန်အထိ ငံ့လင့်နေတော်မူ၏။

စိတ်ကျေနပ်ခြင်းသို့ ရောက်သောအခါမှ တရားဟောတော်မူ၏။ တရားဒေသနာ

အဆုံးတွင် သောတာပန် အရိယာအဖြစ်သို့ ရောက်ရှိသွားကြလေသည်။

နောင်တစ်ချိန်တွင် နကုလပိတာ နှင့် နကုလမာတာတို့ အသက်အရွယ်ကြီးရင့်ကြ

သောအခါ မြတ်စွာဘုရားရှင်သည် တဖန် သုသုမာရဂိရမြို့သို့ ကြွရောက်တော်မူ

ပြန်လေသည်။ ထိုအခါ သူဌေးကြီးဇနှီးမောင်နှံတို့သည် ဘုရားအမှူးရှိသော

သံဃာတော်များကို အိမ်သို့ပင့်ဖိတ်၍ ဆွမ်း၊ ခဲဖွယ်၊ ဘောဇဉ်တို့ကို ဆက်ကပ်

လှူဒါန်းလေ၏။ ဆွမ်းဘုဉ်းပေးပြီးသောအခါ မြတ်စွာဘုရားရှင်အနီး သင့်တင့်

လျောက်ပတ်သောနေရာ၌ ဆည်းကပ်လျှက် ဤသို့ လျှောက်ကြားလေ၏။

‘ဘုန်းတော်ကြီးတော်မူသောမြတ်စွာဘုရား၊ ဘုရားတပည့်တော်တို့သည်

ငယ်ရွယ်စဉ် အခါကပင်လျှင် ငယ်ရွယ်သော နကုလမာတာကို ထိမ်းမြား

လက်ထပ်ခဲ့ပါသည်။ လက်ထပ်ထိမ်းမြားချိန်က စပြီး ယနေ့အထိ နကုလမာတာ

မှတစ်ပါး အခြားသော အမျိုးသမီးနှင့် စိတ်ဖြင့်ပင် ဖောက်ပြန်ကျူးလွန်ခြင်းမရှိပါ။

မြတ်စွာဘုရား တပည့်တော်သည် ယခုမျက်မှောက်ဘ၀၌လည်း တစ်ယောက်မျက်နှာ

တစ်ယောက်ကြည့်ပြီး နားလည်မှု များစွာနဲ့ မခွဲမခွာ သက်ဆုံးတိုင်ထာဝရ လက်တွဲ

သွားလိုပါသည်၊ နောင်တမလွန် ဘဝ၌လည်း အချင်းချင်း ပြန်လည်ဆုံတွေ့ရပါလို၏

ဘုရား’ ဟု လျှောက်ထားလေ၏။

“နကုလပီတာကမြတ်စွာဘုရားကို ထိုကဲ့သို့ လျှောက်ပြီးသောအခါ နကုလမာတာ

ကလည်း တပည့်တော်မသည် ငယ်ရွယ်စဉ် အခါကပင်လျှင် ငယ်ရွယ်သော နကုလ

ပိတာကို ထိမ်းမြားလက်ထပ်ခဲ့ပါသည်။ လက်ထပ်ထိမ်းမြားချိန်က စပြီး ယနေ့အထိ

နကုလပီတာမှတစ်ပါး အခြားသော အမျိုးသားနှင့် စိတ်ဖြင့်ပင် ဖောက်ပြန် ကျူးလွန်ခြင်း

မရှိပါ။ မြတ်စွာဘုရား တပည့်တော်သည် ယခုမျက်မှောက်ဘ၀၌လည်း

မခွဲမခွာ သက်ဆုံးတိုင်ထာဝရ လက်တွဲသွားလိုပါသည်၊ နောင်တမလွန် ဘဝ၌လည်း

အချင်းချင်း ပြန်လည်ဆုံတွေ့ရပါလို၏ ဘုရား’ ဟု လျှောက်ထားလေ၏။

ထိုအခါ မြတ်စွာဘုရားရှင်သည် နကုလပီတာသူဌေးကြီး ဇနှီးမောင်နှံတို့အား

" ဒါယကာတို့ ဇနှီးမောင်နှံ နှစ်ဦးသားတို့သည် ယခုဘဝ၌လည်း အချင်းချင်း မခွဲမခွါ

သက်ဆုံးတိုင် နေလိုကြသည်သာမက နောင်တမလွန် ဘဝအဆက်ဆက်၌လည်း

အချင်းချင်း ပြန်လည် ဆုံတွေ့လိုသည်ကို အကယ် အလိုရှိကြကုန်အံ့၊

နှစ်ဦးစလုံးတို့သည် -----

၁။တူညီသော သဒ္ဒါတရားရှိရမည်၊

၂။တူညီသော သီလရှိရမည်၊

၃။တူညီသော ပေးကမ်းစွန့်ကြဲမှု ရှိရမည်၊

၎။တူညီသော အသိဥာဏ်ပညာရှိရမည်

ဤအင်္ဂါလေးပါးနှင့်ပြည့်စုံပါက ထိုထိုဇနှီးမောင်နှံတို့သည် ယခုမျက်မှောက်ဘ၀၌လည်း

မခွဲမခွာ သက်ဆုံးတိုင်ထာဝရ လက်တွဲသွားပေမည်၊ နောင်တမလွန် ဘဝ၌လည်း

အချင်းချင်း ပြန်လည်ဆုံတွေ့ရပေမည် ဟု မိန့်တော်မူလေ၏။

နောင်သောအခါဝယ် နကုလပီတာသူဌေးကြီးသည် မြတ်စွာဘုရားရှင်မှ ဘုရားရှင်နှင့်

အကျွမ်းတဝင် ခင်မင်ရင်းနှီးသည့် စကားကို ပြောကြားသည့် သာဝကဥပါသကာတို့တွင်

အသာဆုံး အမြတ်ဆုံး ဧတဒဂ်ရာထူးကို အပ်နှင်းခြင်းခံရလေသည်။

သုသုမာရဂိရမြို့၌ ထင်ရှားကျော်ကြားသော အခြားတစ်ဦးမှာ ဗောဓိမင်းသား ဖြစ်သည်။

ဗောဓိမင်းသားသည် ကောသမ္ဗီပြည် ဥတေနမင်းနှင့် မိဖုရား ဝါသုလဒတ္တာတို့၏

သားတော်ဖြစ်သည်။ ဗောဓိမင်းသားသည် သုသုမာရဂီရမြို့၌ ကောကနာဒ မည်သော

အလွန်ကြီးကျယ်ခန်းနားသော ပြဿဒ်ဆောင်ကြီး တခုတည်ဆောက်ခဲ့၏။ ကြီးကျယ်

ခန်းနား၍ အဆန်းတကြယ် အံသြဖွယ်ဆောက်ထားသော ပြဿဒ်ဆောင်ကြီး၏

အလှအပကို လူအများက နေ့စဉ်လာရောက်ကြည့်ရှူကြသည်။ ဗောဓိမင်းသားသည်

ဤကဲ့သို့ နောက်ထပ်ပုံစံတူ ပြဿဒ်ဆောင်တစ်ခုပေါ်ပေါက်လာပါက မိမိ၏ ကောကနာဒ

ပြဿဒ်ဆောင်သည် အဆန်းတကြယ် အံ့သြဖွယ်ရာ မဖြစ်နိုင်တော့၊ နောက်ထပ်ပုံစံတူ

ပြဿဒ်တစ်ဆောင် မဆောက်နိုင်အောင် ဗိသုကာလက်သမားကို သတ်ရမည် (သို့မဟုတ်)

ခြေ၊ လက်တို့ကို ဖြတ်ရမည် (သို့မဟုတ်) မျက်စိတို့ကို ဖောက်ရမည်ဟု အကြံဖြစ်ကာ

အချစ်ဆုံးသူငယ်ချင်းဖြစ်သူ သဉ္စိကာပုတ္တနှင့် တိုင်ပင်ခဲ့သည်။

သဉ္စကာပုတ္တသည် ပညာရှင်တစ်ဦး အလဟဿ ဆုံးရှုံးသွားမည်ကို စိုးသောကြောင့်

ဗိသုကာလက်သမားအား တိုးတိုးတိတ်တိတ် သတိပေးပြောကြားခဲ့၏။ ထို့ကြောင့်

ဗိသုကာလက်သမားသည် ဗောဓိမင်းသားအား ပြဿဒ်ဆောင်ဆောက်လုပ်မပြီးသေး

ကြောင်း တင်ပြလျှောက်ထား၍ ကောင်းကင်ကို ပျံတက်နိုင်သည့် စက်ယန္တရားကို

မည်သူမျှ မမြင်အောင် တည်ထွင်ဆောက်လုပ်ခဲ့သည်။ ဗောဓိမင်းသားသည်

ဗိသုကာလက်သမား ထွက်မပြေးစေရန် အစောင့်အရှောက်များ ချထားခဲ့သော်လည်း

ယန္တရားစက်ပြီးသွားသောအခါ မိသားစုကိုခေါ်၍ ယန္တရားစက်ဖြင့် ပြတင်းပေါက်မှ

ထွက်ကာ ပျံတက်ပြေးခဲ့သည်။ နီပေါဘက်သို့ ပြေးခဲ့သည်ဆိုကြသည်။ ဘုရားရှင်

လက်ထက်ကတည်းက လေယာဉ်ပျံ ပေါ်ခဲ့သည်ဟု ဆိုနိုင်ပေ၏။

ဗောဓိမင်းသားသည် ကောကနာဒ ပြာဿဒ်ဆောင်ပြီးသွားသောအခါ အိမ်သစ်တက်

မင်္ဂလာကို မြတ်စွာဘုရားနှင့်တကွ သံဃာတော်အရှင်မြတ်များကို ပင့်ဖိတ်ကာ ခမ်းနား

ကြီးကျယ်စွာ ပြုလုပ်ခဲ့သည်။ ကောကနာဒ ပြာဿဒ်ဆောင်သို့ တက်ရာ အဝင်တံခါးဝမှ

စ၍ အပေါ်ထပ်ထိ အဝတ်ဖြူများကို ခင်းထားခဲ့သည်။ မြတ်စွာဘုရားနှင့် သံဃာတော်

များကြွလာသောအခါ ဗောဓိမင်းသားက မြတ်စွာဘုရား ဤပြာဿဒ်ဆောင်သစ်၌

မည်သူမျှ မနေရသေးပါ၊ ဘုရားတပည့်တော်တို့အတွက ကျက်သရေမင်္ဂလာများ

ပြည့်စုံစေရန် ဘေးအန္တရာယ်များ ကင်းရှင်းစေရန် ချမ်းသာစွာ သီတင်းသုံးတော်မူပါ

ဘုရားဟု လျှောက်ထား၍ အပေါ်ထပ်သို့ ပင့်ဆောင်သည်။ မြတ်စွာဘုရားရှင်က

ခင်းထားသော အဝတ်ဖြူပေါ်သို့ မနင်းလျှောက်ပဲ ရပ်မြဲအတိုင်း ရပ်နေ၏။ ဗောဓိ

မင်းသားက နင်းကြွတော်မူပါရန် အကြိမ်ကြိမ်လျှောက်ထားသော်လည်း မနင်းလျှောက်ပဲ

ဘုရားရှင်က အရှင်အာနန္ဒာကို ကြည့်တော်မူရာ အရှင်အာနန္ဒာက သဘောပေါက်၍

ဗောဓိမင်းသားကို အဝတ်ဖြူများကို ဖယ်ရှားရန် မြတ်စွာဘုရား နင်းကြွမည် မဟုတ်ကြောင်း

အမိန့်ရှိခဲ့သည်။ ထိုအခါမှ ဗောဓိမင်းသားသည် အဝတ်ဖြူများကို ဖယ်ရှားပေးခဲ့သည်။

မြတ်စွာဘုရားရှင် အဝတ်ဖြူများကို မနင်းခြင်းအကြောင်းမှာ ဗောဓိမင်းသားတို့ဇနီးမောင်နှံ

သည် သားသမီးမရနိုင်ကြသဖြင့် ဗေဒင်နက္ခတ်ပညာရှင်တို့မှ ဘုရားရှင်ကြွလာသောအခါ

အဝတ်ဖြူများခင်းထားပြီး ထိုအဝတ်ဖြူများပေါ်သို့ မြတ်စွာဘုရားနင်းလျှောက်လျှင်

သားသမီးရနိုင်မည်ဟု ဆို၍ ထိုရည်ရွယ်ချက်ဖြင့် ခင်းထားခဲ့သည်၊ ဗောဓိမင်းသားတို့

ဇနီးမောင်နှံမှာ သားသမီးမရနိုင်သည်ကို သိသောကြောင့် မနင်းခြင်း ဖြစ်သည်။

ထိုအကြောင်းကို ဗောဓိမင်းသားအား ထုတ်ဖော်ပြောကြားရာ ဗောဓိမင်းသားက သူတို့မှာ

သားသမီးမရနိုင်ခြင်းအကြောင်းကို ဆက်လက်မေးလျှောက်သဖြင့် သူတို့၏ အတိတ်က

မှားယွင်းစွာ ပြုခဲ့သော အကုသိုလ်ကံကို အမိန့်ရှိတော်မူခဲ့သည်။

လွန်ခဲ့သော အတိတ်ဘဝတစ်ခုတွင် သူတို့သည် လူများစွာတို့နှင့်အတူ ပင်လယ်သမုဒ္ဒရာခရီး

သဘောင်္စီး၍ သွားခဲ့ကြရာ လေမုန်တိုင်းမိ၍ သဘောင်္ပျက်သွားခဲ့သည်။ သူတို့နှစ်ယောက်သည်

ကံကောင်းစွာဖြင့် ပျဉ်ချပ်တစ်ခုကို ရ၍ ထိုပျဉ်ချပ်ကို အမှီပြု၍ကူးခတ်ရင်း လူမရှိသော

ကျွန်းငယ်တစ်ခုသို့ ရောက်ရှိသွားခဲ့ကြသည်။ ထိုကျွန်း၌ ငှက်များစွာရှိရာ အခြားစားစရာလည်း

မရနိုင်သဖြင့် ငှက်ဥများ၊ ငှက်ပေါက်စလေးများကို ကြော်ချက်စားသောက်ခဲ့ကြသည်။

သူတို့သည် ပထမအရွယ်၊ ဒုတိယအရွယ်၊ တတိယအရွယ် အရွယ်သုံးပါးစလုံး စိတ်တူ

ကိုယ်တူ သတ်ဖြတ်၍ ကြော်ချက်စားသောက်ခဲ့ကြသည်။ တစ်ဦးတစ်ယောက်က စောင့်စည်း

ခဲ့လျှင် ၄င်းတစ်ဦး၏အကြောင်းကြောင့် သားသမီးရနိုင်သည်၊ ဒုတိယအရွယ်မှာ စောင့်စည်း

ခဲ့လျှင် ဒုတိယအရွယ်မှာ ရနိုင်သည်။ သူတို့မှာ ထိုသို့စောင့်စည်းမှုမရှိခဲ့ဖြင့် သားသမီးမရနိုင်

ကြခြင်း ဖြစ်ပေသည်။ မိမိကိုယ်ကို အရွယ်သုံးပါးလုံး၌ မမေ့မလျော့ ကောင်းမှုများပြုလုပ်

ခြင်းဖြင့် စောင့်ရှောက်သင့်လှပေသည်။ အရွယ်သုံးပါးလုံး မစွမ်းနိုင်လျှင် တစ်ပါးပါးသော

အရွယ်၌ ကောင်းမှုများပြုလုပ်ခြင်းဖြင့် စောင့်ရှောက်သင့်လှပေသည်ဟု ဘုရားရှင်က

မိန့်တော်မူခဲ့ရာ တရားတော်၏ အဆုံး၌ ဗောဓိမင်းသားသည် သောတာပန် အရိယာ

ဖြစ်သွားခဲ့လေသည်။

ရာမနဂ

သံသုမာရီဂိ ကို သွားရောက်လေ့လာရင်း အပြန်လမ်းတွင် ဗာရာဏသီမြို့အတွင်းရှိ

ရာမနဂ ကိုလည်း ဝင်ရောက် လေ့လာနိုင်ပေသည်။

ဗာရာဏသီမင်းဆက်တို့တွင် နောက်ဆုံးမင်းဆက်ဖြစ်သော ဗာရာဏသီမင်း၏

နန်းတော်ရာဟုလည်း ဆိုကြသည်။ ရာမမင်းသား၏ နန်းတော်ဟုလည်း ဆိုကြသည်။

ဂင်္ဂါမြစ်ကမ်း နဘေးတွင် တည်ဆောက်ထားသည်။ အထဲတွင် မင်းသား၊ မိဖုရား

အဆက်ဆက်တို့၏ ဓာတ်ပုံများ တွေ့မြင်နိုင်သလို မင်းညီ မင်းသားများ စီနင်းသော

မြင်ရထားအမျိုးမျိုး၊ ရှေးခတ်အဝတ်အစား အသုံးအဆောင်မျိုးမျိုး၊ ရှေးဟောင်းကား

အမျိုးမျိုး နှင့် ဓား၊ လှံ လက်နက်စသည်တို့ကို ဗဟုသုတအဖြစ် တွေ့မြင်နိုင်ပေသည်။

************************

ဆက်လက်ဖော်ပြပါမည်.......................

ကိုးကား............

