သာသနာပြုသည်ဆိုရာဝယ်

copy from Dhamma Garden Centre

မန္တလေးမြို့၊ ပရိယတ္တိသာသနာ့တက္ကသိုလ်နေတုန်းက
အမေရိကမှာ သီတင်းသုံးနေတဲ့ ဆရာတော် ဦးဥာဏ၀ရ အလည်ပြနကြွလာတယ်။
ရောက်တုန်းရောက်ခိုက် သြ၀ါဒချီးမြှင့်တယ်။
သြ၀ါဒထဲမှာ
"သာသနာပြုပုဂ္ဂိုလ်ဟာ ၀ိဇ္ဇာနဲ့သာမက စရဏနဲ့ပါ ပြည့်စုံဖို့လိုအပ်ကြောင်း"
ထည့်သွင်းပြောကြားသွားတယ်။
သာသနာပြုရဟန်းတော်အနေနဲ့
တက္ကသိုလ်စာသင်ခန်းတွေထဲမှာ သင်ရတဲ့
အတတ်ပညာပြည့်စုံရုံနဲ့တင် မလုံလောက်ဘူး။
အကျင့်စရဏနဲ့လည်း ပြည့်စုံဖို့လိုအပ်ကြောင်း
ဆရာတော်ရဲ့သြ၀ါဒကို အဲဒီအချိန်အခါ တုန်းက နားလည်ခဲ့တယ်။
ဒါပေမဲ့ ပေါ့ပေါ့တန်တန်ပဲ သဘောထားခဲတယ်။
ဆရာတွေ သင်ကြားပေးတဲ့စာတွေကို ကောင်းကောင်းနှလုံးမသွင်းဖြစ်ခဲ့ဘူး။
ဆရာတွေ ညွှန်ကြားတဲ့ စာအုပ်တွေကို စိတ်ပါလက်ပါ မဖတ်ဖြစ်ခဲ့ဘူး။
စာမေးပွဲ အောင်ရုံပဲ လုပ်ဖြစ်ခဲ့တယ်။
အပေါင်းအသင်းတွေနဲ့ စကားပြော၊ ဝေဘန်၊
အကြောင်းမရှိ အကြောင်းရှာ မြို့ထဲလျှောက်သွား၊
ဒီလိုနဲ့ တန်ဖိုးရှိတဲ့အချိန်တွေကို ကုန်လွန်စေခဲ့တယ်။
အကျိုးဆက်ကတော့
ဆရာတော် ဦးဥာဏ၀ရပြောခဲ့တဲ့ ၀ိဇ္ဇာ (အတတ်ပညာ) မပြည့်စုံခဲ့တာဘဲ။
အခုအချိန်ကျမှ ရှိသမျှစာ ကုန်းရုန်းဖတ်နေရတော့
သာသနာပြုတဲ့နေရာမှာ ထင်သလောက် ခရီးမရောက်ဘူး။
ခေတ်စာရော ပိဋကတ်စာပေတွေကိုပါ နှံ့စပ်နိုင်သမျှ နှံ့စပ်အောင် ဖတ်မှတ်ရပါတယ်။
ဒါမှသာ တရားပွဲတွေမှာ မေးသမျှမေးခွန်းတွေကို ကောင်းကောင်းမွန်မွန် ဖြေဆိုနိုင်တာ။

(မှတ်ချက်။ နိုင်ငံခြားတရားပွဲများတွင် မြန်မာပြည်ဓမ္မကထိကဆရာတော်များကဲ့သို့
မျက်စိနှစ်လုံး စုံမှိတ်ကာ "သတည်း" ချရုံမျှဖြင့် မပြီးပါ။
တရားပွဲပြီးဆုံးသောအခါ အမေးအဖြေကဏ္ဍရှိပါသည်။
တရားဟောစဉ် တရားထဲတွင်ပါသော မရှင်းလင်းသော အချက်အလက်များကို
စာရွက်ဖြင့် တရားနာပရိသတ်တို့က ရေးမှတ်ထား၍ တရားပွဲပြီးချိန်တွင် မေးလေ့ရှိရာ
မေးသူတို့ ကျေနပ်သည်အထိ တရားဟောသူက ဖြေကြားပေးရပါသည်။)

ပရိယတ္တိသာသနာ့တက္ကသိုလ်ပညာရေးမှာ
ပဋိပတ်မကင်းသော ပရိယတ်သမားဖြစ်ဖို့အတွက်
နောက်ဆုံးနှစ် စာသင်သားရဟန်းတော်များ
သတိပဌာန်တရားအားထုတ်ရပါတယ်။
ဆရာတော်ဦးဥာဏ၀ရ ပြောခဲတဲ့ စရဏ (အကျင့်တရား)နဲ့ ပြည့်စုံဖို့ပင်။
ဒီလို တရားအားထုတ်စဉ်အချိန်တုန်းကလည်း
ငယ်ရွယ်သူဖြစ်သည့်အလျှောက် (ထိုစဉ်က ရဟန်းသုံးဝါသာရှိသေး)
စိတ်ပါလက်ပါ အားမထုတ်ဖြစ်ခဲ့ဘူး။
ဝတ်ကျေတမ်းကျေပင်။

အကျိုးဆက်ကတော့ သတိပဌာန်တရားအားထုတ်တဲ့သူတွေက
ပြဿနာတစုံတရာ မေးလာတဲ့အခါ
(ကိုယ်က သေသေချာချာ ဂဃနဏ အားမထုတ်ဘူးတဲ့အတွက်)
အခက်အခဲများစွာ တွေ့ရခြင်းပင်။
ဒါ့ကြောင့် သာသနာပြုမယ်ဆိုရင်
(အထူးသဖြင့်) နိုင်ငံခြားမှာ သာသနာပြုမယ်ဆိုရင်
ဝိဇ္ဇာ (အတတ်ပညာ) ရော စရဏ (အကျင့်တရား) ပါ ပြည့်စုံဖို့ အရေးကြီးပါတယ်။

ဝိဇ္ဇာ (အတတ်ပညာ)နဲ့ ဆက်စပ်ပြီး
မြန်မာစာပေ ပိဋကတ်စာပေတတ်ကျွမ်းထားရမည့်အပြင်
နိုင်ငံခြားသာသနာပြုရဟန်းဖြစ်ဖို့ အင်္ဂလိပ်စာ အင်္ဂလိပ်စကားလည်း တတ်ထားရပါမယ်။
ပိဋကတ်စာပေ ဘယ်လောက်ကျွမ်းကျင် ကျွမ်းကျင်
အင်္ဂလိပ်စကားမတတ်ရင် သာသနာပြုတဲ့နေရာမှာ ခရီးရောက်မှာ မဟုတ်ဘူး။

မန်း၊ သာသနာ့တက္ကသိုလ်တက်တုန်းက အင်္ဂလိပ်စကားပြောတတ်ချင်လွန်းလို့
ညနေဆိုရင် မန္တလေးတောင်ပေါ်တက်ပြီး နိုင်ငံခြားသားတွေနဲ့
အင်္ဂလိပ်စကားလိုက်ပြောရတာလည်းအမောပါပဲ။

ထိုစဉ်အခါတုန်းက မင်းကွန်းဘက်ကပြန်လာတဲ့ နိုင်ငံခြားသားတစ်ယောက်နဲ့
မန္တလေးတောင်ပေါ်မှာတွေ့တယ်။
အင်္ဂလိပ်စကားထိုက်သင့်သလောက်ပြောတတ်နေတဲ့ စာရေးသူ့ကို
"ဘွဲ့ဘယ်နှစ်ခုရပြီလဲ" လို့ မေးတယ်။
အဲတုန်းက သာသနတက္ကသီလဓမ္မာစရိယဘွဲ့ရပြီးခါစဆိုတော့
"တစ်ဘွဲ့ရပြီးပြီ" လို့ ပြောရတာပေါ့။
ဒီတော့ "ခင်ဗျားက တစ်ဘွဲ့ပဲ ရသေးတာ၊ အင်္ဂလိပ်စကား အတော်ပြောနိုင်သားပဲ၊
ဟိုဘက်ကမ်းက ဘုန်းကြီးတွေက ပြောတယ်၊ သူတို့ ကိုးဘွဲ့ရပြီးပြီတဲ့၊
ဒါပေမဲ့ ခင်ဗျားလို အင်္ဂလိပ်စကား မပြောတတ်ဘူး" လို့
နိုင်ငံခြားသားက အံ့သြတကြီး ပြောတယ်။
နိုင်ငံခြားမှာတော့ မြန်မာပြည်မှာလို ဘွဲ့ကြီးတွေကို
နံရံတွေမှာချိတ်ပြီး လာသမျှ ဒကာ ဒကာမတွေကို
ဘုန်းဘုန်းက ၉ ဘွဲ့ရပါ၊ ဘုန်းဘုန်းက ၁၂ ဘွဲ့ရထားတာပါလို့ပြောပြီး
သာသနာပြုလို့ မရပါဘူး။
လုပ်ရည်ကိုင်ရည်က အရေးကြီးပါတယ်။