မင်းကွန်းဆရာတော်ဘုရား၏ မဟာဗုဒ္ဓဝင်၊

အဂုင်္တ္ထိုလ် ပါဠိတော် မြန်မာပြန်၊

တိပိဋကဆရာတော် ဘဒ္ဒန္တ၀ါယမိန္ဒာဘိဝံသ၏ ဗုဒ္ဓဂယာ ဘုရားဖူးများသို့၊

မဇ္ဈိမဒေသမှ လေ့လာစရာ နေရာဒေသများ - ၁၁ (ဗာရာဏသီ)

ထေရ၀ါဒတို့တိုင်းပြည်မှကူးယူပါသည်

အနတ္တလက္ခဏသုတ် ဟောကြားရာ ဓမ္မေခစေတီ

မြတ်စွာဘုရားရှင်သည် ဝါဆိုလပြည့်နေ့တွင် ဓမ္မစကြာတရားဟောကြားတော်မူပြီးနောက်

ထိုမိဂဒါဝုန်တောတွင် ဝါကပ်နေထိုင်တော်မူ၍ နောက်တစ်နေ့(ဝါဆိုလပြည့်ကျော် ၁ ရက်)၌

ဝပ္ပမထေရ်ကို အဆုံးအမ သြဝါဒပေးတော်မူ၏။ ဝပ္ပမထေရ်သည် ထိုနေ့ နံနက်ခင်းမှာပင်

သောတာပန် ဖြစ်လေ၏။ ထိုနည်းတူ နောက်တစ်နေ့ ဝါဆိုလပြည့်ကျော် (၂) ရက်နေ့၌

ဘဒ္ဒိယမထေရ်၊ (၃) ရက်နေ့၌ မဟာနာမ မထေရ်၊ (၄) ရက်နေ့၌ အဿဇိမထေရ်ကို

အဆုံးအမ သြဝါဒပေးတော်မူ၏။ ထိုမထေရ်တို့သည်လည်း မိမိ မိမိတို့၏ နေ့၌ပင်

သောတာပတ္တိဖိုလ်သို့ ရောက်ရှိကြပြီးလျှင် မြတ်စွာဘုရားအထံတော်၌ ဧဟိ ဘိက္ခု -

ရဟန်းအဖြစ်ကို ခံယူကြကုန်၏။ ဝါဆိုလပြည့်ကျော် (၅) ရက်၊ ကြာသပတေးနေ့သို့

ရောက်သောအခါ ပဉ္စဝဂ္ဂီရဟန်းတို့အား အာသဝေါကုန်ခန်း ရဟန္တာအဖြစ်သို့ ရောက်ကြ

စေရန် အနတ္တလက္ခဏာသုတ္တန်ကို ဟောကြားတော်မူ၏။ အနတ္တလက္ခဏသုတ္တန် ဒေသနာ

နိဂုံးပြီးဆုံးသောအခါ၌ ပဉ္စဝဂ္ဂီ ငါးဦးတို့သည် အာသဝေါကုန်ခန်း ရဟန္တာဖြစ်ကြလေကုန်သည်။

ထိုအနတ္တလက္ခဏသုတ် ဟောကြားရာနေရာဟု ယူဆရသောနေရာတွင် အထိမ်းအမှတ်

အဖြစ် ဓမ္မေခစေတီ ကို တည်ထားခဲ့သည်။ ပထမမောရိယခေတ်တွင် တည်ဆောက်ခဲ့သည်

ဟုဆို၏။ မည်သူ တည်ဆောက်ခဲ့သည်ဟု အတိအကျမသိရပေ။ မည်သည့် အထိမ်းအမှတ်

အနေဖြစ် တည်ဆောက်ထားခဲ့ကြောင်းလည်း အတိအကျ ရှင်းလင်းထားသည်ကို မတွေ့ရပေ။

အသောက မင်းကြီး တည်ဆောက်ခဲ့ တာလည်း ဖြစ်နိုင်ကြောင်းလည်း အချို့က ဆိုကြသည်။

တရားဦးဟောကြားရာ ဓမ္မရာဇိက စေတီမှာ ဖျက်ဆီးခံခဲ့ရသော်လည်း ထိုစေတီနှင့် သိပ်မဝေး

လှသောနေရာတွင် ဉာဏ်တော် အမြင့် ၁၀၈ ပေခန့် ရှိသော ဓမ္မေခစေတီမှာမူ မူလအနေအထား

နီးပါးအတိုင်း တည်ရှိနေသည်ကို တွေ့မြင်နိုင်သည်။

ယသ သူဌေးသားကို တရားဟောပြရာဌာန နှင့်

ဘိက္ခူနီမများ သီတင်းသုံးခဲ့သည့် ကျောင်းတော်ရာများ

ယသသူဌေးသား၏ ဇနီးဟောင်းဖြစ်ခဲ့ဘူးသော ဘိက္ခူနီမများ အပါအဝင် ဘိက္ခူနီမများ

သီတင်းသုံးခဲ့သည့် ကျောင်းတော်ရာများသည် နန္ဒိယကျောင်းတော်ရာနှင့်

မလှမ်းမကမ်းတွင် တည်ရှိသည်။ ထိုအပျက်အစီး ကျောင်းတော်ရာများအနီးတွင် ဘုရားရှင်

လက်ထက်က သားသမင်များအား ဘေးမဲ့ပေးထားခဲ့ရာ မိဂဒါဝုန်ကို ပြန်လည်ဖော်ထုတ်

သောအားဖြင့် သမင်များ၊ ဒေါင်းများ စသည့်သားငှက်တိရိ စ္ဆာန်များ မွေးမြူထားသည့်နေရာကို

တွေ့မြင်နိုင်သည်။

မြတ်စွာဘုရားရှင် မိဂဒါဝုန်၌ သီတင်းသုံးနေတော်မူစဉ် ဘုရားဖြစ်ခါနီးအချိန်၌ ဃနာနို့ဆွမ်း

ကပ်လှူသော ဗာရာဏသီ သူဋ္ဌေးကတော်ကြီးဖြစ်သော သုဇာတာ၏ သား ယသ အမည်

ရှိသော သူဌေးသားတစ်ယောက် ရှိခဲ့သည်။ ဗာရာဏသီ သူဌေးကြီး နှင့် သူဌေးကတော်

သုဇာတာတို့သည် သူတို့၏ တစ်ဦးတည်းသောသား ယသကို အများနှင့်မတူအောင် ချမ်း

သာစွာ ထားခဲ့သည်။ ဆောင်းရာသီတွင်နေရန်စံအိမ်၊ နွေရာသီနေရန် စံအိမ်၊ မိုးရာသီ

နေရန်စံအိမ်၊ စံအိမ်ပြဿဒ်ဆောင် သုံးဆောင်တို့ဖြင့် ချမ်းသာစွာ ထားခဲ့သည်။ စံအိမ်သုံး

ဆောင်၌ အမျိုးသားများကို မထားဘဲ တံခါးစောင့်ကအစ ပြုစုယုယသူ ဟူသမျှတို့၌ 

အချောအလှ အမျိုးသမီးများကိုသာ ရွေးချယ် ထားပေးခဲ့သည်။

ထိုအချောအလှ အမျိုးသမီးများနှင့် နေ့စဉ် ကာမဂုဏ်ချမ်းသာကို ခံစားနေလျက်

တစ်နေ့သောအခါ၌ အိပ်ရာမှ အစောကြီးနိုး၍ သူ့အား ဖျော်ဖြေခဲ့ကြသော အမျိုးသမီး

များကို ကြည့်လိုက်မိရာ ပုံစံအမျိုးမျိုးဖြင့် သုသာန်ပမာ လွန်စွာစက်ဆုပ်ဖွယ် အိပ်နေကြ

သည်ကို တွေ့မြင်ပြီး ယသ သူဌေးသားအား ကာမဂုဏ်တို့၏ အပြစ်သဘောကို ထင်ရှား

ပေါ်လာကာ သူ၏ စံအိမ်ကိုလည်း အလောင်းကောင်များနှင့် ပြည့်နေသည့် အသုဘ

အိမ်ကြီးတစ်ခုအဖြစ် ထင်မြင်လာခဲ့သည်။ ကိလေသာဆိုးများက ငါ့ကို နှိပ်စက်လေစွ

ဟု ပါးစပ်မှ ရေရွတ်မြည်တမ်းပြီး သူနေထိုင်ရာ စံအိမ်မှ နံနက်မိုးမလင်းခင်မှာပင် မိဂဒါဝုန်

သို့ ထွက်ခွါလာခဲ့သည်။

မိဂဒါဝုန်သို့ ရောက်သောအခါ မြတ်စွာဘုရားရှင်နှင့် တွေ့ဆုံပြီး ဘုရားရှင်က ယသသူဌေး

သားကို " ချစ်သား ယသ ...ငါဘုရားသိရှိထားသော နိဗ္ဗာန်တရားသည် အမျိုးမျိုးသော

ကိလေသာတို့ မညှင်းပန်း မနှိပ်စက်နိုင်သော တရားဖြစ်၏။ ချစ်သား ယသ.. လာလော့၊

ဤနေရာ၌ ချစ်သား ထိုင်နေလော့ သင်ချစ်သားအား ငါဘုရားသည် နိဗ္ဗာန်ရောက်ကြောင်း

တရားကောင်းကို ဟောပြပေအံ့" ဟူ၍ မိန့်ကြားတော်မူလေ၏။ ယသ သူဌေးသားသည်

နှစ်သက်ရွှင်လန်း ဝမ်းမြောက်သောစိတ်ဖြင့် မြတ်စွာဘုရားရှင်အနီးသို့ ရိုသေလေးမြတ်စွာ

ချဉ်းကပ်၍ ရှိခိုးကာ လျောက်ပတ်သော နေရာ၌ ထိုင်နေတော်မူ၏။

ထိုအခါ မြတ်စွာဘုရားရှင်သည် ယသ သူဌေးသားအား မဂ်ဖိုလ်ရောက်ကြောင်း ကောင်းမြတ်

သော တရားလမ်းစဉ်ဖြစ်သည့် ဒါနကထာ - ဒါနနှင့်စပ်သော တရားစကား၊ သီလကထာ -

သီလနှင့်စပ်သော တရားစကား၊ သဂ္ဂကထာ - နတ်ရွာသုဂတိနှင့် စပ်သောတရားစကား၊

မဂ္ဂကထာ - မဂ်ဖိုလ်နိဗ္ဗာန်ရောက်ကြောင်း လမ်းကောင်းကျင့်စဉ်နှင့် စပ်သောတရားစကား

တို့ကို အစဉ်အတိုင်း ဟောကြားတော်မူ၏။ တရားတော်၏ အဆုံး၌ ယသသူဌေးသားသည်

သောတာပန်ပုဂ္ဂိုလ် ဖြစ်သွားလေသည်။

နံနက်မိုးသောက် အလင်းရောက်သောအခါ ယသသူဌေးသား၏ မိခင် သုဇာတာသူဌေး

ကတော်ကြီးသည် နံနက်စောစောထလျက် ယသနေထိုင်ရာ စံအိမ်အထက်သို့ တက်၍

ကြည့်ရှူလေသော် သားဖြစ်သူ ယသ ကို မမြင်သဖြင့် ပူပန်သောကရောက်ကာ မိမိတို့၏

သားပျောက်ဆုံးကြောင်း သူဌေးကြီးကို သွားပြောခဲ့ရာ သူဌေးကြီးကလည်း သားအပူဖြင့်

အရပ်လေးမျက်နှာသို့ သားကို ရှာဖွေရန် အိမ်ရှိလူများကို စေလွှတ်ခဲ့ပြီးနောက် မိမိကိုယ်

တိုင်ကမူ သားပျောက်ရှာရန် မိဂဒါဝုန်သို့ ထွက်လာခဲ့သည်။

မြတ်စွာဘုရားရှင်သည် ယသ ၏ဖခင် သူဌေးကြီးလာနေသည်ကို အဝေးမှပင် မြင်တော်မူပြီး

ယသ သူဌေးသားကို ဖခင်သူဌေးကြီးမမြင်ရအောင် တန်ခိုးတော်ဖြင့် ဖုံးကွယ်ထားလေသည်။

ဖခင်သူဌေးကြီးသည် မြတ်စွာဘုရားထံနားသို့ ရောက်လာပြီး သူ၏ သားကို တွေ့ , မတွေ့

မေးမြန်းရာ သားကို တွေ့လိုလျှင် ဤနေရာ၌ ထိုင်ဦးလော့ဟု မိန့်တော်မူလျက် သူဌေးကြီး

အား နိဗ္ဗာန်ရောက်ကြောင်း တရားတို့ကို ဟောပြတော်မူရာ တရားတော်၏ အဆုံး၌

သောတာပန် ဖြစ်သွားခဲ့သည်။ သောတာပန်ဖြစ်သွားပြီးနောက် ဘုန်းတော်ကြီးသော

မြတ်စွာဘုရား အကျွန်ုပ်ကို ယနေ့မှစ၍ အသက်ရှည်သမျှ ကာလပတ်လုံး သရဏဂုံ

တည်သူ ဥပါသကာအဖြစ်မှတ်ယူပါလော့ဟု လျှောက်ထားကာ လောကုတ္တရာ သရဏဂုံ

ခံယူလေသည်။ ( ထို ယသသူဌေးသား၏ ဖခင် သူဌေးကြီးသည် လောက၌ အစဆုံး

တေဝါစိက သရဏဂုဏ်တည် သောတာပန် အရိယာ ဥပါသကာ ဒါယကာ ဖြစ်ခဲ့လေ၏)

ယသ သူဌေးသားမှာမူ ဖခင်သူဌေးကြီးအတွက် ဟောကြားသော တရားတော်ကို နာယူ၍

ရဟန္တာဖြစ်သွားခဲ့သည်။ သူဌေးကြီး သောတာပန် ဖြစ်သွားသောအခါမှ ဘုရားရှင်က သူ၏

သားကို တွေ့မြင်နိုင်အောင် တန်ခိုးတော်ကို ရုပ်သိမ်းပေးခဲ့သည်။ ထိုအခါမှ ဖခင်သူဌေးကြီး

သည် မိမိအနီးတွင်ရှိသော သားဖြစ်သူကို (ဘွားကနဲ) မြင်ရလေလျှင် အလွန်ဝမ်းမြောက်

သောစိတ်ဖြင့် " ချစ်သား ယသ သင့်မိခင်သည် သင်ချစ်သားကို မမြင်ရသည့်အတွက် စိုးရိမ်

ပူဆွေး ငိုကြွေးနေ၏။ သားကို မတွေ့ရလျှင် အသက်တိုလိမ့်မည်၊ သင့်မိခင်အား အသက်ရှင်

ခွင့်ပေးပါလော့၊ သူနှင့်အတူ အိမ်ပြန်လိုက်ခဲ့ပါလော့ " ဟု ပြောကြားလေ၏။ ထိုအခါ ဘုရား

ရှင်က ယသသူဌေးသားမှာ ပုထုဇဉ်မဟုတ်တော့ကြောင်း ရဟန္တာဖြစ်သွားပြီးဖြစ်ကြောင်း

အမိန့်ရှိရာ သူဌေးကြီးက ဘုရားရှင်နှင့်တကွ ယသ ကို မိမိအိမ်သို့ ဆွမ်းစားကြွပါရန် လျှောက်

ထား၍ အိမ်ပြန်သွားခဲ့သည်။ သူဌေးကြီး အိမ်ပြန်သွားသော ယသသူဌေးသားသည် ဘုရားရှင်

ထံသို့ ရှင်ရဟန်းအဖြစ်ကို တောင်းပန်လျှောက်ထားသောကြောင့် ဘုရားရှင်က ဧဟိ ဘိက္ခု

ခေါ်တော်မူ၍ ရှင်ရဟန်းပြုပေးလိုက်သည်။ ဤသို့လျှင် အရှင်ယသ သည် ပဉ္စဝဂ္ဂီ ငါးဦးပြီးလျှင်

၆ - ပါးမြောက် ရဟန်းဖြစ်လာခဲ့လေသည်။

ဆွမ်းစားချိန်ရောက်သောအခါ သူဌေးကြီးအိမ်သို့ ကြွရောက်၍ သုဇာတာ သူဌေးကတော်နှင့်

မိသားစုကို သောကငြိမ်းအေးစေရန် ဆွမ်းမဘုဉ်းပေးမှီ တရားတော်များဟောကြားခဲ့ရာ

သုဇာတာသူဌေးကတော်နှင့် ယသသူဌေးသား၏ ဇနီးဟောင်းတို့သည် သောတာပန်များ

ဖြစ်ခဲ့ကြသည်။ နောင်သောအခါ သုဇာတာသူဌေးကတော်သည်လည်း  ပထမဆုံး ရတနာ

သုံးပါးကို ကိုးကွယ်ဆည်းကပ်သည့် တေဝါစိက သရဏဂုံခံယူကြသူများတွင် ဧတဒဂ်ရာထူး

အပ်နှင်းခြင်းခံရလေသည်။ အရှင်ယသရဟန္တာ၏ သူငယ်ချင်းသူဌေးသား (၅၄) ယောက်တို့

သည်လည်း အရှင်ယသနောက်သို့လိုက်ကာ ရဟန်းပြု၍ အသီးသီး ရဟန္တာဖြစ်ခဲ့ကြလေသည်။

မှတ်သားဖွယ်...