အသက်ကြီးတိုင်းလည်း နိုင်ငံခြားမှာ နေရာမရပါဘူး။
သာသနာပြုတဲ့စွမ်းရည်ဟာ အသက်ကြီးတာ (၀ါကြီးတာ)နဲ့ မဆိုင်ပါဘူး။
အရည်အချင်းရှိတဲ့သူက ပလ္လင်ပေါ်တက်ရတာပါ။
အသက်ထက် (၀ါထက်) အရည်အချင်းက ပိုအရေးကြီးပါတယ်။
ဒါဟာ သဘာဝကျပြီး "မြတ်စွာဘုရားရဲ့မူ" လို့ပြောမယ်ဆို ပြောလို့ရပါတယ်။
မြတ်စွာဘုရားက အသက်ကြီးတဲ့ ၀ါကြီးတဲ့ အရှင်ကောဏ္ဍညတို့အဖွဲ့ကို
ရာထူးကြီးကြီးမပေးဘဲ အသက်ငယ်တဲ့ ၀ါငယ်တဲ့
(နောက်မှ သာသနာ့ဘောင်ကို ရောက်လာတဲ့)
အရှင်သာရိပုတ္တရာနဲ့ အရှင်မဟာမောဂ္ဂလာန်တို့ကိုသာ ရာထူးကြီးကြီးပေးထားလို့ပါဘဲ။
ဒါကိုထောက်ရှုပြီး ကမ္ဘာ့စံချိန်နဲ့သာမက မြတ်စွာဘုရားရဲ့မူဝါဒနဲ့ပါကိုက်ညီအောင်
မြန်မာပြည်ရှိ စာသင်တိုက်များ၊ သာသနာ့တက္ကသိုလ်များမှာ
ဝါကြီးတာထက် အရည်အချင်းရှိတဲ့သူများကို ပို၍ ဦးစားပေး စဉ်းစားသင့်ပါတယ်။

ဘာသာစကားနဲ့စပ်လို့ အတွေ့အကြုံလေး ပြောပြအုံးမယ်။
အင်္ဂလိပ်စာမတတ်တဲ့ ဆရာတော်တစ်ပါးနဲ့ အင်္ဂလန်ကို ခရီးအတူထွက်ဖူးတယ်။
အင်္ဂလိပ်စာမတတ်တဲ့အတွက် အသေးအဖွဲလေးတွေမှာ
အကြီးအကျယ် ပြဿနာဖြစ်ခဲ့ရတယ်။
လေဆိပ်ဝင်တာနဲ့ ကျန်းမာရေးအတွက် ဆေးစစ်ရတယ်။
သူများတွေ ငါးမိနစ်နဲ့ပြီးရမဲ့ဟာ သူ့မှာ နာရီဝက်နဲ့ မပြီးနိုင်ဘူး။
ဆေးစစ်တဲ့အခန်းထဲ တစ်ယောက်စီဝင်ရတာဆိုတော့ စာရေးသူလည်း
ဝင်ပြီး ကူညီခွင့်မရပါဘူး။
နောက်မှ သိရတာက ဟိုကပြောတဲ့စကားကို နားမလည်တဲ့အတွက်
ဓာတ်မှန်ရိုက်တဲ့အခါ အနေအထား တလွဲစီ ဖြစ်ဖြစ် နေတာဆိုပဲ။

လေဆိပ်ကနေ ကျောင်းရောက်တော့
ဒကာမကြီးတစ်ယောက်က လှူဖွယ်လေးတွေကို ကိုင်ပြီး လာလှူတယ်။
စာရေးသူလည်း ရေမိုးချိုး အနားယူတယ်။
ခဏနေတော့ ဆရာတော်က စာရေးသူအခန်းထဲဝင်လာပြီး
"မောင်ဣန္ဒက၊ အခုနက ဒကာမကြီးက အလိုက်သိတယ်နော်၊
လန်ဒန်မှာ ရာသီဥတုက အေးတော့ အသားပတ်မှာစိုးလို့ထင်တယ်၊
ဒို့ကို လိမ်းစရာတွေ (Skin Lotion) လာလှူသွားတယ်၊
ကိုယ်တော့ လိမ်းလာခဲ့ပီ" လို့ပြောတယ်။
စာရေးသူလည်း မျက်လုံးပြူးသွားတယ်။
"နေစမ်းပါဦး ဆရာတော်၊ ဆရာတော့် ဗူးကြည့်ပါရစေဦး" လို့ပြောပြီး
သူ့အခန်းထဲ လိုက်ကြည့်တော့ "ဘယ်ကလာ လိမ်းစရာ (Skin Lotion) ဗူး ဟုတ်ရမှာလဲ၊
အဲဒါ မုတ်ဆိတ်မွှေး နှုတ်ခမ်းမွှေးရိတ်တဲ့အခါ သုံးရမဲ့ဟာ" လို့ ဆရာတော့်ကို ပြောပြရတယ်။

အင်္ဂလိပ်စာ အင်္ဂလိပ်စကား မတတ်လို့ကတော့
သာသနာပြုဘို့ နေနေသာသာ ဒီလိုအသေးအဖွဲလေးတွေမှာကိုပဲ
အမှားမှားအယွင်းယွင်းဖြစ်နေလို့ ဖြေရှင်းလို့ကို မပြီးနိုင်ဘူး။
ဒါက ၀ိဇ္ဇာ (အတတ်ပညာ) နဲ့ပတ်သက်လို့
တတ်သင့်တာတွေ တတ်ထားဖို့ သတိရတုန်း အကြံပေးဖြစ်တာပါ။

စရဏ (အကျင့်)နဲ့ပတ်သက်လို့လည်း ပြောစရာတွေ တပုံတပင်ကြီး။
နိုင်ငံခြားမှာ သာသနာပြုမယ်ဆိုရင် ရိပ်သာတစ်ခုခုမှာ
ဆရာနည်းကျကျ သတိပဌာန်တရားကို အားထုတ်ထားသင့်တယ်။
သောတာပန်စသည်မဖြစ်တောင် နည်းမှန် လမ်းမှန်နဲ့
တစုံတခုသောအတိုင်းအတာအထိ အားထုတ်ထားသင့်တယ်။
ဓမ္မကထိကလေသံတွေကို နားထောင်တဲ့အခါမှာ (၀ါ) တရားနာတဲ့အခါမှာ
တရားအားထုတ်ဖူးတဲ့ ဓမ္မကထိကလေသံက တရားနာသူ့အပေါ်မှာ ခွန်အားပိုရှိပါတယ်။
ဒါ့ကြောင့် တရားအားထုတ်ပြီးမှ တရားဟောသာသနာပြုမယ်ဆိုရင်
ပိုအောင်မြင်မယ်လို့ စာရေးသူတော့ ယုံကြည်တယ်။

အဲ၊ အကျင့် (စရဏ) ဆိုလို့ တရားထိုင်တဲ့အကျင့်သာ မရှိချင်နေမယ်။
ကွမ်းစားတဲ့အကျင့်တော့ ရဟန်းတော်တော်များများရှိကြတယ်။
မြန်မာပြည် လူတော်တော်များမျာွးကလည်း ကွမ်းစားကြတော့
ရဟန်းတော်တွေထံပါ ကွမ်းစားတဲ့အကျင့် ကူးစက်ကုန်ပုံပေါ်တယ်။
အခုနောက်ပိုင်း ရဟန်းတော်တော်များများ (ကိုရင်များပါ)
ကွမ်းစားတဲ့အကျင့်ရှိလာတာကို တွေ့ရတယ်။
ဆွမ်းစားကွမ်းစားဆိုတဲ့ စကားတွဲလုံးတွေကလည်း
ရဟန်းတော်များ ဆွမ်းစားပြီးရင် ကွမ်းစားရမဲ့အလေ့အကျင့်ကို တွန်းအားပေးနေသလိုပဲ။
ဘယ်လိုပဲဖြစ်ဖြစ်၊ ကွမ်းစားတာဟာ မကောင်းပါဘူး။

စာရေးသူ မလေးရှားနိုင်ငံရောက်တာ တစ်နှစ်ကျော် နှစ်နှစ်နီ်းပါးရှိပြီ။
မလေးရှားရောက် ရွှေမြန်မာတွေနဲ့ တရုတ်တွေကို အများဆုံးဆက်ဆံရတယ်။
ရံဖန်ရံခါ သူတို့ရဲ့အိမ်တွေကို သာရေးနာရေးကိစ္စတွေနဲ့ ဆွမ်းစားကြွရတယ်။
အိမ်တစ်အိမ်၊ တိုက်ခန်းတစ်ခန်းမှာ ဗမာရှိ မရှိ လှေကားအတက် ဒေါင့်ကို ကြည်တာနဲ့ သိရတယ်။
ဗမာအများစုဟာ ကွမ်းဝါးလေ့ရှိပြီး ကွမ်းတံတွေးကို
လှေကားအတက်ဒေါင့်တွေမှာ ထွေးလေ့ရှိတာကိုး။