မြတ်စွာဘုရားရှင် မိဂဒါဝုန်၌ ဟောကြားတော်မူခဲ့သော သုတ္တန်များမှာ..

ဓမ္မစက္က ပဝတ္တနသုတ္တ၊ (သံ ၃၊ ၃၆၈) အနတ္တလက္ခဏ သုတ္တ၊ (သံ ၂၊ ၅၄)

ပထမ မာရပါသ သုတ္တ၊ (သံ ၁၊ ၁၀၅) ဒုတိယ မာရပါသ သုတ္တ၊ (သံ ၁၊ ၁၀၆)

ဓမ္မဒိန္န သုတ္တ၊ (သံ ၃၊ ၃၅၅) သစ္စဝိဘင်္ဂ သုတ္တ၊ ( မ ၃၊ ၂၉၀)

သစေတန သုတ္တ၊ ( အံ ၁၊ ၁၀၈) ကဋုဝိယ သုတ္တ၊ ( အံ ၁၊ ၂၈၃)

ဒုတိယ သမယ သုတ္တ၊ (အံ ၂၊ ၂၈၁) ဟတ္ထိသာရိပုတ္တ သုတ္တ၊ (အံ ၂၊ ၁၄၄)

မဇ္စျေသုတ္တ၊ (အံ ၂၊ ၃၄၉) စသည်တို့ ဖြစ်ကြသည်။

ထို့ပြင် အရှင်မဟာကောဋ္ဌိက မေးသည်ကို အရှင်သာရိပုတ္တရာ ဖြေကြားသည့်

နဠကလာပီ သုတ္တ၊ (သံ ၁၊ ၃၃၄) သုတဝန္တ သုတ္တ၊ (သံ ၂၊ ၁၃၇) သီလဝန္တ သုတ္တ၊ (သံ ၂၊ ၁၃၅)

စသည်နှင့် အရှင်သာရိပုတ္တရာ မေးသည်ကို အရှင်မဟာကဿပ ဖြေကြားသော

ပရံမရဏ သုတ္တ၊ (သံ ၂၊ ၁၃၅) အနောတ္တပ္ပီ သုတ္တ၊ (သံ ၁။ ၄၀၀) စသော သုတ္တန်များမှာ

ဤ မိဂဒါဝုန်၌ ဖြစ်ပေါ်ခဲ့သည်။ ထို့ပြင် ကောသမ္ဗီ၌ ဗြဟ္မဒဏ် ပေးခံရပြီးနောက် မြတ်စွာဘုရား၏

ဖွားဖက်တော် အရှင်ဆန္ဒမထေရ်က မိမိအား သြဝါဒပေးတော်မူကြပါရန် မထေရ်ကြီးများထံ

ချဉ်းကပ်တောင်းပန်သည်မှာ ဤ မိဂဒါဝုန် တွင် ဖြစ်သည်။ ဆန္ဒသုတ် (သံ ၂၊ ၁၀၇)

************************

ဆက်လက်ဖော်ပြပါမည်.......................

ကိုးကား............

မင်းကွန်းဆရာတော်ဘုရား၏ မဟာဗုဒ္ဓဝင်၊

S.Dhammika ၏ Middle Land Middle Way

(ဘာသာပြန်) မြတ်ဗုဒ္ဓပွင့်တော်မူရာ မဇ္ဈိမဒေသ (အရှင်ကေလာသ)

တိပိဋကဆရာတော် ဘဒ္ဒန္တ၀ါယမိန္ဒာဘိဝံသ၏ ဗုဒ္ဓဂယာ ဘုရားဖူးများသို့၊

ဗုဒ္ဓဂယာ ဘုရားဖူးခရီး (၁၀) ကုသိနာရုံ

copy from SONATA-CANATATA
 

မနက်စောစော လုမ္ဗိနီမှာ ဘုရားဖူးပြီးတဲ့နောက် အိန္ဒိယနိုင်ငံဖက်ကို ပြန်ကူးပြီး ဆိုနောလီကျောင်းမှာ နေလည်စာ ၀င်စားကြပါတယ်။ တချိန်က နီပေါနိုင်ငံမှာ နိုင်ငံရေး မငြိမ်မသက်ဖြစ်နေလို့ ပြည်ဝင်ခွင့်တွေ ပိတ်လိုက်တိုင်း မြန်မာဘုရားဖူးတွေအနေနဲ့ လုမ္ဗိနီကိုလည်း ကူးလို့မရ၊ သာဝတ္ထိကျောင်းဖြစ်ဖြစ် ကုသိနာရုံကျောင်းကို ဖြစ်ဖြစ် ခရီးဆက်ဖို့လည်း နောက်ကျနေပြီး အခက်အခဲ ကြုံရတတ်ပါတယ်။ ဒါကြောင့် ကုသိနာရုံဆရာတော်ကနေ သူ့တပည့်တစ်ပါးကို ဆိုနောလီမှာ ကျောင်းထောင်ဖို့ စီစဉ်ပေးခဲ့တယ်လို့ သိရပါတယ်။

နေ့လည်စာ စားပြီးနောက် ဆိုနောလီကနေ ခရီးမိုင် ၉၀ လောက် ဝေးတဲ့ ကုသိနာရုံကို ခရီးဆက်ခဲ့ကြပါတယ်။ ကုသိနာရုံကို ညနေ ၄-နာရီလောက်မှာ ရောက်ပါတယ်။ ကုသိနာရုံက ဥတ္တရာပရာဒေ့ရှ် ပြည်နယ်အတွင်းမှာ ရှိပြီး ဂေါရတ်(ခ်)ပူရ် (Gorakhpur) မြို့ရဲ့ အရှေ့ဖက် ၃၂-လောက်မှာ တည်ရှိပါတယ်။ ကုသိနာရုံကို ပါဠိလို “ကုသိနာရာ” လို့ရေးလေ့ရှိပြီး၊ မြောက်ပိုင်းဗုဒ္ဓဘာသာ သက္ကတစာပေတွေမှာတော့ “ကုသိနဂရီ၊ ကုသိဂါမ” စသဖြင့် ရေးလေ့ရှိခဲ့ပါတယ်။ ဒါပေမယ့် နှစ် ထောင်နဲ့ချီပြီး ဒီအမည်နာမတွေ တိမ်မြုတ် ပျောက်ကွယ်နေခဲ့ရပြီး၊ ယခုခေတ်ပိုင်း ရောက်မှ (ဥတ္တရာပရာဒေ့ရ်ှပြည်နယ် ၀န်ကြီးဖြစ်ခဲ့တဲ့) Mayawati က ကုသိနာဂရ (Kushinagara) လို့ အမည် ပြန်လည် ပြောင်းလဲသတ်မှတ်ခဲ့တာပါ။

ဘုရားရှင်လက်ထက်ကတော့ ကုသိနာရုံက မလ္လာမင်းတို့ အုပ်စိုးခဲ့တဲ့ မြို့တစ်မြို့ဖြစ်ပါတယ်။ မင်း (ရာဇာ) လို့ခေါ် ဝေါ်သုံးစွဲပေမယ့် တစ်ဦးတည်း ဘုရင်စနစ်နဲ့ အုပ်ချုပ်မင်းလုပ်တဲ့ သက်ဦးဆံပိုင် မင်းမျိုးတော့ မဟုတ်ပါဘူး။ ဝေသာလီက လိစ္ဆ၀ီမင်းတွေ၊ ကပိလ၀တ္ထုနဲ့ ဒေ၀ဒဟက သာကီဝင်မင်းတွေလိုပဲ လူမျိုးစု ခေါင်းဆောင်တွေ စုပေါင်းပြီး (ဂဏစနစ်နဲ့) အုပ်ချုပ်တဲ့ မြို့ပြနိုင်ငံမျိုး ဖြစ်ပါတယ်။ အိန္ဒိယရဲ့ ရှေးဦး ဒီမိုကရေစီ မြို့ပြ နိုင်ငံတွေလို့ ပြောဆိုရေးသားလေ့ရှိကြပေမယ့်၊ ဒီမိုကရေစီထက် Oligarchy ပိုပြီး ဆန်ပါတယ်။ ဗုဒ္ဓခေတ်မှာ ကုသိနာရုံနဲ့ ပါဝါ ဆိုပြီး မလ္လာ လူမျိုးနွယ်စုတွေရဲ့ သီးခြား မြို့ပြနိုင်ငံ နှစ်ခုရှိခဲ့ပါတယ်။ ဧကရာဇ် ဘုရင်တွေ နန်းစိုက်တဲ့ ရာဇဂြိုဟ်၊ သာဝတ္ထိ၊ ကောသမ္ဗီစတဲ့ မင်းနေပြည်တော်ကြီးတွေလိုတော့ မကြီးကျယ်ခဲ့ပါဘူး။

အရှင်အာနန္ဒာက ကုသိနာရုံလို မထင်မရှား ကျေးလက် မြို့ငယ်လေးမှာ ပရိနိဗ္ဗာန်မပြုဘဲ၊ သာဝတ္ထိ ရာဇဂြိုဟ်စတဲ့ မြို့ကြီးတစ်မြို့ မြို့မှာ ပရိနိဗ္ဗာန်စံဝင်ဖို့ လျောက်ထားဖူးပါတယ်။ ကုသိနာရုံဟာ ရှေးတချိန်တခါက မဟာသုဒဿန  အမည်ရှိတဲ့ စကြ၀တေးမင်း နန်းစိုက်ရာ၊ အလွန်ကြီးကျယ် စည်ကားခမ်းနားတဲ့ ကုသာဝတီ နေပြည်တော်ကြီး ဖြစ်ခဲ့ဖူးကြောင်း ဘုရားရှင်က မိန့်ကြားတော်မူပြီး၊ သင်္ခါရတရားတွေရဲ့ မမြဲတဲ့သဘောကို သံဝေဂ ယူနိုင်စေဖို့ မဟာသုဒဿန သုတ္တန်ကို ဟောကြားတော်မူခဲ့ပါတယ်။ ဘုရားရှင်လက်ထက်က အလွန်ကြီးကျယ် ခမ်းနားခဲ့ပါတယ်ဆိုတဲ့ ရာဇဂြိုဟ်၊ သာဝတ္ထိစတဲ့ မြို့ကြီးတွေကလည်း ဒီနေ့ခေတ်မှာတော့ ရွာငယ်၊ မြို့ငယ်လေးတွေ ဖြစ်နေပါပြီ။ နိုင်ငံတကာက ဘုရားဖူးတွေ လာရောက်နေကြလို့သာ အနည်းအကျဉ်း စည်ကားနေရတာပါ။

သံဝေဇနိယလေးဌာနမှာ အပါအ၀င်ဖြစ်တဲ့ ကုသိနာရုံဟာ ဘုရားဖူးတွေ၊ ဘုန်းတော်ကြီး ကျောင်းတိုက်တွေနဲ့ စည်ကားခဲ့ဖူးပေမယ့်၊ ခရစ်နှစ် ၁၁-ရာစုနောက်ပိုင်းမှာတော့ လုံးဝနီးပါး တိမ်မြုတ်နေခဲ့ပါတယ်။ ၁၈၅၄-ခုနှစ်လောက် ရောက်မှ ၀ီလဆင် (HH Wilson) က ကဆိယရွာ (Kasia) အနောက်တောင်ဖက် ၂-မိုင်ခန့်အကွာက စေတီပျက်တွေ ရှိတဲ့နေရာဟာ ကုသိနာရုံ ဖြစ်မယ်လို့ မှန်းဆနိုင်ခဲ့ပါတယ်။ ဗြိတိသျှ ကျောက်စာဝန် ကန်နင်ဟန်က ၁၈၆၁-၆၂-ခုနှစ်မှာ တူးဖော်လေ့လာခဲ့ပြီး ကုသိနာရုံဖြစ်ကြောင်း ထောက်ခံခဲ့ပါတယ်။

နိဗ္ဗာနစေတီနှင့် ဆင်းတုတော်

ကုသိနာရုံကို တရုတ်ရဟန်းတော် ရွှန်ကျန်ရောက်ရှိစဉ်က နိဗ္ဗာနစေတီနဲ့ ပရိနိဗ္ဗာန် စံဝင်တော်မူဟန် ဆင်းတုတော်ကြီးကို ဖူးမြော်ခဲ့ရတယ်လို့ မှတ်တမ်းတင်ထားပါတယ်။ ၁၈၇၆-၇၇-ခုနှစ်မှာ ကာလေးလ် (A.C.L. Carlleyle) က တူးဖော်ခဲ့တဲ့အခါ နိဗ္ဗာနစေတီနဲ့ ပရိနိဗ္ဗာန်စံဝင်တော်မူဟန် လျောင်းတော်မူ ဆင်းတုတော်ကို တွေ့ရှိခဲ့တာပါ။

ဆင်းတုတော်ကို တူးဖော်တွေ့ရှိစဉ်က တစစီ အပိုင်းပိုင်း ပြတ်နေတဲ့အတွက် ပြန်ပြီးဆက်ထားရတယ်လို့ ဆိုပါတယ်။ ပေ ၂၀လောက်ရှိပြီး ကျောက်စာတိုင်တွေ ထုလုပ်ရာမှာ အသုံးပြုလေ့ရှိတဲ့ ချူနာအရပ်ထွက် သဲကျောက်နဲ့ ထုလုပ်ထားတာပါ။ မျက်နှာတော်ကို ခေါင်းရင်းကနေ ဖူးရင် ပြုံးတော်မူနေဟန် တွေ့ရမှာဖြစ်ပြီး၊ အလယ်ပိုင်းက ဖူးရင် ရောဂါဝေဒနာ ခံစားနေရဟန်၊ ခြေရင်းပိုင်းက ဖူးရင် တည်ငြိမ်အေးချမ်းစွာ ဈာန် သမာပတ် ၀င်စားနေဟန် တွေ့ရမှာဖြစ်တယ်လို့ ဧည့်လမ်းညွှန်ဆရာတော်က ရှင်းပြပါတယ်။ အောက်ခြေပလ္လင်မှာ ရုပ်ထုငယ်လေးတွေ ရှိပါတယ်။ ညာဖက်လက်ပေါ် ခေါင်းတင်ပြီး ၀မ်းနည်းပူဆွေးနေဟန် ထုလုပ်ထားတာကတော့ အရှင်အာနန္ဒာ ဖြစ်နိုင်ပါတယ်။ မျက်နှာတော်အနီးက ရဟန်းတော်က အရှင်အနုရုဒ္ဓါဖြစ်ပြီး၊ အလယ်က ရဟန်းတော်ကတော့ ဘုရားရှင်ရဲ့ နောက်ဆုံးသာဝကဖြစ်တဲ့ အရှင်သုဘဒ္ဒ ဖြစ်နိုင်ပါတယ်။ ဒီသံဝေဂရဖွယ် ဆင်းတုတော်ကို ခရစ်နှစ် ၅-ရာစုလောက်က မထုရာမြို့က ဒိနာက ထုလုပ်ပြီး ဟရိဗလဆွာမိက လှူဒါန်းခဲ့ကြောင်း စာတမ်းပါရှိပါတယ်။ ဒီဆင်းတုတော် သီတင်းသုံးတော်မူနေတဲ့ ယခုလက်ရှိ ကျောင်းဆောင်ကိုတော့ ၁၉၅၆-ခုနှစ်မှာ အိန္ဒိယအစိုးရရဲ့အကူအညီနဲ့ ကုသိနာရုံဆရာတော် ဦးစန္ဒြမုနိက ဦးစီး ဆောက်လုပ် လှူဒါန်းခဲ့တာပါ။

ကျောင်းဆောင်ရဲ့ နောက်ကပ်ရက်မှာတော့ ဗုဒ္ဓမြတ်စွာ ပရိနိဗ္ဗာန်စံဝင်တော်မူရာ နေရာမှာ တည်ထားတဲ့ နိဗ္ဗာနစေတီ ရှိပါတယ်။ မလ္လာမင်းတွေက ဒီစေတီကို တည်ခဲ့တာဖြစ်ပြီး ခေတ်အဆက်ဆက် ပြန်လည် ပြုပြင်မွမ်းမံခဲ့ကြပါတယ်။ စေတီကို တူးဖော်စဉ်က “ဟရိဗလဆွာမိက နိဗ္ဗာနစေတီအတွင်း ဌာပနာသည်” လို့ ခရစ်နှစ် ၅-ရာစုက ကမ္ပည်းစာကို တွေ့ရှိခဲ့ရတယ်လို့ ဆိုပါတယ်။ ၁၉၂၇-မှာ စေတီဟောင်းကို ငုံပြီး ပြန်လည်ပြုပြင်ခဲ့ကြပါတယ်။ ၁၉၅၅-၅၆ ခုနှစ်မှာ မြန်မာပြည်က ဦးဘိုးကျူးနဲ့ ဦးဘိုးလှိုင်တို့ ကောင်းမှုနဲ့ စေတီကို အသစ်ပြန်လည် ပြုပြင် မွမ်းမံခဲ့ကြပြန်ပါတယ်။ ရှေးဟောင်းသုတေသန ရှုထောင့်က ကြည့်ရင်တော့ ရှေးဟောင်း မူလလက်ရာတွေ ဆုံးရှုံးသွားတယ်လို့ ဝေဖန်ကောင်း ဝေဖန်နိုင်ပါတယ်။ ဒါပေမယ့် ဘာသာရေးရှုထောင့်က ကြည့်ရင်တော့ (မဇ္ဈိမဒေသက အခြားစေတီ ဘုရားပျက်တွေနဲ့စာရင်) ဘုရားဖူးတွေအတွက် ပိုပြီး ကြည်ညို သဒ္ဓါပွားစေနိုင်တယ်လို့ ဆိုရမှာပါ။

နိဗ္ဗာနစေတီ

ဘုရားဖူးတွေအနေနဲ့ နိဗ္ဗာနစေတီတော်ကို ဖူးမြော်ရင်း ဗုဒ္ဓမြတ်စွာရဲ့ နောက်ဆုံးခရီးစဉ်ကို ဟောကြားထားတဲ့ မဟာပရိနိဗ္ဗာနသုတ်ကို နှလုံးသွင်းပြီး သံဝေဂပွားများ နိုင်ပါတယ်။ မြတ်စွာဘုရားရှင်ဟာ အလွန်ပြင်းထန်တဲ့ သွေးဝမ်းရောဂါကြောင့် ပင်ပန်း နွမ်းနယ်နေတဲ့အတွက် သုံးဂါဝုတ်သာဝေးတဲ့ (ပါဝါကနေ ကုသိနာရုံ) ခရီးကို ၂၅-ကြိမ်တိုင်တိုင် အနားယူပြီး လာခဲ့ရပါတယ်။ ကဆုန်လပြည့် ညနေခင်း ဆည်းဆာလောက်မှာ မလ္လာမင်းတို့ရဲ့ အင်ကြင်းဥယျာဉ်ကို ရောက်ပါတယ်။ အင်ကြင်ပင် အစုံကြားမှာ ညောင်စောင်းကို ခင်းစေပြီး၊ အမှတ်သတိနဲ့ လက်ယာနံတောင်းစောင်းပြီး လျောင်းစက်တော်မူပါတယ်။ ပါဠိတော်တွေမှာ မြတ်စွာဘုရား လျောင်းစက်တော်မူကြောင်းကို ဖော်ပြရင် “ထမည်ဟူသော အမှတ်ကို နှလုံးသွင်း၍” (ဥဋ္ဌာနသညံ မနသိကာရိတွာ) ဆိုတဲ့ စကားကို ထည့်သွင်း ဖော်ပြလေ့ရှိပေမယ့်၊ ယခုလျောင်းစက်ခြင်းကို ဖော်ပြရာမှာတော့ ဒီစကား မပါတော့ပါဘူး။ မထသော လှဲလျောင်းခြင်းဖြင့် လျောင်းစက်တော်မူတာဖြစ်တယ်လို့ အဋ္ဌကထာက မှတ်ချက်ပြုပါတယ်။

အချိန်အခါမဲ့ အင်ကြင်းပန်းတွေ ပင်လုံးကျွတ် ပွင့်ပြီး ဘုရားရှင်ရဲ့ ကိုယ်တော်ပေါ်ကို ကြဲပြန့်ကျလာပါတယ်။ နတ်တွေကလည်း မန္ဒာရ၀ နတ်ပန်းတွေ၊ အမွှေးနံ့သာတွေ၊ တူရိယာသီချင်းတွေနဲ့ ဗုဒ္ဓမြတ်စွာကို ပူဇော်ကြပါတယ်။ ဘုရားရှင်က ဒီလို ပူဇော်ခြင်းမျိုးကို အရိုအသေ အလေးအမြတ် ပူဇော်တယ်လို့ မခေါ်နိုင်ဘူး။ တရားဖြင့်လျှော်စွာ ကျင့်သုံးခြင်း (ဓမ္မာနုဓမ္မပဋိပန္န) ဖြင့်သာ ဘုရားရှင်ကို အရိုအသေ အလေးအမြတ် ပူဇော်ရာ ရောက်တယ်လို့ ဟောကြားပြီး ရဟန်းတော်တွေကို တရားနဲ့ အညီကျင့်သုံးလိုက်နာကြဖို့ တိုက်တွန်းတော်မူခဲ့ပါတယ်။ ဘုရားရှင်က အခြားသော မှာကြားစရာတွေကို မှာကြားပြီးတဲ့နောက်မှာ အောက်ပါ နောက်ဆုံးစကားကို မိန့်ကြားတော်မူခဲ့ပါတယ်။

“ဟန္ဒ ဒါနိ, ဘိက္ခဝေ, အာမန္တယာမိ ဝေါ၊ ၀ယဓမ္မာ သင်္ခါရာ အပ္ပမာဒေန သမ္ပာဒေထ။”
“ရဟန်းတို့ ယခုငါ မိန့်ကြားအံ့။ ရုပ်နာမ်ဓမ္မ သင်္ခါရတရားတို့သည် ပျက်စီးခြင်းသဘော ရှိကုန်၏။ မမေ့မလျော့သော သတိတရားဖြင့် ကြိုးစား အားထုတ်ကြကုန်လော့”

ဒီနောက်မှာတော့ ဗုဒ္ဓမြတ်စွာက ဈာန်သမာပတ် အဆင့်ဆင့်ကို စုန်ဆန် ၀င်စားတော်မူပြီး၊ အကြွင်းမဲ့ အငြိမ်းဓာတ်ဖြစ်တဲ့ ပရိနိဗ္ဗာန် ၀င်စံတော်မူပါတယ်။

နိဗ္ဗာနစေတီတော်ရှေ့တွင် စိုက်ပျိုးထားသည့် အင်ကြင်းပင်

တေဇော ဓာတ်လောင်ကျွမ်းရာ မကုဋဗန္ဓနစေတီ

နံနက်မိုးသောက် ရောက်တဲ့အခါ အရှင်အာနန္ဒာနဲ့ ရဟန်းတော်တွေက ကုသိနရုံ မလ္လာမင်းတို့၏ လွှတ်တော်ကို သွားပြီး ဗုဒ္ဓမြတ်စွာ ပရိနိဗ္ဗာန် စံဝင်တော်မူပြီဆိုတဲ့ သတင်းစကားကို ပြောပြီး၊ အလောင်းတော်ကို လိုအပ်သလို စီမံဆောင်ရွက်ကြဖို့ လွှဲအပ်ပါတယ်။ ဗုဒ္ဓမြတ်စွာ ပရိနိဗ္ဗာန်စံကာနီးမှာ ကြွင်းကျန်ရစ်ရဲ့ အလောင်းတော် (သရီရ) ကို ဘယ်လို စီမံရမယ်ဆိုတဲ့ အမေးစကားကို အရှင်အာနန္ဒာက မေးလျှောက်ခဲ့ဖူးပါတယ်။ ရဟန်းတွေကို “သင်တို့က အလောင်းတော်ကို ပူဇော်ဖို့ (သရီရပူဇာ) အတွက် ကြောင့်ကြစိုက် မနေကြပါနဲ့။ တရားဓမ္မကိုသာ ကြိုးကြိုးစားစား အားထုတ်ကြပါ။ ငါဘုရားကို ကြည်ညိုတဲ့ မင်း၊ ပုဏ္ဏား၊ သူကြွယ်တွေကနေ သရီရပူဇာကို ဆောင်ရွက်ကြပါလိမ့်မယ်” မှာကြား သွားတော်မူခဲ့ပါတယ်။

ကုသိနာရုံ မလ္လာမင်းတို့က အလောင်းတော်ကို အင်ကြင်းဥယျာဉ် အတွင်းမှာဘဲ ၇-ရက်တိုင်တိုင် ပူဇော်ကြပါတယ်။ အဲဒီနောက်မှာတော့ ကုသိနာရုံမြို့ အရှေ့ဖက်မှာရှိတဲ့ မကုဋဗန္ဓန စေတီမှာ မီးသဂြိုဟ်ဖို့ စီမံကြပါတယ်။ မလ္လာမင်းတွေ အဘိသိက်ခံတဲ့အခါ မကိုဋ် ဦးသျှောင်ထုံးဖွဲ့ရာ မင်းကွန်းဖြစ်တဲ့အတွက် မကုဋဗန္ဓန စေတီလို့ ခေါ်တာပါ။ ဟိရည၀တီမြစ်ကမ်း နံဘေးမှာ တည်ရှိပါတယ်။ မြတ်စွာဘုရားရဲ့ ရုပ်အလောင်းတော်ကို ပင့်ဆောင်လာခဲ့ကြပြီး ၀ါဂွမ်းနုတွေ၊ အ၀တ်တွေနဲ့ အထပ်ထပ် ရစ်ပတ်ကြပါတယ်။ အလောင်းတော်ကို ရွှေတလားအတွင်းမှာ ဆီတွေနဲ့ အတူထည့်၊ ဖုံးအုပ်ထားပြီး နံ့သာမျိုးစုံကို ထင်းအဖြစ် စုပုံပြီး မီးသဂြိုဟ်ဖို့ ပြင်ဆင်ကြပါတယ်။ ဘယ်လိုပင် မီးတိုက်ကြပေမယ့် မီးမစွဲလောင်ဘဲ နေပါတယ်။
ပါဝါမြို့ကနေ ကြွလာတဲ့ အရှင်မဟာကဿပ မထေရ်က အလောင်းတော်ကို လက်ယာရစ် သုံးပတ်ပတ် ပူဇော်ပြီး၊ ခြေတော်အစုံ ရှိရာဖက်ကို ဦးခိုက် အဓိဋ္ဌာန်ပြုတော့မှ ထင်းပုံက အလိုအလျှောက် မီးထတောက်ကာ တေဇောဓာတ် လောင်ကျွမ်းတော်မူပါတယ်။

ဓာတ်တော် လောင်ကျွမ်းရာ မကုဋဗန္ဓနစေတီ (ရာမဘာရ်)

ဒီတေဇောဓာတ်လောင်ကျွမ်းတဲ့ နေရာမှာ မလ္လမင်းတွေက စေတီပုထိုး တည်ခဲ့ကြပါတယ်။ နောင်တော့ အသောကမင်း၊ ကုမာရဂုတ္တ (ခရစ် ၅-ရာစု) တို့က အသီးသီးပြန်လည် မွမ်းမံပြင်ဆင်ခဲ့ကြပါတယ်။ အခုအခါမှာတော့ အုတ်ပုံကြီးလိုသာ ကျန်ပါတော့တယ်။ အုတ်ပလ္လင်က အချင်းပေ ၁၅၅-ပေလောက်ရှိပြီး စေတီအခြေက အချင်း ၁၁၂-ပေရှိပါတယ်။ လက်ရှိအမြင့်က ပေ-၅၀ လောက်ပဲရှိတော့ပေမယ့်၊ အောက်ခြေအချင်းကို ထောက်ဆကြည့်ရင် မူလယခုထက် ၂-ဆလောက် မြင့်နိုင်တယ်လို့ ပညာရှင်တွေက ခန့်မှန်းကြပါတယ်။ ရာမဘာရ် (Ramabhar) ရေအိုင်အနီးမှာ တည်ရှိတဲ့အတွက် ဒေသခံတွေက ဒီစေတီကို ရာမဘာရ် စေတီလို့ ခေါ်ကြပါတယ်။ အချို့စာအုပ်တွေမှာ ဒီစေတီကို အင်္ဂါရစေတီလို့ မှားယွင်း ရေးသား ပြောဆိုကြတာလည်း ရှိပါတယ်။

ဓာတ်တော်များ ခွဲဝေရာ

ဗုဒ္ဓမြတ်စွာ ပရိနိဗ္ဗာန်စံဝင်ကြောင်း သတင်းစကားကြားတဲ့အခါ အိမ်နီးချင်း တိုင်းနိုင်ငံတွေက သံတမန်တွေ စေလွှတ်ပြီး ဓာတ်တော်တွေကို ခွဲဝေပေးဖို့ တောင်းခံပါတယ်။ ဓာတ်တော် ဝေခြမ်းရေးကို အကြောင်းပြုပြီး ရန်စစ်ဖြစ်လုနီးပါး ဖြစ်လာပါတယ်။ ဒီမှာတင် မင်းတွေရဲ့ဆရာဖြစ်ခဲ့ဖူးတဲ့ ဒေါဏပုဏ္ဏားက “အချင်းတို့… ငါတို့ရဲ့ ဗုဒ္ဓမြတ်စွာက ခန္တီဝါဒ ရှိသူ ဖြစ်ပါတယ်။ ထိုမြတ်စွာဘုရားရဲ့ ဓာတ်တော်တွေကို ခွဲဝေရေးကို အကြောင်းပြုပြီး စစ်ဖြစ်ဖို့ မသင့်ပါဘူး” လို့ ကြားဝင်စေ့စပ်ပါတယ်။ ဓာတ်တော်တွေကို ရှစ်ပုံ အညီအမျှ အောက်ပါအတိုင်း ခွဲဝေပေးပါတယ်။

၁။ မဂဓတိုင်း အဇာတသတ်မင်း
၂။ ဝေသာလီပြည် လိစ္ဆ၀ီ မျိုးနွယ်စု
၃။ ကပိလ၀တ္ထုမှ သာကျ မျိုးနွယ်စု
၎။ အလ္လကပ္ပမှ ဗုလိယ မျိုးနွယ်စု
၅။ ရာမရွာမှ ကောဠိယ မျိုးနွယ်စု၊
၆။ ဝေဋ္ဌဒီပမှ ဗြာဟ္မဏများ၊
၇။ ပါဝါမှ မလ္လ မျိုးနွယ်စု၊
၈။ ကုသိနာရုံမှ မျိုးနွယ်စု

ဒေါဏပုဏ္ဏားကတော့ ဓာတ်တော်ခြင်တဲ့ ပြည်တောင်းကိုပဲ ရပါတယ်။ နောက်မှ ရောက်လာတဲ့ ပိပ္ပလိတောက မောရိယမျိုးနွယ်စုကတော့ မီးသွေး (အင်္ဂါရ) တွေဘဲရပါတော့တယ်။ သူတို့ရဲ့ တိုင်းပြည်နေရာ အသီးသီးမှာ သူတို့ရရှိတဲ့ ဓာတ်တော်၊ ပြည်တောင်း၊ မီးသွေးတွေကို ဌာပနာပြီး စေတီပုထိုး (ထူပ) ဆယ်ဆူ တည်ထားကိုးကွယ်ခဲ့ကြတယ်လို့ မဟာပရိနိဗ္ဗာနသုတ်မှာ ဖော်ပြထားပါတယ်။

ပရိနိဗ္ဗာနစေတီတော်ရှေ့နဲ့ ဓာတ်တော်တွေ ခွဲဝေတဲ့နေရာမှာ အသောကမင်း စိုက်ထူခဲ့တဲ့ ကျောက်စာတိုင်တွေ ရှိတယ်လို့ တရုတ်ရဟန်းတော် ရွှန်ကျန်ရဲ့ မှတ်တမ်းမှာ ဖော်ပြထားပါတယ်။ ဒါပေမယ့် ဒီနေ့ခေတ်မှာတော့ ဒီကျောက်စာတိုင်တွေကို မတွေ့ရတော့ပါဘူး။ ဒါကြောင့် ဓာတ်တော်ခွဲဝေတဲ့ နေရာ အတိအကျကို သုတေသနနည်းကျ သတ်မှတ်ဖို့ ခဲယဉ်းပါတယ်။ အချို့ဘုရားဖူး ခရီးစဉ်တွေမှာတော့ ထိုင်းကျောင်း (Wat Thai Temple) ရဲ့ အရှေ့တောင်ဖက်အရပ်မှာရှိတဲ့ ညောင်ပင်ကြီးကို ဒေါဏပုဏ္ဏား ဓာတ်တော်တွေ ဝေတဲ့နေရာအဖြစ် ပို့ပေးလေ့ရှိပါတယ်။ အဲဒီနေရာမှာ ကုသိနာရုံ မလ္လမင်းတွေရဲ့ သန္ထဂါရလွှတ်တော် အဆောက်အအုံရဲ့ အပျက်အစီးတွေတွေ့ရတယ်လို့လည်း ဆိုပါတယ်။

ဓာတ်တော် ခွဲဝေရာ နေရာ (wikimedia)