စာရေးသူတော့ ဟိုနိုင်ငံ ဒီနိုင်ငံ အသွားအလာများလာပြီး
နိုင်ငံခြားမှာ အနေများလာလို့လားတော့ မသိဘူး။
ကိုယ့်နိုင်ငံ ကိုယ့်လူမျိုးကို ချစ်တဲ့စိတ် (မျိုးချစ်စိတ်) ပိုကြီးထွားလာတယ်။
ကိုယ့်နိုင်ငံ ကိုယ့်လူမျိုး အနှိမ်ခံရမှာ အရမ်းကြောက်တာပဲ။
ကိုယ့်နိုင်ငံ ကိုယ့်လူမျိုးကို အထင်သေးစကားပြောလာရင် မခံနိုင်လွန်းလို့
ဖြေရှင်းရတာလဲ အမောပဲ။
ကိုယ့်လူမျိုးကိုလည်း ကြုံတဲ့အခါတိုင်း အသိတရားမြင့်မြင့်နဲ့
အဆင့်အတန်းရှိရှိ နေတတ်အောင် နေနိုင်အောင် ကြိုးစားဖို့ ပြောပြဖြစ်ပါတယ်။

ဆွမ်းစားပင့်လို့ အိမ်တွေ ကြွရတဲ့အခါ
အိမ်ပေါ်တက်လိုက်လို့ လှေကားဒေါင့်တွေမှာများ ကွမ်းတံတွေးတွေတွေ့လိုက်ရရင်
သူတို့အစား ကိုယ်ရှက်မိတယ်။
ဒီလိုတွေ့ကရာနေရာတွေမှာ ကွမ်းတံတွေးတွေ ထွေးတဲ့အတွက်ကြောင့်
ဒို့လူမျိုးတွေကိုတော့ အထင်သေးတော့မှာပဲလို့တွေးပြီး စိတ်မကောင်းဖြစ်မိတယ်။
ကွမ်းတံတွေးကို စည်းမဲ့ကမ်းမဲ့ထွေးတာဟာ
ကိုယ့်မှာ အသိတရားဘယ်လောက်ရှိတယ်ဆိုတာ ဖေါ်ပြနေတာပဲ မဟုတ်လား။
တနည်းပြောရရင် ကိုယ့်အဆင့်အတန်းကို ပြောပြနေတာပဲမဟုတ်လား။

နိုင်ငံခြားမှာ သာသနာပြုမဲ့ရဟန်းတော်ဟာ
ကွမ်းဝါးခြင်းစတဲ့ ဒီလိုအသေးအဖွဲလေးတွေကို ရှောင်ကြဉ်ထားသင့်တယ်။
သာသနာပြုမဲ့မြန်မာရဟန်းတော်ရဲ့သွားတော်က
မီးသွေးထက်မဲနေမယ်ဆိုရင်
သာသနာပြုမဲ့မြန်မာရဟန်းတော်က
Vampire လို့ခေါ်တဲ့ သွေးစုတ်ဖုတ်ကောင်နဲ့တူနေမယ်ဆိုရင်
အသန့်အပြန့်ကြိုက်တတ်တဲ့ တရုတ် အင်္ဂလိပ်စတဲ့လူမျိုးတွေကို
ဘယ်လိုမှ သာသနာပြုလို့ရမယ်မထင်ဘူး။

ဒါနဲ့စပ်လို့ ငယ်ဆရာတစ်ပါးပြောတာကို အမှတ်ရမိတယ်။
"ငါ့ကို ဒကာမကြီးတစ်ယောက်က လျှောက်တယ်ကွာ၊
အရှင်ဘုရား၊ တပည့်တော်ရဲ့သားသမီးတွေကို
ကွမ်းမစားရ၊ ဆေးလိပ်မသောက်ရလို့ စည်းကမ်းထုတ်ထားတာ၊
အခု သူတို့တွေ အသက် ၃၀ ကျော်ကုန်ပြီ။
တစ်ယောက်မှ ဆေးမသောက် ကွမ်းမစားကြဘူးဘုရား၊
အရှင်ဘုရားကော၊ အရှင်ဘုရားတပည့်တွေကို
ဒီလိုစည်းကမ်း မထုတ်နိုင်ဘူးလားဘုရား၊
သူတို့ပါးစပ်တွေ သွားတွေ အကုန်လုံး နီရဲနေတာပဲ”တဲ့၊
“ငါ့တပည့်တွေကွမ်းစားတာကို ကြည့်ပြီး ငါ့ကို ဒီလိုလျှောက်တော့
ငါဖြင့် ရှက်လိုက်တာကွာ" တဲ့။

(လွန်ခဲ့တဲ့ ၇ နှစ်ခန့်က နပသ စာစောင်အတွက် ရေးခဲ့တာ)