မထကူဝ

မဟာပရိနိဗ္ဗာနစေတီတော်ရဲ့ အနောက်တောင်ဖက် တစ်ဖာလုံ လောက်အကွာမှာ မထကူဝ (Matha Kuar) လို့ ဒေသခံတွေခေါ်တဲ့ ကျောင်းတော်ရာ ရှိပါတယ်။ “မထကူဝ” ဆိုတာ “မတကုမာရ (Dead Prince)” ကနေ ဆင်းလက်တာ ဖြစ်ဟန်တူပြီး၊ ဘုရားရှင် ပရိနိဗ္ဗာန်ပြုခဲ့တဲ့နေရာ ဖြစ်မယ်လို့ ဗြိတိသျှ ကျောက်စာဝန် ကန်နင်ဟန်က အမှတ်မှားပြီး ယူဆခဲ့ဖူးပါတယ်။ ဒီနေရာကို ရှေးဟောင်သုတေသနဌာနက တူးဖော်စဉ်က ဉာဏ်တော် ၁၀-ပေလောက် ရှိပြီး၊ မြေကြီးကို လက်နဲ့ထိထားတဲ့ ဘူမိဖဿမုဒြာဟန် ရုပ်ပွားဆင်းတုတော် တဆူကို တူးဖော်ရရှိခဲ့ပါတယ်။ ဂယာဒေသက ထွက်တဲ့ ကျောက်နက်နဲ့ ထုလုပ်ထားတာလို့ ဆိုပါတယ်။ ဒီဆင်းတုတော် သီတင်းသုံးတဲ့ ကျောင်းဆောင်ကိုလည်း မြန်မာဘုရားဖူး ဦးဘိုးကျူးနှင့် ဦးဘိုးလှိုင်တို့က ၁၉၂၇-ခုနှစ်မှာ ဆောက်လုပ်လှူဒါန်းခဲ့တာ ဖြစ်ပါတယ်။ ဒီနေရာက မြတ်စွာဘုရား နောက်ဆုံး ရေကြည်တော် သောက်ပြီး၊ ရေသပ္ပါယ်တော်မူခဲ့တဲ့နေရာလို့ ဧည့်လမ်းညွှန်တွေက ရှင်းပြလေ့ရှိပါတယ်။ မဟာပရိနိဗ္ဗာနသုတ်အရဆိုရင်တော့ ဘုရားရှင် နောက်ဆုံး ရေကြည်သောက်ပြီး ရေသပ္ပါယ်တော်မူခဲ့တဲ့ နေရာက ဒီနေရာမဟုတ်ဘဲ၊ ပါဝါနဲ့ ကုသိနာရုံကြားက ကကုဓာမြစ် ဖြစ်သင့်ပါတယ်။ အချို့ကလည်း မြတ်စွာဘုရား နောက်ဆုံး အနားယူတဲ့ နေရာ၊ နောက်ဆုံး တရားဟောတဲ့ နေရာ စသဖြင့် အမျိုးမျိုး ကြံဆ ပြောဆိုကြပါတယ်။

မထကူဝ ကျောင်းတော်

ဗုဒ္ဓဂယာ ဘုရားဖူးခရီး (၉) လုမ္ဗိနီ

COPY FROM SONATA-CANTATA

လုမ္ဗိနီမြန်မာရွှေကျောင်း

 ကပိလ၀တ်မြို့ဟောင်းကို ကြည့်ရှု လေ့လာပြီးတဲ့နောက် လုမ္ဗိနီဥယျာဉ် အတွင်းမှာရှိတဲ့ မြန်မာ ဘုန်းတော်ကြီးကျောင်းကို ညအိပ် တည်းခိုဖို့ ထွက်ခွာခဲ့ကြပါတယ်။ မြန်မာနိုင်ငံ သာသနာ ရေး ဦးစီဌာနက ကြီးမှူးပြီး မြန်မာ့ရိုးရာဆန်ဆန် ဆောက်လုပ်ထားတာ ဖြစ်ပါတယ်။ မန္တလေးမြို့က ရွှေကျောင်းနဲ့ ပုံစံတူ တည်ဆောက်ထားတာ ဖြစ်တဲ့အတွက် လုမ္ဗိနီ မြန်မာရွှေကျောင်းလို့ အသိ များပါတယ်။ ရွှေတိဂုံဘုရားနဲ့ ပုံစံတူတည်ထားတဲ့ လောကမဏိစူဠာစေတီ၊ သိမ်ကျောင်း၊ ဓမ္မာရုံနဲ့ တည်းခိုဆောင်တွေ ပါဝင်ပါတယ်။ သာသနာရေးဦးစီးဌာနကပဲ ရဟန်းတော် ၂-ပါးနဲ့ ကပ္ပိယ ၁-ယောက်တို့ကို ၂-နှစ် တစ်ကြိမ် အလှည့်ကျ ပို့ပြီး ကျောင်းထိုင်စေတာလို့ သိရပါတယ်။ နောက်တစ်နေ့ မနက်စောစော နှင်းမကွဲသေးခင် အချိန် လောက်မှာ ဘုရားအလောင်းတော် ဖွားမြင်တော်မူရာ လုမ္ဗိနီဥယျာဉ်ကို သွားရောက် ဖူးမြော်ကြပါတယ်။

ရှုမောဖွယ်ရာ ပန်းမာလာတို့ဖြင့်
အလှဆင်ထားသော လုမ္ဗိနီသည်
လုလင်ပျိုတို့ စိတ်လှုပ်ရှားလောက်အောင်
အဆင်တန်ဆာ ပန်းမာလာတို့ဖြင့် အလှဆင်ထားသည့်
မိန်းမပျိုတစ်ဦးက ဖမ်းစားငြို့ယူသည့်နှယ်
တင့်တယ်လှပါပေ၏။ (ဗုဒ္ဓ၀င်အဋ္ဌကထာ၊ ဂေါတမဗုဒ္ဓ၀ံသ၀ဏ္ဏနာ)

အင်ကြင်းပန်းတွေ ပင်လုံးကျွတ်ပွင့်နေတဲ့ လုမ္ဗိနီဥယျာဉ်ရဲ့ အလှကို ကဗျာဆန်ဆန် ရေးဖွဲ့လေ့ရှိတတ်တဲ့ အဋ္ဌကထာဆရာ အရှင်ဗုဒ္ဓဒတ္တက ဗုဒ္ဓ၀င်အဋ္ဌကထာမှာ အထက်ပါအတိုင်း ရေးစပ်ခဲ့ဖူးပါတယ်။ မယ်တော်မာယာက ကပိလ၀တ်ကနေ ဇာတိအရပ်ဖြစ်တဲ့ ဒေ၀ဒဟကို အသွားလမ်းခရီးမှာ ကြည်နှုး ဖွယ်ကောင်းလှတဲ့ လုမ္ဗိနီအင်ကြင်းဥယျာဉ်ကိုဝင်ရင်း အလောင်းတော်ကို ဖွားမြင်ခဲ့တာ ဖြစ်ပါတယ်။ အင်ကြင်းကို ပါဠိဘာသာနဲ့ “သာလ” လို့ ခေါ်ပြီး အင်္ဂလိပ်လို Sal tree လို့ပဲ အသံဖလှယ်ပြီးခေါ်ပါတယ်။
ရုက္ခဗေဒ အမည်ကတော့ Shorea robusta ပါ။

အင်ကြင်းပင်လို့ အမှတ်မှားတတ်ကြတဲ့ Cannon Ball Tree

Cannon Ball Tree flower

အင်တာနက်ပေါ်မှာ Sal tree, Shorea robusta ဆိုပြီး ရှာကြည့်ရင် ပင်စည်နားမှာကပ်ပြီး လိမ္မော်နဲ့ အနီရောင် အပွင့်ကြီးတွေ ပွင့်လေ့ရှိတဲ့ Cannon ball tree (ရုက္ခဗေဒအမည် Couroupita guianensis) တွေပဲ ထွက်လာတာ များပါတယ်။ အမြောက်ဆံလို အညိုရောင် အသီးလုံးကြီးတွေ ပင်စည်မှာ ကပ်ပြီး သီးလေ့ရှိတဲ့အတွက် Cannon ball tree လို့ခေါ်တာပါ။ သီရိလင်္ကာနဲ့ ထိုင်းဘုန်းကြီး ကျောင်းဝင်တွေမှာလည်း ဒီလို အပင်မျိုးတွေကို တွေ့ရတတ်တဲ့ အတွက် “အင်ကြင်းပင်ဆိုတာ ဒါမျိုးပဲ” လို့ အရင်က အမှတ် မှားခဲ့ဖူးပါတယ်။ တကယ်တော့ Cannon ball tree က ဟိမ၀န္တာ တောင်ခြေတ၀ိုက်နဲ့ မြန်မာပြည်မှာ ပေါက်တဲ့ အပင်မျိုး မဟုတ်ပါဘူး။ အမေဇုန် သစ်တောတွေမှာ ပေါက်လေ့ရှိတဲ့ အပင်မျိုးဖြစ်ပြီး၊ ပေါ်တူဂီတွေက သီရိလင်္ကာနိုင်ငံကို ၁၈၈၁-ခုနှစ်လောက်ကမှ သယ်ဆောင်လာခဲ့တာလို့ သိရပါတယ်။ အပွင့်က သီဝလိင်ကို မြွေနဂါးကနေ ပါးပြင်းမိုးပြီး စောင့်နေတဲ့ပုံစံရှိတယ်လို့ ဟိန္ဒူတွေက ယူဆကြပြီး ဟိန္ဒူဘုရားကျောင်းတွေမှာ တလေးတစား စိုက်ပျိုး ပူဇော်ထားလေ့ရှိပါတယ်။ တမီလ်၊ ဟန္ဒီ စတဲ့ဘာသာစကားတွေမှာ နာဂလိင်္ဂံ၊ သီဝလိင်္ဂံ စသဖြင့် ခေါ်လေ့ရှိကြပါတယ်။

အင်ကြင်းပန်း

ဟိမ၀န္တာ တောင်ခြေနဲ့ မြန်မာပြည်မှာ ပေါက်တဲ့ အင်ကြင်းပင်ကတော့ အင်ပင်၊ သစ်ရာပင်တို့လို သစ်မာအမျိုးအစားမှာ ပါဝင်ပြီး အမြင့်ပေ ၆၀၊ လုံးပတ် ၅-ပေ ၆-ပေလောက် အထိ ရှိတတ်ပါတယ်။ ပန်းပွင့်ချိန်ရောက်ရင် ငှက်အတောင်လို အ၀ါရောင် အပွင့်တွေနဲ့ တစ်တောလုံး သင်းကြိုင်နေအောင် ပွင့်လေ့ရှိတယ်လို့ မြန်မာ့စွယ်စုံကျမ်းမှာ ဖော်ပြထားပါတယ်။ မဟာဂေါသိင်္ဂသုတ်မှာ ပင်လုံးကျွတ်ပွင့်နေတဲ့ အင်ကြင်းပန်းတွေရဲ့ ရနံ့ကို နတ်ပန်းရနံ့နဲ့ တင်စားထားပါတယ်။ ဖြောင့်စင်းတဲ့ ပင်စည်၊ စိမ်းညိုရောင် အရွက်ရှိပြီး၊ အကိုင်းအခက်တွေက အထက်မိုးတိမ်မှာ အချင်းချင်း ရောယှက်နေကြတယ်လို့ အင်ကြင်းပင်ရဲ့ပုံစံကို သောဏကဇာတ် (ဇာတကအမှတ် ၅၂၉) ဂါထာမှာ ရေးဖွဲ့ထားပါတယ်။ အင်ကြင်ပင်ကြီးတွေကို တောစိုးသစ်ပင် (၀နပ္ပတိ) လို့လည်း ပါဠိစာတွေမှာ ခေါ်လေ့ရှိပါတယ်။

ခေတ်သစ် လုမ္ဗိနီဥယျာဉ်

ယခုခေတ် လုမ္ဗိနီဥယျာဉ်မှာတော့ တောစိုးသစ်ပင်လို့ ခေါ်ရလောက်တဲ့ အင်ကြင်းပင်ကြီးတွေ မရှိတော့ပါဘူး။ နောက်မှ အသစ်ပြန်စိုက်ထားတဲ့ အင်ကြင်းပင်ပျိုတွေပဲ ရှိပါတယ်။ ယခုခေတ် လုမ္ဗိနီဒေသ ဖွံ့ဖြိုးရေးအဖွဲ့(Lumbini Development Trust) က ထိန်းသိမ်းစောင့်ရှောက်ထားတဲ့ ဥယျာဉ်က တောင်မြောက် အလျား ၃-မိုင်၊ အရှေ့အနောက် ၁-မိုင် ကျယ်ပါတယ်။ တောင်ဖက်ဆုံးမှာ ဗုဒ္ဓမြတ်စွာ အလောင်းလျာ ဖွားမြင်တော်မူရာ မြေမြတ်မဟာ နယ်မြေ၊ အလယ်ပိုင်းမှာ နိုင်ငံတကာ ဘုန်းတော်ကြီးကျောင်းများ တည်ရှိရာ နယ်မြေ၊ မြောက်ဖက်ဆုံးမှာတော့ တည်းခိုခန်းတွေ၊ စားသောက်ဆိုင်တွေရှိတဲ့ လုမ္ဗိနီ ရွာသစ်ဆိုပြီး နယ်မြေ သုံးခုခွဲထားပါတယ်။ နိုင်ငံတကာ ဘုန်းတော်ကြီးကျောင်းများ နယ်မြေမှာ တောင်မြောက် တူးမြောင်းဖောက်လုပ်ထားပြီး၊ အရှေ့ဖက်ခြမ်းမှာ ထေရ၀ါဒ နိုင်ငံတွေက ဘုန်းတော်ကြီးကျောင်းတွေ တွေရှိပါတယ်။ အနောက်ဖက်ခြမ်းမှာတော့ မဟာယာနနဲ့ တိဘက် ဘုန်းတော်ကြီးကျောင်းတွေ ရှိပါတယ်။ ချွင်းချက်အနေနဲ့ ပဏ္ဍိတာရာမ ရွှေတောင်ကုန်းရိပ်သာကတော့ အနောက်ဖက်ခြမ်းမှာ ရှိပါတယ်။ တူးမြောင်းရဲ့ တောင်ဖက်ထိပ်မှာ ငြိမ်းချမ်းရေးခေါင်းလောင်းနဲ့ ငြိမ်းချမ်းရေး မီးရှုးတိုင်တို့ ရှိပါတယ်။

ငြိမ်းချမ်းရေး မီးရှုးတိုင်

မာယာဒေ၀ီ ကျောင်းဆောင်နှင့် အသောကကျောက်တိုင်

 အလောင်းတော် ဖွားမြင်ရာ မြေမြတ်မဟာ နယ်မြေမှာ ဖူးမြော်လေ့လာစရာတွေအနေနဲ့ မာယာဒေ၀ီကျောင်းဆောင်၊ အသောကကျောက်တိုင်၊ ပေါက္ခရဏီရေကန်နှင့် အခြားစေတီပုထိုးပျက်များ ရှိပါတယ်။ ယခုရှိနေတဲ့ မာယာဒေ၀ီ ကျောင်းဆောင် အဆောက်အအုံက ၂၀၀၃-ခုနှစ်ကမှ ရှေးအဆောက်အအုံကို ငုံပြီး ဆောက်လုပ်ထားတာပါ။ ရှေးဟောင်းအဆောက်အအုံမှာ မယ်တော်မာယာက အင်ကြင်းကိုင်းကို ကိုင်ပြီး အလောင်းတော်ကို ဖွားမြင်နေဟန် ဂုတ္တခေတ်လက်ရာ ကျောက်ရုပ်တစ်ခု ရှိပါတယ်။ ဒေသခံ ဟိန္ဒူဘာသာဝင်တွေကတော့ ရုမ္မိနိဒေ၀ီ (Rumminidevi) နတ်သမီး ရုပ်တုလို့ ယူဆပြီး ကိုးကွယ်ကြပါတယ်။ ၁၉၉၆-ခုနှစ် ထပ်မံတူးဖော်တဲ့အခါ အသောကမင်းက အမှတ်အသားအဖြစ် ထားခဲ့တဲ့ ကျောက်တုံး (marker stone) ကို တွေ့ခဲ့ရပါတယ်။ ဧည့်လမ်းညွှန်တွေက အလောင်းတော်ရဲ့ ခြေတော်ရာလို့ ရှင်းပြလေ့ရှိပါတယ်။ ယခုအခါမှာ ကြည်ကာမှန်အတွင်းမှာ ထည့်သွင်းပြီး စောင့်ရှောက်ထားပါတယ်။

အလောင်းတော်ဖွားမြင်ခန်း

Marker Stone (credit: wikipedia)

မာယာဒေ၀ီကျောင်းဆောင်ရဲ့ နံဘေးမှာ အသောကမင်း စိုက်ထူခဲ့တဲ့ ကျောက်စာတိုင် ရှိပါတယ်။ ဒီနေရာကို ၇-ရာစုကရောက်ခဲ့တဲ့ တရုတ်ရဟန်းတော် ရွှန်ကျန်က ကျောက်စာတိုင်ရဲ့ ထိပ်မှာ မြင်းရုပ်ရှိတယ်လို့ ဖော်ပြထားပါတယ်။ အခုအခါမှာတော့ ကျောက်စာတိုင် ထိပ်ပိုင်းမရှိတော့ပါဘူး။ ကျောက်စာတိုင် ထိပ်ပိုင်းရဲ့ အစိတ်အပိုင်းလို့ ယူဆရတဲ့ ကျောက်တုံး တစ်တုံးကို ခြံဝင်းအတွင်းမှာ ကျောက်စာတိုင်နဲ့ အတူထားပါတယ်။ အတော်လေး ပျက်စီးနေတဲ့အတွက် မြင်းရုပ်ပုံတော့ မပေါ်တော့ပါဘူး။

အသောကကျောက်စာတိုင် ထိပ်ပိုင်း

အသောက ကျောက်စာ

အသောက ကျောက်စာ ဘာသာပြန်

ကျောက်စာတိုင်မှာ ရေးထိုးထားတဲ့စာက “နန်းသိမ်းပွဲခံပြီး အနှစ် ၂၀-မြောက်အကြာတွင် နတ်တို့ချစ်သော ပိယဒဿီမင်းကြီးသည် သကျမုနိ ဗုဒ္ဓ ဖွားမြင်တော်မူရာ ဤအရပ်သို့ လာရောက်၍ ရှိခိုး ပူဇော် တော်မူခဲ့သည်။ ဖွားမြင်တော်မူရာတွင် ကျောက်သား တိုက်ခန်းကို တည်ထား၍ ကမ္ဗည်းကျောက်စာတိုင်ကို စိုက်ထူတော်မူခဲ့သည်။ ဘုရားရှင် ဖွားမြင်တော်မူရာဖြစ်သော ဤလုမ္ဗိနီရွာအား အခွန် ကင်းလွတ်စေပြီး၊ ရှစ်ဖို့ တဖို့ကိုသာလျှင် ပေးဆောင်စေရမည်” လို့ အဓိပ္ပါယ်ရကြောင်း သိရပါတယ်။ (မှတ်ချက်။ နောက်ဆုံး ၀ါကျက “ဥဗလိကေ ကတေ အဌဘာဂိယေ စ” ကို ဘာသာပြန်ရာမှာတော့ မူကွဲ အမျိုးမျိုး ရှိပါတယ်။ ဘာသာရေး အထွတ်အမြတ် နေရာတွေကို လာရောက်တဲ့ အခါပေးရတဲ့ အခွန်ကို ကင်းလွတ်စေပြီး၊ မြေခွန်အဖြစ် ထမ်းဆောင်ရလေ့ရှိတဲ့ ထွက်ကုန်ရဲ့ ခြောက်ဖို့ တစ်ဖို့၊ လေးဖို့ တစ်ဖို့သော ခိုင်ကြေး (အခွန်) အစားလျော့ပြီး ရှစ်ဖို့ တစ်ဖို့ကိုသာ ထမ်းဆောင်စေတယ်လို့ အချို့က ယူဆပါတယ်။ အချို့ကလည်း “အခွန်ကို လျှော့ပေါ့၍ ရှစ်ဖို့တစ်ဖို့သာ ထမ်းဆောင်စေသည်” လို့ ခပ်ရိုးရိုး ဘာသာပြန်ပါတယ်။ အရှင်အာဒိစ္စ၀ံသကတော့ ပါဠိဘာသာနဲ့ “အတ္ထံ စ ဘာဇယေ” လို့ ဖလှယ်ယူပြီး “မိမိပြုသော ကုသိုလ်အဖို့ကို ဝေခြမ်းပါ၏” လို့ ဘာသာပြန်ပါတယ်။)

ကျောက်စာတိုင်ရဲ့ အထက်နားမှာတော့ နောက်ပိုင်းခေတ်ရောက်မှ တိဘက်ဘာသာနဲ့ ရေးထိုးထားတဲ့ “ဥုံမဏိ ပဒမေဟုံ” ဆိုတဲ့ စာတမ်းရှိပါတယ်။ ကျောက်စာတိုင်က အက်ကွဲနေတဲ့အတွက် အရှည်တည်တံ့အောင် ကုသိနာရုံကျောင်း မြန်မာဆရာတော် ဦးစန္ဒြမုနိက သံပြားနဲ့ ပတ်ပေးထားခဲ့တယ်လို့ သိရပါတယ်။

ပေါက္ခရဏီကန်

ကျောက်စာတိုင်ရဲ့ တောင်ဖက်မှာတော့ ပေါက္ခရဏီ ရေကန်ရှိတယ်။ အလောင်းတော်ကို ဖွားတော်မူစဉ်က ကောင်းကင်က ရေပူ၊ ရေအေး အလျဉ်အစုံကျလာပြီး၊ (အပူအအေး မျှတစေရန်) မယ်တော်နဲ့ အလောင်းတော်တို့ ရေချိုးတော်မူခဲ့တဲ့ နေရာလို့ ယူဆကြပါတယ်။ အလောင်းတော် ဖွားမြင်ချိန်မှာ ကောင်းကင်က ရေပူရေအေး အလျဉ်တွေ ကျလာတဲ့ ဖြစ်ရပ်အပါအ၀င် မြေငလျှင်တုန်လှုပ်ခြင်း၊ အထက် ဗြဟ္မာပြည်ကနေ အောက် လောကန္တရိတ်ငရဲတိုင်အောင် အတိုင်းအဆမရှိ ထွန်းလင်းတောက်ပတဲ့ အလင်းရောင်ကြီး ပေါ်ထွန်းလာခြင်း စသဖြင့်သော အလွန်ထူးခြား အံ့သြဖွယ်ကောင်းတဲ့ အဖြစ် အပျက်တွေ ဖြစ်ပေါ်ခဲ့တယ်လို့ မဇ္ဈိမနိကာယ် အစ္ဆရိယအဗ္ဘုတသုတ်နဲ့ ဒီဃနိကာယ် မဟာပဒါနသုတ်တို့မှာ ဟောကြားထားတာကို တွေ့ရပါတယ်။ အဲဒီလို ထူးဆန်းတဲ့ အခြင်းအရာတွေအနက် စိတ်ဝင်စားစရာ ဖြစ်ရပ် တစ်ခုကတော့၊ ဖွားမြင်စ အလောင်းတော်က ညီညွတ်တဲ့ ခြေအစုံနဲ့ မြေမှာရပ်ပြီး မြောက်ဖက်အရပ်ကို ရှေုးရှုကာ ခြေဖ၀ါး ၇-လှမ်း လှမ်းကြွတော်မူပြီးတဲ့နောက် အောက်ပါ စကားကို ကြုံး  ၀ါးတော်မူတယ်လို့ အဆိုရှိပါတယ်။

“အဂ္ဂေါဟမသ္မိ လောကဿ။
ဇေဋ္ဌောဟမသ္မိ လောကဿ။
သေဋ္ဌောဟမသ္မိ လောကဿ။
အယမန္တိမာ ဇာတိ, နတ္ထိဒါနိ ပုနဗ္ဘဝေါ”တိ။

“ငါသည် လောကတွင် အမြင့်ဆုံးဖြစ်၏။
ငါသည် လောကတွင် အကြီးဆုံးဖြစ်၏။
ငါသည် လောကတွင် အမြတ်ဆုံးဖြစ်၏။
ဤမွေးဖွားခြင်းသည်ကား နောက်ဆုံးမွေးဖွားခြင်းတည်း။
နောင်တစ်ဖန် ဘ၀ဖြစ်ခြင်း မရှိတော့ပြီ။”

*****

စာကြွင်း။  ။ လုမ္ဗိနီ အနာဂတ်...

သတင်းများအရ တရုတ်အစိုးရကို ကျောထောက် နောက်ခံပြုထားတဲ့ Asia Pacific Exchange and Cooperation Foundation (APECF) ဥက္ကဋ္ဌ Xiao Wunan နဲ့ နီပေါနိုင်ငံ ကွန်မြူနစ်ပါတီ ခေါင်းဆောင်တဦးဖြစ်သလို နီပေါနိုင်ငံ လုမ္ဗိနီဖွံ့ဖြိုးရေး လမ်းညွှန်ကော်မတီ (LDNDC) ဥက္ကဖြစ်တဲ့ Pushpa Kamal Dahal တို့က မက္ကာမြို့ကို နမူနာယူပြီး လုမ္ဗိနီကို ဘုရားဖူးနဲ့ ကမ္ဘာလှည့် ခရီးသွားမြို့တော်ကြီး အဖြစ်ဖန်တီးဖို့ နားလည်မှုစာချွန်လွှာကို လက်မှတ်ရေးထိုး ထားပါတယ်။ အပြည်ပြည်ဆိုင်ရာ လေဆိပ်၊ ကားလမ်း၊ ရထားလမ်းနဲ့ တည်းခိုခန်းတွေ၊ ဗုဒ္ဓတက္ကသိုလ်စတာ တွေပါဝင်မှာ ဖြစ်ပါတယ်။ လန်ဒန်အခြေစိုက် Vertical Theme Park (VTP) အုပ်စုနဲ့ ဖက်စပ်ပြီး Lumbini Cloud Tower နဲ့ Theme Park တွေလည်း တည်ဆောက်သွားမှာ ဖြစ်ပါတယ်။ ဒီစီမံကိန်းက ဒေါ်လာသန်း သုံးထောင်ကနေ ငါးထောင်အထိ ကုန်ကျမှာဖြစ်ပြီး ထက်ဝက်လောက်ကို (APECF) ကနေ မတည် ရင်းနှီးမှာ ဖြစ်ပါတယ်။ ကျန်တဲ့ ရင်းနှီးမြုတ်နှံမှုအတွက် နိုင်ငံတကာက တရုတ်ကုမ္ပဏီတွေနဲ့ အရှေ့အလယ်ပိုင်းနိုင်ငံတွေကနေ ဖိတ်ခေါ်သွားမယ်လို့ ဆိုပါတယ်။ “ကမ္ဘာငြိမ်းချမ်းရေးမြို့တော်” လို့ အမည်ပေးထားပါတယ်။ 

ဒီစာချုပ်နဲ့ ပတ်သက်ပြီး လုမ္ဗိနီဖွံ့ဖြိုးရေး လမ်းညွှန်ကော်မတီ အတွင်းမှာတောင် ပွင့်ပွင့်လင်းလင်း ဆွေးနွေးတာ မရှိခဲ့သလို၊ “… စာချုပ် ချုပ်တယ်ဆိုတာ သိလိုက်ရတော့ အံအားသင့်သွားတယ်” လို့ ကော်မတီဝင် တစ်ဦးက ဆိုပါတယ်။ ဒါအပြင် ဒီစီမံကိန်းက ဘာသာရေးထက် စီးပွားရေး ဆန်လွန်းနေ   ရုံသာမက၊ ဒီဒေသတ၀ိုက်ကို တရုတ်ရဲ့ နိုင်ငံရေး သြဇာချဲ့ထွင်မှုလည်း ဖြစ်တဲ့အတွက် အိန္ဒိယနိုင်ငံသားတွေနဲ့ တိဗက်လွတ်မြောက်ရေး လှုပ်ရှားသူတွေက ပြင်းပြင်းထန်ထန် ဆန့်ကျင်ကြပါတယ်။ ထိုအတူပဲ ဒီစီမံကိန်းအကြောင်းကို ကြားသိရတဲ့ မြန်မာ ဗုဒ္ဓဘာသာဝင်တွေကလည်း လုမ္ဗိနီရဲ့ ဘာသာရေး အနှစ်သာရနဲ့ ရှေးဟောင်း အမွေအနှစ်တွေ ကွယ်ပျောက်သွားမှာ စိုးရိမ်ပူပန်နေကြပါတယ်။ ဒါကြောင့် ဒီစီမံကိန်း ရပ်ဆိုင်းပေးဖို့ ကုလသမဂ္ဂထံ အသနားခံစာ တင်မယ့် လှုပ်ရှားမှုတစ်ခု လုပ်နေကြပါတယ်။ စိတ်ဝင်စားသူများက Dhamma Download ရဲ့ ဒီစာမျက်နှာမှာ သွားရောက် လေ့လာပြီး ပါဝင် လက်မှတ်ရေးထိုး နိုင်ပါတယ်။

• A bizarre project in Nepal At Buddha’s birthplace, The Economist, Aug 20, 2011.
• Chinese foundation plans $3 billion project in Nepal, The Hindu, Jul 17, 2011 
• Dahal, China panels sign Lumbini MoU, The Kathmandu Post, Nov 8, 2012
• Petition to preserve the world heritage, Lumbini 

 

*****

 

ဗုဒ္ဓဂယာ ဘုရားဖူးခရီး (၈) - ကပိလ၀တ္ထု

copy from SONATA-CANTATA
န၀မမြောက်နေ့ နံနက်စောစောမှာ သာဝတ္ထိကနေ နီပေါနိုင်ငံ လုမ္ဗိနီကို ခရီးဆက်ခဲ့ပါတယ်။ မနက် ၁၁ နာရီခွဲလောက်မှာ အိန္ဒိယ-နီပေါနယ်စပ်က ဆိုနောလီမြို့ (Sonauli) မြန်မာကျောင်းကို ရောက်ပါတယ်။ ကျောင်းက ဆောက်လက်စပဲ ရှိပါသေးတယ်။ အရင်က နီပေါနိုင်ငံမှာ နိုင်ငံရေး မငြိမ်မသက်ဖြစ်လို့ နယ်စပ်ဖြတ်ကျော်ခွင့် ပိတ်ထားရင် ဘုရားဖူးတွေ အတော်လေး ဒုက္ခရောက်တဲ့ အတွက်၊ ဘုရားဖူးတွေ တည်းခိုလို့ရအောင် ဒီကျောင်းကို ထူထောင်ခဲ့တယ်လို့ သိရပါတယ်။ အများအားဖြင့် ဒီကျောင်းမှာ တစ်ထောက်နားပြီး နေ့လည်စာ စားလေ့ရှိကြပါတယ်။
 

သာဝတ္ထိမှ လုမ္ဗိနီနှင့် ကပိလ၀တ္ထုသို့

 

ဆိုနောလီကနေ နယ်စပ်ဂိတ်ကို ဖြတ်ရင် နီပေါနိုင်ငံဖက်ခြမ်းက ဘိုင်ရဟ၀ါ (Bhairahawa) မြို့ကို ရောက်ပါတယ်။ အခုအခါမှာတော့ ဒီမြို့ကို သိဒ္ဓတ္ထနာဂရ (Siddharthanagar) လို့ အမည် ပြောင်းထားပါတယ်။ သိဒ္ဓတ္ထနာဂရကနေ အနောက်ဖက်ကို ၁၄-မိုင်လောက်သွားရင် လုမ္ဗိနီဥယျာဉ်ကို ရောက်ပါတယ်။ လုမ္ဗိနီဥယျာဉ်ရဲ့ အနောက်ဖက် ၁၄-မိုင်မှာရှိတဲ့ တောလိဟ၀ါမြို့ (Taulihawa) ကနေ မြောက်ဖက် ၂-မိုင်လောက် ဆက်သွားရင် ဒေသခံတွေက တိလောရကွတ် (Tilaurakot) လို့ခေါ်တဲ့ ကပိလ၀တ် (ကပိလ၀တ္ထု) မြို့ဟောင်းကို ရောက်ပါတယ်။ ဘုရားဖူးအဖွဲ့က လုမ္ဗိနီကို မ၀င်သေးဘဲ ကပိလ၀တ်မြို့ဟောင်းကို အရင် သွားကြပါတယ်။

ကပိလ၀တ်မြို့နဲ့ သကျ (သာကိယ၊ သက္က) မျိုးနွယ်စုရဲ့ သမိုင်းကြောင်းကို ဒီဃနိကာယ် အမ္ဗဋ္ဌသုတ်နဲ့ သုတ္တနိပါတ် သမ္မာပဗ္ဗဇနီယသုတ် အဖွင့် အဋ္ဌကထာတွေမှာ ဖော်ပြထားပါတယ်။ ကမ္ဘာဦးအစ မဟာသမ္မတမင်းက ဆင်းသက်လာတဲ့ ဥက္ကာကမင်းကြီးရဲ့ သားသမီးတွေကနေ သကျမျိုးနွယ်စုကို ထူထောင်ခဲ့တယ်လို့ ဆိုပါတယ်။ ဥက္ကာကမင်းကြီးဆိုတာက ရာမာယန၊ မဟာဘာရတစတဲ့ ရှေးဟောင်း ပူရဏ်ကျမ်းတွေမှာပါတဲ့ ဣက္ခာကု(Ikṣvāku) မင်းနဲ့ အတူတူပဲလို့ သိရပါတယ်။ ပူရဏ်ကျမ်းတွေအရ ဇမ္ဗုဒိတ်ကျွန်းလို့ခေါ်တဲ့ အိန္ဒိယကို လွှမ်းမိုးခဲ့တဲ့ မျိုးနွယ်စုကြီး နှစ်ခု ရှိခဲ့ပါတယ်။ လနတ်သားက ဆင်းသက်လာတဲ့ လမင်းမျိုးနွယ်နဲ့ နေနတ်သားက ဆင်းသက်လာတဲ့ နေမင်းမျိုးနွယ်တို့ပါ။ ဥက္ကာကမင်းက နေမင်းမျိုးနွယ်စုက ဆင်းသက်လာတယ်လို့ ယူဆကြပါတယ်။ ဒါကြောင့် ဗုဒ္ဓဘာသာကျမ်းစာတွေမှာလည်း သကျမျိုးတွေကို နေမင်းမျိုးနွယ် (သူရိယ၀ံသ၊ အာဒိစ္စ၀ံသ) စသဖြင့် ခေါ်လေ့ရှိပါတယ်။ ကတိက၀တ်အရ မိဖုရားငယ်တစ်ပါးက ဖွားမြင်တဲ့ သားကို ထီးနန်တင်ဖို့အတွက် ဥက္ကာကမင်းက သားတော်ကြီးတွေကို တိုင်းပြည်ကနေ နှင်ထုတ်ရပါတယ်။ အဲဒီအခါမှာ မိဖုရားအကြီးတွေက ဖွားမြင်တဲ့ သားတော် သမီးတော်တွေက တိုင်းပြည်ကနေခွာပြီး ဟိမ၀န္တာတောင်ခြေ အနီးက ကျွန်းတောအတွင်းက မြို့သစ်ထူထောင် နေကြပါတယ်။ ကပိလရသေ့ရဲ့ ကျောင်းသင်္ခမ်းရှိရာ အောင်မြေအရပ်မှာ မြို့တည်ခဲ့တဲ့ အတွက် ကပိလ၀တ္ထု လို့အမည်တွင်ပါတယ်။ ဥက္ကာကမင်းရဲ့ သားတော်တွေက မျိုးနွယ်ဆက်မပျက်အောင် နှမတော်တွေနဲ့ အိမ်ထောင်ပြုပြီး မင်းဆက် ထူထောင်ခဲ့ကြပါတယ်။ ဒီအကြောင်းကို ကြားသိတဲ့ ခမည်းတော် ဥက္ကာကမင်းက “သကျာ ၀တ ဘော ကုမာရာ - အချင်းတို့ သားတော်တို့သည် စွမ်းနိုင်ကြပေ၏ (သကျာ)” လို့ ချီးမွန်းပါတယ်။ ဒါကို အကြောင်းပြုပြီး သကျမျိုး၊ သာကီဝင်မျိုးလို့ အမည်တွင်ခဲ့ပါတယ်။ (မဟာသာက၀န) ကျွန်းတောကြီးမှာ မြို့သစ်ထူထောင်ခဲ့တဲ့အတွက် သာကိယလို့ အမည်တွင်တယ်လို့လည်း ဆိုကြပါသေးတယ်။

ကပိလ၀တ်မြို့နေရာနဲ့ ပတ်သက်ပြီး ရှေးဟောင်း သုတေသနပညာရှင်တွေကြားမှာ ၀ိဝါဒကွဲနေပါတယ်။ အုပ်စုတစ်ခုက နီပေါနိုင်ငံဖက်ခြမ်းက တိလောရကွတ် (Tilaurakot) အရပ်လို့ ယူဆကြပြီး၊ အခြားအုပ်စုကတော့ လုမ္ဗိနီဥယျာဉ်ရဲ့ အနောက်တောင်ဖက် ၉-မိုင်လောက်မှာရှိတဲ့ အိန္ဒိယနိုင်ငံဖက်ခြမ်းက ပိပရဟ၀ါ (Piprahawa) အရပ်လို့ ယူဆကြပါတယ်။ ဗြိတိသျှသုတေသီ ကန်နင်ဟန်က တရုတ် ရဟန်းတော်တွေရဲ့ မှတ်တမ်းကို ခြေရာခံပြီး ကပိလ၀တ်ကို ရှာဖွေဖို့ ကြိုးစားခဲ့ပေမယ့် မအောင်မြင်ခဲ့ပါဘူး။ ဂျာမာန်သုတေသီ ဒေါက်တာ အန်တွန် ဖျူးရာ (Anton Führer) က ၁၈၉၆-ခုနှစ်မှာ ဂေါတမ မြတ်စွာဘုရား၊ ကောဏာဂုံနှင့် ကကုသန် မြတ်စွာဘုရား အလောင်းတော်တို့ ဖွားမြင်တော်မူ နေရာ အထိမ်းအမှတ်အဖြစ် အသောကမင်းကြီး စိုက်ထူထားခဲ့တဲ့ ကျောက်စာတိုင်တွေကို ရုမ္မိန်ဒေး (Rummindei လုမ္ဗိနီ)၊ နိဂလိဟ၀ (Niglihawa)နဲ့ ဂေါတိဟ၀ (Gotihawa) စတဲ့ နေရာအသီးသီးမှာ ရှာဖွေ တွေ့ရှိခဲ့ပါတယ်။ အသောကကျောက်တိုင်တွေကို မျက်မြင်တွေ့ခဲ့ဖူးတဲ့ တရုတ်ရဟန်းတော် ရွှန်ကျန်ရဲ့ မှတ်တမ်းကို မူတည်ပြီး တိလောရကွတ်အရပ်ကို အလောင်းတော် သိဒ္ဓတ္ထမင်းသား ၂၉-နှစ်တာ နေထိုင်ကြီးပြင်းခဲ့ရာ ကပိလ၀တ်မြို့အဖြစ် သတ်မှတ်ခဲ့ပါတယ်။ ဒီဒေသတ၀ိုက်ကို ထပ်မံ ရှာဖွေတူးဖော်ခဲ့တဲ့ အိန္ဒိယသုတေသီ မူခါဂျီး (P.C. Mukhaji) က တိလောရကွတ်ဟာ ကပိလ၀တ်မြို့ဟောင်း ဖြစ်ကြောင်း ၁၈၉၉-ခုနှစ်မှာ အတည်ပြုခဲ့ပါတယ်။

ကပိလ၀တ်နှင့် လုမ္ဗိနီ အနီးတ၀ိုက်

၁၈၉၈-ခုနှစ်မှာ အင်္ဂလိပ်မြေပိုင်ရှင် ၀ီလျံပက်ပ် (W.C. Peppé) က အိန္ဒိယနိုင်ငံ ပိပရဟ၀ါ (Piprahawa) အရပ်မှာရှိတဲ့ စေတီဟောင်း တစ်ဆူကနေ အရိုးအိုးတွေပါတဲ့ ကျောက်သေတ္တာ တစ်လုံးကို တူးဖော်ရခဲ့ပါတယ်။ အဲဒီအထဲမှာ “… ဣယံ သလိလာနိဓနေ ဗုဒ္ဓဿ ဘဂ၀တေ သာကိယာနံ” လို့ ဗြဟ္မီအက္ခရာနဲ့ ရေးထိုးထားတဲ့ ကမ္ပည်းကို တွေ့ရပါတယ်။ ဒါကြောင့် ဒီအရိုးအိုးဟာ မြတ်စွာဘုရားရှင်ရဲ့ ဆွေတော်မျိုးတော်ဖြစ်တဲ့ သာကီဝင်မျိုးတွေရဲ့ အရိုးအိုးဖြစ်နိုင်ပါတယ်။ ဒီအပြင် တရုတ်ရဟန်းတော် ဖာရှန်ရဲ့ မှတ်တမ်းမှာပါတဲ့ တည်နေရာနဲ့ ပိုပြီးနီးစပ်နေတဲ့အတွက် ပိပရဟ၀ါအရပ်က ကပိလ၀တ်နေရာ ဖြစ်နိုင်ကြောင်း တင်ပြလာကြပါတယ်။ သမိုင်းပညာရှင် ဗင်းဆင့်စမစ် (Vincient A. Smith) က တိလောရကွတ်က ရဟန်းတော် ရွှန်ကျန်ရောက်ခဲ့တဲ့ ကပိလ၀တ် ဖြစ်ပြီး၊ ပိပရဟ၀ါက ရဟန်းတော် ဖာရှန် ရောက်ခဲ့တဲ့ ကပိလ၀တ်လို့ ၁၉၀၀-ခုနှစ်မှာ သူ့ရဲ့အယူအဆကို တင်ပြခဲ့ပါတယ်။ ၁၉၇၂-ခုနှစ်ရောက်တော့ သီရိဝသ်တ၀ (KM Srivastava) က ပိပရဟ၀ါမှာ ထပ်ပြီး တူးဖော်တဲ့အခါ “ဥုံ ဒေ၀ပုတြ ၀ိဟာရေ ကပိလ၀တ္ထုဿ ဘိက္ခုသံဃဿ”လို့ ကုသျှန်အက္ခရာနဲ့ ရေးထိုးထားတဲ့ ကမ္ပည်းစာကို တွေ့ပြန်ပါတယ်။ ဒီတွေ့ရှိချက်ကြောင့် ပိပရဟ၀ါသာလျှင် ကပိလ၀တ္ထု မြို့ဟောင်း အစစ်လို့ အိန္ဒိယနိုင်ငံသား သုတေသ်ီတွေက အခိုင်အမာ ကောက်ချက် ဆွဲကြပါတယ်။ နီပေါနိုင်ငံသား သုတေသီတွေကလည်း အနီးဝန်းကျင်က အသောကကျောက်စာတိုင် သုံးခုနေရာနဲ့ ကြီးကျယ်တဲ့ မြို့ရိုးဟောင်းတွေကို ထောက်ပြီး တိလောရကွတ်သာလျှင် ကပိလ၀တ္ထုမြို့ဟောင်း အစစ်လို့ ငြင်းဆိုကြပါတယ်။ ပါဠိပညာရှင် ရီးစ် ဒေဗစ် (T.W. Rhys Davids) ရဲ့ အယူအဆကတော့ သိဒ္ဓတ္ထမင်းသား ကြီးပြင်းခဲ့တဲ့ ကပိလ၀တ်မြို့ဟောင်းက တိလောရကွတ်မှာရှိပြီး၊  ၀ိဋဋူဘမင်းက သာကီဝင်တွေကို သတ်ဖြတ် မြို့ကို ဖျက်ဆီးပြီးတဲ့နောက်ပိုင်းမှ ပိပရဟ၀ါမှာ ကပိလ၀တ် မြို့သစ် ပြန်တည်ခဲ့တာ လို့ဆိုပါတယ်။

ဝိဋဋူဘက သာကီဝင်တွေကို လူမျိုးတုန်း သတ်ဖြတ်ခဲ့တဲ့အကြောင်းကို ဘဒ္ဒသာလဇာတ် (အမှတ် ၄၆၅) အဋ္ဌကထာနဲ့ ဓမ္မပဒအဋ္ဌကထာတွေမှာ ဖော်ပြထားပါတယ်။ သကျမျိုးနွယ် မြတ်စွာဘုရားကို အလွန်ကြည်ညိုတဲ့ ကောသလမင်းက မိမိနဲ့ လက်ဆက်ဖို့အတွက် ကပိလ၀တ်က သကျ အမျိုးသမီး တစ်ဦးကို တောင်းခဲ့ရာက ဇာတ်လမ်းစပါတယ်။ သက္ကတိုင်းက ကောသလမင်းရဲ့ သြဇာအာဏာ အရိပ် အောက်မှာ ရှိတဲ့ တိုင်းနိုင်ငံတစ်ခု ဖြစ်တဲ့အတွက် ကောသလမင်းရဲ့ တောင်းဆိုမှုကို မလွန်ဆန်ဝံ့ပါဘူး။ သာကီဝင်မင်းသမီးတွေကို အမျိုးဇာတ်မတူသူတွေနဲ့ လက်ဆက်မပေးလို့တဲ့အတွက် သာကီဝင် မဟာနာမ်မင်းနဲ့ ကျွန်မတစ်ဦးကနေ မွေးတဲ့ သမီး ၀သဘခတ္တိယာကို ပေးလိုက်ပါတယ်။ ၀ိဋဋူဘက ပသေနဒီကောသလမင်းနဲ့ ၀သဘခတ္တိယာတို့က ရတဲ့သားပါ။ ၀ိဋဋူဘမင်းသား အရွယ်ရောက်တော့ မိမိရဲ့ ဆွေတော်မျိုးတော်တွေ ရှိတဲ့ ကပိလ၀တ်ကို သွားလည်ပါတယ်။ မိမိကို ကောင်းကောင်း ဧည့်ဝတ် မပြုကြရုံသာမက မိမိထိုင်သွားတဲ့နေရာကို “ကျွန်မရဲ့သား ထိုင်သွားတဲ့ နေရာ” ဆိုပြီး နို့ရည်တွေနဲ့ လောင်း ဆေးကြတယ်ဆိုတာကို သိသွားတော့ ၀ိဋဋူဘက သာကီဝင်တွေ အပေါ်မှာ ရန်ငြိုးထားခဲ့ပါတယ်။ နောင်မှာ ၀ိဋဋူဘက ခမည်းတော် ပသေနဒီကို ထံက အာဏာသိမ်းပြီး နန်းတက်လာတဲ့အခါ ကပိလ၀တ်ကို စစ်ချီပါတယ်။ ဗုဒ္ဓမြတ်စွာကလည်း ကပိလ၀တ်ကို သုံးကြိမ်တိုင်တိုင် ကြွပြီး ဆွေတော် မျိုးတော် တွေကို ၀ိဋဋူဘရဲ့ ရန်ဘေးကနေ ကာကွယ်ပေးတော်မူပါတယ်။ ဒါပေမယ့် ရှောင်လွှဲလို့ မရနိုင် တော့ ဘူးဆိုတာကို သိတဲ့အတွက် စတုတ္ထအကြိမ် သွားရောက် တိုက်ခိုက်တဲ့အခါမှာတော့ ဗုဒ္ဓက ကပိလ၀တ်ကို မကြွတော့ပါဘူး။ ၀ိဋဋူဘက သကျမျိုးနွယ်တွေကို အစုလိုက် အပြုံလိုက် လူမျိုးတုန်း သတ်ဖြတ်ပြီး ကပိလ၀တ်ကို ဖျက်ဆီးခဲ့ပါတယ်။ ကပိလ၀တ်မြို့ရဲ့ မြောက်ဖက် သဂါဟ၀ (Sagarhawa) အရပ်က Lambu Sagar ( ရေကန်ရှည် ) လို့ခေါ်တဲ့ ရေကန်ကို သကျမျိုးတွေကို လူမျိုးတုန်းသတ်ခဲ့တဲ့ နေရာလို့ ယူဆကြပါတယ်။ မဟာနာမ်မင်းကြီး ရေထဲကို ဆင်းပြီး မိမိကိုယ် မိမိ အဆုံးစီရင်ခဲ့တယ်ဆိုတဲ့ ရေကန်ကလည်း ဒီရေကန်ပဲ ဖြစ်နိုင်ပါတယ်။

View Kapilavastu and Lumbini in a larger map

 

ဒီစိတ်မကောင်းစရာ အဖြစ်အပျက်ရဲ့ ဝေးသောအကြောင်းအဖြစ် ကံကြမ္မာကို ရိုးမယ်ဖွဲ့ကောင်း ဖွဲ့နိုင်ပေမယ့်၊ နီးသောအကြောင်းအနေနဲ့ သကျတို့ရဲ့ ကျဉ်းမြောင်းတဲ့ လူမျိုးရေး မာန်မာနက သူတို့ လူမျိုး၊ သူတို့ တိုင်းပြည်ကို ဖျက်ဆီးပစ်ခဲ့တယ်လို့ ဆိုရင်လည်း မမှားနိုင်ပါဘူး။ သားသမင်တွေကို ကျား ခြင်္သေ့တွေကတောင် ပြန်ပြီး ကြောက်ရတယ်ဆိုတဲ့ ကပိလရသေ့ရဲ့ အောင်မြေလည်း ၀ိဋဋူဘ ရန်ကနေ အကာအကွယ် မပေးနိုင်တော့တာကို သတိပြုနိုင်ပါလိမ့်မယ်။ သတ်ဖြတ်မှုကနေ လွတ်မြောက်သွားတဲ့ သကျမျိုးနွယ်တွေက ပိပ္ပလိဝန (ပိတ်ချင်းတော) ထဲမှာ မောရိယ (ဒေါင်း) အမည်နဲ့ မျိုးနွယ်စု အသစ် ထူထောင်ခဲ့ကြတယ်လို့ သီဟိုဠ်ကျွန်းမှာရေးတဲ့ မဟာဝံသကျမ်းမှာ ဖော်ပြကြပါတယ်။ အချို့က အိန္ဒိယဖက်ခြမ်းမှာရှိတဲ့ ပိပရဟ၀ါ ဆိုတာ ပိပ္ပလိဝနကနေ အခေါ်ရွေ့လျောပြီး လာတာလို့ ယူဆကြပါသေးတယ်။ မောရိယမျိုးနွယ်စုက ဘိုးတော် စန္ဒဂုတ်မင်း လက်ထက် (340 BC – 298 BC) မှာ မောရိယမင်းဆက်ကို ထူထောင်ခဲ့ပြီး မြေး အသောကမင်း လက်ထက် (304–232 BCE) မှာ မောရိယအင်ပါယာက အဲဒီခေတ်အခါရဲ့ကမ္ဘာမှာ အကြီးဆုံး အင်ပါယာနိုင်ငံကြီး ဖြစ်သွားခဲ့ပါတယ်။ အသောကမင်းရဲ့ ကျေးဇူးနဲ့ ဗုဒ္ဓသာသနာက ကမ္ဘာ အရပ်အရပ် ပြန်နှံ့ခဲ့ပေမယ့်၊ ယခုအချိန်မှာတော့ သာသနာစတင် မြစ်ဖျားခံရာ အိန္ဒိယနိုင်ငံမှာ သာသနာ တိမ်ကော ကွယ်ပျောက်ခဲ့ရပြန်ပါတယ်။ အသောကမင်းကြီးရဲ့ရေးထိုးခဲ့တဲ့ ကျောက်စာတိုင်တွေ၊ တည်ထားခဲ့တဲ့ စေတီပျက်တွေကနေပဲ တချိန်က ထွန်းကားခဲ့တဲ့ ဗုဒ္ဓသာသနာကို ပြန်လည်မှန်းဆ ကြည်ညိုရပါတော့တယ်။ ဖြစ်ချည်တလှဲ့ ပျက်ချည်တခါ လောကဓမ္မတာကို သံဝေဂယူနိုင်ပါတယ်။

နိဂလိဟ၀ (ကောဏာဂုံဘုရား အလောင်းဖွားရာ)၊ ဂေါတိဟ၀ (ကကုသန်ဘုရား အလောင်းဖွားရာ)၊ သဂါဟ၀ (သာကီဝင်တွေကို လူမျိုးတုန်း သတ်ဖြတ်ခဲ့တဲ့ ရေကန်)၊ ပိပရဟ၀ါ စတဲ့နေရာတွေကိုတော့ မရောက်ဖြစ်ခဲ့ပါဘူး။ မြန်မာဘုရားဖူး ၀န်ဆောင်အဖွဲ့တွေက ကပိလ၀တ္ထု (တိလောရကွတ်) ကိုပဲ ပို့ပေး လေ့ရှိပါတယ်။ မြို့ရိုးဟောင်းက ၂၂-ပေကျယ်တဲ့ ကျုံး၊ ၁၀-ပေ ကျယ်တဲ့ မြို့ရိုးနဲ့ ၀န်းရံထားပါတယ်။ အရှေ့ဖက်နဲ့ အနောက်ဖက်က မြို့တံခါးကြီးတွေကို ရှေးဟောင်းသုတေသနက တူးဖော်ထားပါတယ်။ မြို့ရိုးဟောင်းတွေ၊ တံခါးမကြီးတွေကို ကြည့်ပြီး တချိန်က ကပိလ၀တ်ဟာ ကြီးကျယ်ခမ်းနားခဲ့မယ် ဆိုတာမှန်းဆနိုင်ပါတယ်။ ကပိလ၀တ်ဟာ ချမ်းသာကြွယ်ဝပြီး လူနေ ထူထပ်ကြောင်း၊ လမ်းတွေမှာ ဆင်တွေ မြင်းတွေ လှည်းတွေ ရထားတွေနဲ့ ပြည့်ကျပ်စည်ကားကြောင်း မဟာဝဂ္ဂသံယုတ် မဟာနာမသုတ်မှာ တွေ့ရပါတယ်။ တရုတ်ရဟန်းတော် ဖာရှန် ရောက်ခဲ့တဲ့ အချိန်မှာတော့ ကပိလ၀တ်မှာ အိမ်ခြေ ဆယ်စုလောက်ပဲ ရှိပါတော့တယ်။ ကပိလ၀တ်ကနေ လုမ္ဗိနီကို သွားတဲ့လမ်းမှာလည်း လူသူကင်းဆိတ်နေပြီး ဆင်ဖြူတွေ၊ ခြင်္သေ့တွေရဲ့ ရန်ကြောင့် အထူးသတိထားပြီး သွားရတယ်လို့ မှတ်တမ်းတင်ခဲ့ပါတယ်။

ကပိလ၀တ္ထု နန်းတော်ရာ

ကပိလ၀တ်မြို့ဟောင်းအတွင်းကို အနောက်ဖက် တံခါးအနီးကနေ ၀င်ရပါတယ်။ လူသွားလမ်းလေးအတိုင်း မီတာ-၂၀၀ လောက် လျှောက်လိုက်ရင် နန်းတော်ရာ အုတ်မြစ်ခုံကို တွေ့ရပါတယ်။ အလောင်းတော် သိဒ္ဓတ္ထမင်းသား စိုးစံဖို့အတွက် နွေမိုးဆောင်း ဥတုသုံးပါးနဲ့ လျော်ညီအောင် ဆောက်လုပ်ထားတဲ့ ရမ္မ၊ သုဘ၊ သုရမ္မဆိုတဲ့ နန်းပြသာဒ်ကြီး သုံးဆောင်ရဲ့ အုတ်မြစ်ခုံတွေလည်း ဖြစ်နိုင်ပါတယ်။ နန်းတော်ရာရဲ့ မြောက်ဖက်နားမှာ နတ်ကွန်းတစ်ခုရှိပါတယ်။ ဒီနတ်ကွန်းမှာ ဒေသခံတွေက အတီးအမှုတ်တွေနဲ့ ပူဇော်ပသပြီး သားဆု တောင်းလေ့ရှိကြောင်း သိရပါတယ်။

သားဆုတောင်းရာ နတ်ကွန်း

ကပိလ၀တ္ထု အရှေ့တံခါးဆီသို့

ကပိလ၀တ္ထု အရှေ့တံခါးနှင့် မြို့ရိုး

ကပိလ၀တ္ထု အရှေ့တံခါး

ကပိလ၀တ္ထု အရှေ့တံခါး

ကပိလ၀တ္ထု မြို့ရိုး

နန်းတော်ရာနေရာကနေ အရှေ့ဖက်ကို မီတာ-၂၀၀ လောက်ဆက်ပြီး သွားရင် အရှေ့ဖက် မြို့တံခါးကို ရောက်ပါတယ်။ သိဒ္ဓတ္ထမင်းသားက ဒီအရှေ့ဖက်တံခါးကနေ တောထွက်တော်မူခဲ့တာ ဖြစ်လို့ “မဟာဘိနိက္ခမနဒွါရ” လို့လည်း ခေါ်ပါတယ်။ မြို့တံခါးကနေ အရှေ့ဖက်ကို လှမ်းမျှော်ကြည့်လိုက်ရင် မလှမ်းမကမ်းမှာ စေတီပျက်ကုန်းလေး တစ်ခုကို တွေ့ရပါတယ်။ ဧည့်လမ်းညွှန်တွေကတော့ ကဏ္ဍကမြင်း ရင်ကွဲနာကျပြီး နတ်ရွာလားတဲ့ နေရာအထိမ်းအမှတ် လွမ်းစေတီလို့ ဆိုပါတယ်။ ဒါပေမယ့် ကျမ်းစာတွေ အရဆိုရင်တော့ ကဏ္ဍကမြင်း ရင်ကွဲနာကျတဲ့နေရာဟာ အနောမာမြစ်ကမ်း နံဘေးမှာ ရှိရမှာ ဖြစ်လို့ ဟုတ်ဟန် မတူပါဘူး။ အလောင်းတော်မင်းသား တောထွက်မယ်လို့ ဆုံးဖြတ်ပြီး မြို့တံခါးက ထွက်တဲ့အခါ ကပိလ၀တ်ကို ပြန်ပြီး ကြည့်လိုတဲ့ စိတ်ဖြစ်ပါတယ်။ ဒီလိုစိတ်ဖြစ်တာနဲ့ မဟာပထ၀ီမြေကြီးက အိုးထိန်းစက်လို လည်ပြီး မြို့တော်ကို ပြတယ်၊ နောင် ဒီနေရာမှာ ကဏ္ဍကအနိဝတ္တနစေတီ တည်ခဲ့ကြကြောင်း ဗုဒ္ဓ၀င်အဋ္ဌကထာမှာ တွေ့ရပါတယ်။ အခုလှမ်းမြင်နေရတဲ့ ကုန်းမို့မို့လေးက ဒီစေတီ ဖြစ်နိုင်ပါတယ်။ ကပိလ၀တ်ရဲ့ အရှေ့ဖက်တကျောက လယ်ကွင်းတွေမှာ ခမည်းတော် သုဒ္ဓေါဒနမင်း လယ်ထွန်မင်္ဂလာ ကျင်းပခဲ့ဖူးပါလိမ့်မယ်။ အလောင်းတော် မင်းသားလေးဟာ ခမည်းတော်ကို စောင့်ဆိုင်းရင်း မိမိရဲ့ ၀င်သက်ထွက်ကို အာရုံပြုနေတဲ့အခါ ပထမဈာန်အဆင့်ရှိတဲ့ သမာဓိကို ရတော်မူခဲ့တယ်ဆိုတဲ့ သပြေပင်ရိပ်နေရာသည်လည်း ဒီလယ်ကွင်းပြင်တွေရဲ့ အလယ်တနေရာရာမှာ ဖြစ်လိမ့်မယ်လို့ မှန်းဆ ကြည့်ရပါတယ်။ သပြေပင်ရင်းမှာ ကလေးဘ၀က ရခဲ့ဖူးတဲ့ အာနာပါန ဈာန်သမာဓိဟာ နောင် မဟာဗောဓိပင်ရင်းမှာ ရရှိမယ့် သမ္မာသမ္ဗောဓိ ဉာဏ်တော်အတွက် အလွန် ကျေးဇူးများတယ်ဆိုတာကို စဉ်းစားမိခဲ့ပါတယ်။

ကပိလ၀တ္ထု (@ Tilaurakot)

ကပိလ၀တ်မြို့ရိုးဟောင်းရဲ့ မြောက်ဖက်မှာ မယ်တော်မာယာရဲ့ အရိုးအိုးစေတီနဲ့ ဖမည်းတော် သုဒ္ဓေါဒနမင်းကြီးရဲ့ ဓာတ်တော်စေတီလို့ ယူဆရတဲ့ စေတီပျက်နှစ်ဆူ ရှိပါတယ်။ ဒီစေတီ နှစ်ဆူကိုတော့ မရောက်ဖြစ်ခဲ့ပါဘူး။ အဲဒီကနေ မြောက်ဖက်ကို ဆက်သွားရင် ဟိမ၀န္တာတောင်ခြေထိ တိုင်အောင် ကျွန်းပင်၊ အင်ကြင်းပင်တွေ သဘာဝအလျောက် ပေါက်ရောက်နေတဲ့ မဟာဝုန်တောကြီး ရှိခဲ့ပါတယ်။ မြတ်စွာဘုရားရှင် ကပိလ၀တ်ပြည် နိဂြောဓာရုံကျောင်းမှာ သီတင်းသုံးတော်မူတဲ့ အခါတွေမှာ ဆွမ်းစားပြီးရင် မဟာဝုန်တောကို ၀င်ပြီး နေ့သန့်စဉ် (တစ်ပါးတည်း သမာပတ်ဝင်စား) တော်မူလေ့ရှိပါတယ်။ နိဂြောဓာရုံက ကပိလ၀တ်မြို့ တောင်ဖက် ၃-မိုင်ခွဲ (တောလိဟ၀ါမြို့ကနေ ၁-မိုင်ခွဲ) လောက်က ကူဒန်ရွာ (Kudan) အနီးမှာ ရှိပါတယ်။ ကပိလ၀တ်မြို့ဟောင်းကို လေ့လာပြီးတဲ့နောက ဘုရားဖူးအဖွဲ့က နိဂြောဓာရုံကို သွားကြပါတယ်။

 

သားတော် သမ္မာသမ္ဗုဒ္ဓ ဘုရားအဖြစ်သို့ရောက်ပြီလို့ သတင်းကြားတဲ့အခါ သုဒ္ဓေါဒနမင်းက အမတ်တွေကို စေလွှတ်ပြီး ရာဇဂြိုဟ်မြို့ ဝေဠုဝန်ကျောင်းမှာ သီတင်းသုံးနေတဲ့ မြတ်စွာဘုရားကို ပင့်ဖိတ်စေခဲ့ပါတယ်။ ဘုရားပင့်ဖို့ ရောက်လာတဲ့ အမတ်တွေက တရားတော်ကို နာကြားရပြီးတဲ့နောက် ရဟန်းပြုသွားကြပြီး သုဒ္ဓေါဒနမင်းရဲ့ အမှာစကားကို လစ်လျူရှုထားကြပါတယ်။ အကြိမ်ကြိမ် စေလွှတ်ပေမယ့် မရတဲ့အဆုံး ဗုဒ္ဓနဲ့ ဖွားဖက်တော်ဖြစ်တဲ့ ကာဠုဒါရီအမတ်ကို စေလွှတ်လိုက်ပါတယ်။ ကာဠုဒါရီအမတ်လည်း ရဟန်းပြုသွားပေမယ့် သုဒ္ဓေါဒနမင်းရဲ့ အမှာစကားကို မမေ့လျော့ပဲ နွေဦးရာသီရဲ့ သာယာလှပပုံတွေကို ဖော်ကြူးပြီး မွေးရပ်မြေဖြစ်တဲ့ ကပိလ၀တ်ပြည်ကို ကြွတော်မူဖို့ ဂါထာတော် ခြောက်ဆယ် (အတိအကျအားဖြင့် ၆၄-ဂါထာ) နဲ့ ပင့်လျှောက်တော်မူပါတယ်။ ဗုဒ္ဓမြတ်စွာက ရဟန်းသံဃာတော်တွေ ခြံရံပြီး တစ်နေ့ တစ်ယူဇနာခရီးနဲ့ နှစ်လကြာ ရာဇဂြိုဟ်ကနေ ကပိလ၀တ္ထုကို ဒေသစာရီကြွ ချီခဲ့ပါတယ်။ ကပိလ၀တ်ကို ရောက်တဲ့အခါ ဗုဒ္ဓမြတ်စွာနဲ့ ရဟန်းတော်တွေ သီတင်းသုံးဖို့အတွက် နိဂြောဓ အမည်ရတဲ့ သာကီဝင်မင်းသားရဲ့ ဥယျာဉ်အရံကို လှူဒါန်းခဲ့ပါတယ်။ သာကီဝင်မင်းတွေက အလွန် မာန်မာနကြီးသူတွေ ဖြစ်တဲ့အလျောက် ဗုဒ္ဓမြတ်စွာထက် အသက်ရွယ် ငယ်ရွယ်သူတွေကသာ လက်အုပ်ချီမိုးပြီး ရှိခိုးကြပါတယ်။ ဗုဒ္ဓမြတ်စွာထက် အသက်အရွယ် ကြီးသူ သာကီဝင်မင်းများကတော့ ရှိခိုးခြင်း မပြုဘဲ နောက်ကနေသာ ခရီးဦး ကြိုဆိုကြပါတယ်။ မာန်မာနထောင်လွှားတဲ့ ဆွေတော်မျိုးတော်များကို ချေချွတ်ဖို့အတွက် ကောင်းကင်ယံထက်မှာ ယမိုက်ပြာဋိဟာ တန်ခိုးတော်ကို ပြတော်မူပါတယ်။ အဲဒီနောက် စိုစေလိုသူကိုသာ စိုစွတ်စေပြီး မစိုစေလိုသူတွေကို မစိုစွတ်စေတဲ့ ပေါက္ခရ၀ဿမိုးကြီး ရွာသွန်းတယ်လို့ ဗုဒ္ဓ၀င်များမှာ ဖော်ပြထားပါတယ်။

နိဂြောဓာရုံကျောင်းတော်ရာ(@ Kudan)

နိဂြောဓာရုံ ကျောင်းဝင်းအတွင်းရှိ ပေါက္ခရဏီကန်

နိဂြောဓာရုံ ကျောင်းဆောင် (၁)

နိဂြောဓာရုံ ကျောင်းဆောင် ၂

စေတီပျက် ကုန်းမြင့် အမှတ် (၃)

ရှေးဟောင်းသုတေသနဌာနက ထိမ်းသိမ်းစောင့်ရှောက်ထားတဲ့ နိဂြောဓာရုံဝင်းအတွင်းကို ၀င်လိုက်တာနဲ့ ပေါက္ခရ၀ဿမိုး ရွာသွန်းဖြိုးစဉ်က ဖြစ်ပေါ်လာခဲ့တယ်လို့ ယူဆရတဲ့ ပေါက္ခရဏီ ကြာကန်ကို တွေ့ရပါတယ်။ ကြာကန်ရဲ့ အနောက်ဖက် ကပ်လျှက်မှာတော့ ပင်မကျောင်းဆောင် (အမှတ် ၁) ရှိပါတယ်။ ကျောင်းဆောင်ထက်ကို သံလှေကားကနေ တက်လို့ ရပါတယ်။ အပေါ်မှာ ဟိန္ဒူဘာသာဝင်တွေ စိုက်ထူထားတဲ့ သီဝလိင်ကို တွေ့ခဲ့ရပါတယ်။ ဒီကျောင်းရဲ့ မြောက်မှာ ရေတွင်း တတွင်းနဲ့ ကျောင်းဆောင် အမှတ် (၂) တို့ ရှိပါတယ်။ ရေကန်ရဲ့ တောင်ဖက်မှာ ရှိတဲ့ စေတီကုန်းမြင့်လေးကိုတော့ ရှေးဟောင်းသုတေသနဌာနက တူးဖော်ခြင်း မပြုရသေးပါဘူး။ ဒီကုန်းရဲ့ အထက်မှာ အစ္စလာန် အဆောက်အအုံတစ်ခု ဆောက်ထားတာကို တွေ့ခဲ့ရပါတယ်။ ဧည့်လမ်းညွှန်တွေက ဒီစေတီကုန်းလေးဟာ သားတော်ရာဟုလာကို သာသနာ့အမွေ ပေးတဲ့အနေနဲ့ ရှင်သာမဏေပြုပေးတဲ့ နေရာ အထိမ်းအမှတ် စေတီလို့ ရှင်းပြပါတယ်။ “ရှင်သာမဏေအစ နိဂြောဓာရုံက” လို့ အဆို ရှိခဲ့ပါတယ်။ ထို့အတူ မိထွေးတော် ဂေါတမီ ဦးဆောင်တဲ့ အမျိုးသမီးများက ဘိက္ခုနီအဖြစ် သာသနာဘောင် ၀င်ခွင့် ပြုဖို့ လျှောက်ထားခဲ့တာလည်း နိဂြောဓာရုံမှာပဲ ဖြစ်ပါတယ်။ လျှောက်ထားစဉ်ကတော့ ခွင့်မပြုခဲ့ပါဘူး (ဘိက္ခုနီသာသနာကို ဝေသာလီပြည်မှာ စတင်ခွင့်ပြု ခဲ့တာဖြစ်ပါတယ်)။ အမျိုးသမီးတွေကို ပိုင်ဆိုင်စရာ ပစ္စည်းအဖြစ် သဘောထား ဆက်ဆံလေ့ရှိတဲ့ အိန္ဒိယ လူ့မှုအသိုင်းအ၀ိုင်းထဲမှာ ယောက်ျားသားများနဲ့ တန်းတူ ရဟန်းခံခွင့်ကို တောင်းဆိုခဲ့တဲ့ မိထွေးတော် ဂေါတမီကို ဗုဒ္ဓခေတ်ရဲ့ အမျိုးသမီးအခွင့်အရေး လှုပ်ရှားသူတစ်ဦး အဖြစ် တင်စားနိုင်မယ် ထင်ပါတယ်။